မြန်မာနိုင်ငံမှအိမ်ရှင်အဖြစ်လက်ခံကျင်းပမည့် အာရှ ယူ၁၆ အမျိုးသမီး ဘောလုံးခြေစစ်ပွဲစဉ်ဒုတိယအဆင့် ပွဲစဉ်များကိုဖေဖော်ဝါရီလ ၂၇ ရက်နေ့မှ မတ်လ ၃ ရက်နေ့အထိ ပြုလုပ်မည်

ရန်ကုန်၊ ဖေဖော်ဝါရီ ၂၄ ရက် (ဆင်ဟွာ)

မန္တလေးတိုင်းဒေသကြီး၊ မန္တလေးမြို့ မန္တလာသီရိကွင်း တွင် မြန်မာနိုင်ငံမှ အိမ်ရှင်အဖြစ် လက်ခံကျင်းပမည့် AFC U-16 Women’s Championship 2019 ဘောလုံးခြေစစ်ပွဲစဉ် ဒုတိယအဆင့်ပွဲများကို ဖေဖော်ဝါရီလ ၂၇ ရက်နေ့မှ မတ်လ ၃ ရက်နေ့အထိ ပြုလုပ်မည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်မှ သတင်းထုတ်ပြန်သည်။

မြန်မာနိုင်ငံတွင်ကျင်းပမည့် အာရှ ယူ၁၆ အမျိုးသမီး ဘောလုံးခြေစစ်ပွဲစဉ် အုပ်စု(ခ)တွင် တရုတ်နိုင်ငံ၊ ဘင်္ဂလားဒေ့ရှ်နိုင်ငံ၊ဖိလစ်ပိုင်နိုင်ငံ နှင့် မြန်မာနိုင်ငံတို့မှ ပါဝင်ခြေစမ်းကစားကြမည်ဖြစ်သည်။

၎င်းဘောလုံးခြေစမ်းပွဲစဉ်များကို My Sports facebook စာမျက်နှာ နှင့် မြဝတီရုပ်မြင်သံကြားတို့တွင် တိုက်ရိုက်ပြသသွားမည်ဖြစ်ကြောင်း သိရသည်။ လက်မှတ်များဝယ်ယူကြည့်ရှုလိုပါက လက်မှတ်ဈေးနှုန်းမှာ ကျပ်၁၀၀၀၊ ကျပ်၂၀၀၀ ဖြစ်ကြောင်း သိရသည်။