Politics, Law & Military
မောင်တောမြို့၌ ကျပ် သိန်း၉၀၀၀ကျော်တန်ဖိုးရှိ စိတ်ကြွဆေးပြားများ ပိုင်ရှင်မဲ့သိမ်းဆည်းရမိ
ရန်ကုန်၊ သြဂုတ် ၁၅ ရက် (ဆင်ဟွာ)
ရခိုင်ပြည်နယ်၊ မောင်တောမြို့၌ သြဂုတ်လ ၁၄ရက်နေ့ ညပိုင်း၌ ကျပ် သိန်း ၉၀၀၀ကျော်တန်ဖိုးရှိ စိတ်ကြွဆေးပြားများ ပိုင်ရှင်မဲ့သိမ်းဆည်းရမိကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက ထုတ်ပြန်သော သတင်းအရသိရသည်။
ဘူးသီးတောင်-မောင်တောသွားကားလမ်းဟောင်း ဘေး လှိုဏ်ဂူငယ် အတွင်းရှိ ညာဖက်ရေမြောင်းထဲမှ ပုဆိုး ၁ ထည်နှင့်အတူ ဆာလာအိတ် ၃ အိတ်ကို တွေ့ရှိသိမ်းဆည်းရမိခဲ့ပြီး အဆိုပါ ဆာလာအိတ် ၃ အိတ်အား ဖွင့်ဖောက်စစ်ဆေးရာ WYစာတမ်းပါ ပန်းရောင်စိတ်ကြွဆေးပြား ၉၉၀၀ ပြားစီပါ အထုပ် ၄၈ ထုပ် အတွင်းမှ ငွေကျပ် ၉၅၀၄ သိန်း တန်ဖိုးရှိ စိတ်ကြွဆေးပြား ၄၇၅၂၀၀ ပြားကို ပိုင်ရှင်မဲ့ သိမ်းဆည်း ရမိခဲ့ကြောင်း သိရသည်။
အဆိုပါ ပိုင်ရှင်မဲ့ပစ္စည်းများ၏ တရားခံများ စုံစမ်းဖော်ထုတ် ဖမ်းဆီးရမိရေး တောင်ဘဇာနယ်မြေစခန်း၌ အမှုဖွင့်စုံစမ်းလျက်ရှိကြောင်း သိရသည်။(Xinhua)