Connect with us

Politics, Law & Military

တာချီလိတ်မြို့နယ်တွင် ငွေကျပ် သိန်း ၄၈၀၀ ကျော်တန်ဖိုးရှိ ထိန်းချုပ်ဓာတုပစ္စည်း ကဖင်းများ ဖမ်းမိ

သိမ်းဆည်းရမိသော မူးယစ်ဆေးဝါးများနှင့် တရားခံအားတွေ့ရစဉ်(ဓာတ်ပုံ-CCDAC Myanmar)

ရန်ကုန်၊ ဇန်နဝါရီ ၂၉ ရက် (ဆင်ဟွာ) ရေးသားသူ/အိမွန်ကျော်
တာချီလိတ်မြို့နယ်၊ ကျိုင်းတုံ-တာချီလိတ်ကားလမ်းတွင် ငွေကျပ် သိန်း ၄၈၀၀ ကျော်တန်ဖိုးရှိ ထိန်းချုပ်ဓာတုပစ္စည်း ကဖင်းများ ဖမ်းဆီးရမိခဲ့ကြောင်း မြန်မာနိုင်ငံ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများအန္တရာယ်တားဆီးကာကွယ်ရေး ဗဟိုအဖွဲ့(CCDAC Myanmar)က ယနေ့ ထုတ်ပြန်သော သတင်းအရ သိရသည်။

မယ်ယန်းပူးပေါင်းစစ်ဆေးရေးစခန်းအား ရှောင်ကွင်းကာ မယ်လိတ်ပါကော်-ဖန်မင်ရွာတောလမ်းအတိုင်း မူးယစ်ဆေးဝါးထုတ်လုပ်ရာတွင်အဓိကအသုံးပြုသော ထိန်းချုပ်ဓာတု ပစ္စည်းများဖြစ်သည့် ကဖင်းများတရားမဝင်သယ်ဆောင်လာမည့်သတင်းအရ လုံခြုံရေးတပ်ဖွဲ့ဝင်များနှင့် မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့ဝင်များပူးပေါင်း၍ အဆိုပါလမ်းဝန်းကျင်၌ ပိတ်ဆို့ဖြန့်ခွဲစောင့်ဆိုင်းနေစဉ် လူ(၂) ဦး လိုက်ပါလာသော Vigo အမျိုးအစား မော်တော်ယာဉ်ရောက်ရှိလာသဖြင့် ရပ်တန့်ရှာဖွေနေစဉ် နောက်မှဆက်လက်လိုက်ပါလာသည့် Vigo အမျိုးအစား မော်တော်ယာဉ် ၃ စီးမှာနောက်ပြန်လှည့်မောင်းပြေးသဖြင့် ပစ်ခတ်ဖမ်းဆီးခဲ့ကြောင်း သိရသည်။

ယင်း ယာဉ်အားပစ်ခတ်ဖမ်းဆီးမှုကြောင့် ကားဘီးများပေါက်၍ ဆက်လက်မောင်းနှင်မရဘဲ အဆိုပါယာဉ်များပေါ် တရားခံ(၄)ဦး ထွက်ပြေးလွတ်မြောက်သွားကြောင်း၊ မော်တော်ယာဉ် ၄ စီးဖြင့် သယ်ဆောင်လာသည့် ကဖင်း ၆၀၂၅ ကီလို သိမ်းဆည်းရမိခဲ့၍ ဖမ်းမိတရားခံများ၏ ဖော်ထုတ်ချက်အရ ကဖင်းများအား ကျိုင်းလပ်မြို့နယ်၊ မယ်ခေါင်မြစ်ဘေးရှိ ကျကကျေးရွာမှ မိုင်းဆတ်မြို့နယ်၊ ပူနားကိုကျေးရွာသို့ သယ်ဆောင်ခြင်း ဖြစ်ကြောင်း တစ်ဖက်နိုင်ငံနယ်စပ်မှတစ်ဆင့် ပြည်တွင်းသို့သယ်ယူကြောင်း စစ်ဆေးရရှိခဲ့ကြောင်း သိရသည်။

အဆိုပါ ဖမ်းဆီးရမိသော တရားခံ၂ဦးအား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း သိရသည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.