Politics, Law & Military
မောင်တောမြို့နယ်၌ ငွေကျပ် ၃၆၂၇ သိန်းတန်ဖိုးရှိ စိတ်ကြွဆေးပြား ၁,၈၁၃,၅၀၀ ပြားများဖမ်းဆီးရမိ
ရန်ကုန်၊ သြဂုတ် ၂၃ ရက် (ဆင်ဟွာ)
မောင်တောမြို့နယ်၌ ငွေကျပ် ၃၆၂၇ သိန်းတန်ဖိုးရှိ စိတ်ကြွဆေးပြား ၁,၈၁၃,၅၀၀ ပြားများ ဖမ်းဆီးရမိခဲ့ကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ မှ သတင်းထုတ်ပြန်သည်။
ဖြစ်စဉ်မှာ လုံခြုံရေးတပ်ဖွဲ့ဝင်များ ပါဝင်သော ပူးပေါင်းအဖွဲ့သည် သြဂုတ် ၂၁ ရက် ညနေ ၄ နာရီတွင် သတင်းအရ မောင်တောမြို့နယ် မြို့ဦးအုပ်စုအတွင်း လှည့်ကင်းဆောင်ရွက်စဉ် ဇူလရွာနေသစ် ကုန်သည်/ပုဇွန်ကန်လုပ်ငန်း လုပ်ကိုင်သူ အာဆော့ဒူလာ(၃၈)နှစ် (ဖ)မော်ဂူလာမောက်၏ နေအိမ်အား ဝင်ရောက်ရှာဖွေစစ်ဆေးခဲ့ကြောင်း၊ ထိုသို့စစ်ဆေးစဉ် နေအိမ်ဝင်းအတွင်းရှိ ဆန်ဂိုထောင်အတွင်းမှ ဆာလာ အိတ်(၁၀)အိတ်ဖြင့် ထုပ်ထားသည့် ငွေကျပ် ၃၆၂၇ သိန်းတန်ဖိုးရှိ WYစာတမ်းပါ စိတ်ကြွဆေးပြား ၁,၈၁၃,၅၀၀ ပြား ၊ လက်ပ်တော့(၁)လုံး၊ လက်ကိုင်ဖုန်း(၁)လုံးတို့နှင့် အတူ ဖမ်းဆီး ရမိခဲ့ကြောင်းသိရသည်။
ဖမ်းဆီးရမိသူ အာဆော့ဒူလာအား မောင်တောမြို့မရဲစခန်း၌ ဥပဒေနှင့်အညီ အရေးယူနိုင်ရေး အမှုဖွင့်စစ်ဆေးလျက်ရှိပြီး ဆက်စပ်တရားခံများအား ဖမ်းဆီးရမိရေး ဆောင်ရွက်လျက်ရှိကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)