Politics, Law & Military
ကချင်ပြည်နယ် မဘိမ်းမြို့နယ်နှင့် ရှမ်းပြည်နယ် မိုးမိတ်မြို့နယ်တွင် ငွေကျပ် ၄၆,၂၄၂ သိန်းတန်ဖိုးရှိ မူးယစ်ဆေးဝါးများ ဖမ်းဆီးရမိ
ရန်ကုန်၊ ဇန်နဝါရီ ၂၀ ရက် (ဆင်ဟွာ)
ကချင်ပြည်နယ် မဘိမ်းမြို့နယ်နှင့် ရှမ်းပြည်နယ် မိုးမိတ်မြို့နယ်တွင် ငွေကျပ် ၄၆,၂၄၂ သိန်းတန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း ပြည်ထဲရေးဝန်ကြီးဌာနမှ ယနေ့သတင်းထုတ်ပြန်သည်။
ဖြစ်စဉ်မှာဇန်နဝါရီ ၁၉ ရက် ၁၆း၃၀ နာရီ တွင် မူးယစ်တပ်ဖွဲ့စု(၂၄)လားရှိုးမှ တပ်ဖွဲ့ဝင်များပါဝင်သော ပူးပေါင်း အဖွဲ့သည် မိုးမိတ်မြို့နယ် မိုးမိတ်-မဘိမ်းကားလမ်း၊ မိုင်တိုင်အမှတ်(၄/၃)အနီးတွင် …..မောင်းနှင် လာသည့် MITSUBISHI TRITON အမျိုးအစား မော်တော်ယာဉ်ကိုရှာဖွေရာ မော်တော်ယာဉ်၏ကြမ်းခင်းနှင့် ဘေးဘောင်အံဝှက်များအတွင်းမှ ဆပ်ပြာခွက် ၂၂၁ ခွက်ဖြင့်ထည့်ထားသည့် ဘိန်းဖြူ ၂ ဒသမ ၂၁ ကီလို၊ စိတ်ကြွသွပ်ဆေးပြား ၂၂ ဒသမ ၉ သိန်းနှင့် လက်ကိုင်ဖုန်းတစ်လုံးတို့ကို သိမ်းဆည်းရမိခဲ့ကြောင်း သိရသည်။
ကွင်းဆက်အရ ၂၂း၁၀ နာရီတွင် ကချင်ပြည်နယ် မဘိမ်းမြို့နယ်၊ ဘဟဲကျေးရွာအုပ်စု၊ ပွေးတူး ကျေးရွာအနီးရှိ ရွှေလီ(၃)ရေအားလျှပ်စစ်စီမံကိန်း မြစ်ကူးတံတား၌ ကို–နှင့် မ….တို့အား MITSUBISHI PAJERO အမျိုးအစား မော်တော်ယာဉ်တစ်စီး၊ လက်ကိုင်ဖုန်းတစ်လုံးနှင့်အတူ ဖမ်းဆီးရမိခဲ့သဖြင့် ၎င်းတို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)