Social
မြဝတီမြို့နှင့် ကော့သောင်းမြို့ တို့၌ မြန်မာရွှေ့ပြောင်းအလုပ်သမား(၁၆၈)ဦး ပြန်လည်ရောက်ရှိ
ရန်ကုန်၊ နိုဝင်ဘာ ၂၄ ရက် (ဆင်ဟွာ)
မြဝတီမြို့နှင့် ကော့သောင်းမြို့ တို့၌ မြန်မာရွှေ့ပြောင်းအလုပ်သမား(၁၆၈)ဦး ပြန်လည်ရောက်ရှိခဲ့ကြောင်း ပြည်ထဲရေးဝန်ကြီးဌာန မှ ယနေ့ သတင်းထုတ်ပြန်သည်။
၂၀၁၇ ခုနှစ်၊ နိုဝင်ဘာလ ၂၃ ရက်နေ့ ၀၉း၀၀ အချိန်မှ ၁၈း၀၀ အချိန်ထိ မြဝတီမြို့၊ အမှတ်(၁) ချစ်ကြည်ရေးတံတားမှ မြန်မာရွှေ့ပြောင်း အလုပ်သမား ၁၄၆ ဦး(ကျား ၇၈၊ မ ၆၈)၊ ကော့သောင်းမြို့ မြို့မတံတားမှ ၂၂ ဦး(ကျား ၁၇၊မ ၅)၊ ပေါင်း ၁၆၈ ဦး(ကျား ၉၅၊မ ၇၃)တို့ ပြန်လည်ဝင်ရောက်လာခဲ့ခြင်း ဖြစ်သည်။
အဆိုပါပြန်လည်ဝင်ရောက်လာသူများထံမှ ငွေကြေးတစ်စုံတစ်ရာ ကောက်ခံခြင်းမရှိဘဲ အစွန်းရောက်အကြမ်းဖက်သမားများ၊ မူးယစ်ဆေးဝါး၊ လက်နက်/ခဲယမ်းများ၊ တရားခံပြေးများ၊ ဘင်္ဂါလီကုလားများ၊ ငွေစက္ကူအတုပြုလုပ်သူများနှင့် ငွေစက္ကူအတုများ ပါလာခြင်းမရှိစေရေး အုပ်ချုပ်ရေးအဖွဲ့များ၊ လဝက၊ နယ်မြေခံရဲတပ်ဖွဲ့၊ မှုခင်းရဲတပ်ဖွဲ့၊သတင်းရဲတပ်ဖွဲ့ လူကုန်ကူးမှု တားဆီးနှိမ်နင်းရေးရဲတပ်ဖွဲ့နှင့် ခစတတို့ပါ ပူးပေါင်းအဖွဲ့များမှ စိစစ်ရှာဖွေခြင်း၊ စားစရာ၊ ရေနှင့် လိုအပ်သည့် ကူညီထောက်ပံ့မှုများ ဆောင်ရွက်ပေးလျက်ရှိပြီး ၎င်းတို့မှာ နေရပ်အသီးသီးသို့ ပြန်လည် ထွက်ခွာသွားကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)