Social
အဆောက်အအုံများတွင် လျှပ်စစ်ဓာတ်အား ၃ဝ ကီလို ဝပ်ထက် ကျော်လွန်သုံးစွဲပါက ကိုယ်ပိုင်ထရန်စဖော်မာ တပ်ဆင်သုံးစွဲရမည်
ရန်ကုန်၊ သြဂုတ် ၁၂ ရက် (ဆင်ဟွာ)
ရန်ကုန်တိုင်း ဒေသကြီးအတွင်း ဆောက်လုပ်ပြီးစီးသည့် အဆောက်အအုံများတွင် လျှပ်စစ်ဓာတ်အား ၃ဝ ကီလို ဝပ်ထက် ကျော်လွန်သုံးစွဲပါက ကိုယ်ပိုင်ထရန်စဖော်မာ တပ်ဆင်သုံးစွဲရမည်ဖြစ်ကြောင်း ရန်ကုန် လျှပ်စစ် ဓာတ်အားပေးရေး ကော်ပိုရေးရှင်းက ထုတ်ပြန် ကြေညာလိုက်သည်။
ယင်း အဆောက်အအုံများတွင် လျှပ်စစ် ဓာတ်အားသုံးစွဲမှု ၃ဝ ကီလိုဝပ်(၃၇ ဒသမ ၅ ကေဗွီအေ)အထိသာ အများပြည်သူသုံး ထရန်စဖော်မာများမှ လျှပ်စစ်ဓာတ်အား ရယူသုံးစွဲ ခွင့်ပြုရန်နှင့် အဆိုပါ ပမာဏထက် ကျော်လွန် သုံးစွဲလိုပါက ကိုယ်ပိုင်ထရန်စဖော်မာ တပ်ဆင်သုံးစွဲရန် ရန်ကုန် လျှပ်စစ် ဓာတ်အားပေးရေး ကော်ပိုရေးရှင်းတွင် မူဝါဒချမှတ်လိုက်ကြောင်း ကြေညာချက်တွင် ဖော်ပြထားသည်။
အဆောက်အအုံ ဆောက်လုပ်ပြီးစီးကြောင်း ရန်ကုန်မြို့တော် စည်ပင် သာယာရေး ကော်မတီ၏ လက်မှတ်ရရှိသည့် မည်သည့်အဆောက်အအုံမဆို ၃ဝ ကီလိုဝပ်(၃၇ ဒသမ ၅ ကေဗွီအေ)ထက်ကျော်လွန်၍ လျှပ်စစ် ဓာတ်အားရယူ သုံးစွဲလိုပါက ကိုယ်ပိုင်ထရန်စဖော်မာ တပ်ဆင်သုံးစွဲ ရမည်ဖြစ်သည်။(Xinhua)