Social
၁၇ ကြိမ်မြောက် ကျပ် ၅၀၀ တန် အောင်ဘာလေ သိန်းဆု ဖွင့်ပွဲတွင် ထီဆုငွေ ကျပ်သန်းပေါင်း ၁၁,၀၄၅.၄၃၀ ခွဲေ၀ ချီးမြင့်မည်
ရန်ကုန် ၊ ဇူလိုင် ၂၆ ရက်(ဆင်ဟွာ)
သြဂုတ်လ ၁ ရက်တွင် ကျင်းပမည့် ၁၇ ကြိမ်မြောက် ကျပ် ၅၀၀ တန် အောင်ဘာလေ သိန်းဆု ဖွင့်ပွဲ တွင် ဆုမဲ ပေါင်း ၁၂၄,၁၈၂ ဆု အတွက် ထီဆုငွေ ကျပ်သန်းပေါင်း ၁၁,၀၄၅.၄၃၀ ခွဲေ၀ ချီးမြင့်မည် ဖြစ်ကြောင်း အောင်ဘာလေ သိန်းဆု ဌာနခွဲ၏ ထုတ်ပြန် ကြေညာချက် အရ သိရသည်။
ထီလက်မှတ် စာအုပ် ရောင်းရငွေပေါင်းမှာ ကျပ်သန်းပေါင်း ၁၈,၄၀၉.၀၅၀ ဖြစ်သဖြင့် ၆၀ ရာခိုင်နှုန်း ထီဆုငွေ အဖြစ် ခွဲေ၀ ချီးမြှင့်ပေးမည့် ငွေပေါင်းမှာ ကျပ်သန်းပေါင်း ၁၁,၀၄၅.၄၃၀ ချီးမြင့်မည် ဖြစ်ကြောင်း သိရသည်။
၁၇ ကြိမ်မြောက် ကျပ် ၅၀၀ တန် အောင်ဘာလေ သိန်းဆု ဖွင့်ပွဲ အတွက် ရောင်းချရသည့် ထီစာအုပ် ပေါင်း ၃,၆၈၁,၈၁၀ အုပ် ဖြစ်ပြီး ထီလက်မှတ် စောင်ရေပေါင်းမှာ ၄၀,၄၉၉,၉၁၀ စောင် ဖြစ်ကြောင်း သိရသည်။
ထီဆုငွေများအား အထူးဆုကြီး စနစ် ၊ ဆုတစ်ဆုချင်း စနစ် ၊ ဝေေ၀ဆာဆာ ပဒေသာ ဆုမဲ စနစ် များဖြင့် စုစုပေါင်း ၁၂၄,၁၈၂ ဆု ခွဲေ၀ ချီးမြှင့် ပေးသွားမည် ဖြစ်ကြောင်း သိရသည်။
၁၇ ကြိမ်မြောက် ကျပ် ၅၀၀ တန် အောင်ဘာလေ သိန်းဆု ဖွင့်ပွဲ အတွက် ထီလက်မှတ်များကို “က” အက္ခရာမှ အစဉ်လိုက် “အ” အက္ခရာထိ အက္ခရာ ၃၃ လုံး နှင့် “ကက” အက္ခရာမှ အစဉ်လိုက် “ကဌ” အက္ခရာ ထိ အက္ခရာ ၁၂ လုံး စုစုပေါင်း အက္ခရာ ၄၅ လုံး ရောင်းချခဲ့ရကြောင်း သိရသည်။(Xinhua)