Politics, Law & Military
ရှမ်းပြည်နယ်၊ မဘိမ်းမြို့နယ် တွင် ငွေကျပ် ၁၁,၈၀ဝ သိန်း တန်ဖိုးရှိ စိတ်ကြွရူးသွပ်ဆေးပြားများ သိမ်းဆည်းရမိ
ရန်ကုန်၊ ဇူလိုင် ၉ ရက် (ဆင်ဟွာ)
ရှမ်းပြည်နယ်၊ မဘိမ်းမြို့နယ် တွင် စိတ်ကြွရူးသွပ်ဆေးပြား ၅၉၀,ဝဝဝ ပြား (ဒေသကာလပေါက်ဈေး တန်ဖိုးငွေကျပ် ၁၁,၈၀ဝ သိန်း)အား တွေ့ရှိသိမ်းဆည်းရမိခဲ့ကြောင်း မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့က သတင်းထုတ်ပြန်သည်။
ဖြစ်စဉ်မှာ ဇူလိုင်လ ၇ ရက် ၀၆း၃ဝ နာရီ တွင် မဘိမ်းမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မူးယစ်ဆေးဝါးသတင်းအရ သက်သေများနှင့်အတူ မဘိမ်းမြို့နယ်၊ မိုးလုံးကျေးရွာအုပ်စု၊ မဘိမ်း-ငါးအိုး ကားလမ်းဘေး၊ မိုးလုံးကျေးရွာအဝိုင်းသို့ သွားရောက်စဉ် အမျိုးသား ၂ ဦး သည် မော်တော်ဆိုင်ကယ် ၁ စီးအား ရပ်တန့်ခဲ့ပြီး တောအတွင်းသို့ ထွက်ပြေးသွားသဖြင့် သွားရောက်စစ်ဆေးရာ မော်တော်ဆိုင်ကယ်အနီးရှိ အင်ပင်အောက်၌ သစ်ခက်များဖြင့်ဖုံးထားသော ပီနံအိတ်များအတွင်းမှ ပလတ်စတစ်ကပ်ခွာအိတ်များဖြင့်ထည့်ထား သည့် စိတ်ကြွရူးသွပ်ဆေးပြား ၅၉၀,ဝဝဝ ပြား (ဒေသကာလပေါက်ဈေးတန်ဖိုးငွေကျပ် ၁၁၈၀ဝ သိန်း)အား တွေ့ရှိသိမ်းဆည်းရမိခဲ့သဖြင့် မဘိမ်းမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ ဆိုင်ရာဥပဒေဖြင့် အမှုရေးဖွင့်ပြီး တရားခံဖမ်းဆီးရမိရေး စုံစမ်းစစ်ဆေးလျက်ရှိကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)