Connect with us

Culture

တရုတ်-မြန်မာ ချစ်ကြည် ရင်းနှီးမှုအား ဦးတည်သော တရုတ် ရုပ်ရှင် ပွဲတော် စတင် ကျင်းပ

ျပန္ၾကားေရး ၀န္ႀကီးဌာန ျပည္ေထာင္စု ၀န္ႀကီး ေဒါက္တာ ေဖျမင့္က အဖြင့္ ႏႈတ္ခြန္းဆက္ စကား ေျပာၾကားစဥ္(ဆင္ဟြာ)

နေပြည်တော် ၊ အောက်တိုဘာ ၁ ရက်(ဆင်ဟွာ)

မြန်မာနိုင်ငံ ဆိုင်ရာ တရုတ်သံရုံးမှ ကြီးမှူး ကျင်းပသည့် တရုတ် ရုပ်ရှင် ပွဲတော် ဖွင့်ပွဲ အခမ်းအနားကို ယနေ့အောက်တိုဘာ ၁ ရက်တွင် နေပြည်တော်ရှိ အောင်သပြေ ရုပ်ရှင်ရုံ၌ စတင် ကျင်းပပြုလုပ်ခဲ့သည်။

တရုတ် ရုပ်ရှင် ပွဲတော် ဖွင့်ပွဲ အခမ်းအနားတွင် ပြန်ကြားရေး ဝန်ကြီးဌာန ပြည်ထောင်စု ဝန်ကြီး ဒေါက်တာ ဖေမြင့်က အဖွင့် နှုတ်ခွန်းဆက် စကား ပြောကြားရာတွင် ပွဲတော် ကျင်းပခြင်း အားဖြင့် ရေမြေခြင်း ဆက်စပ် နေသည့် အိမ်နီးချင်း နိုင်ငံကောင်းများ ဖြစ်သည့် မြန်မာ နိုင်ငံ နှင့် တရုတ် နိုင်ငံ အကြားတွင် ကာလ ရှည်ကြာ တည်ရှိခဲ့သည့် ဆွေမျိုး ပေါက်ဖော် ရင်းနှီး ချစ်ကြည်မှု ၊ အပြန်အလှန် နားလည်မှု နှင့် လေးစားမှု တို့ကို အခြေခံသည့် ကောင်းမွန်သော ပြည်သူ အချင်းချင်း ထိတွေ့ဆက်ဆံမှုတို့အပြင် အဖွဲ့အစည်း အချင်းချင်း ဆက်သွယ်မှုများလည်း ပိုမို တိုးတက် ကောင်းမွန် လာနိုင်လိမ့်မည်ဟု ယုံကြည်ပါကြောင်း ထည့်သွင်း ပြောကြားခဲ့သည်။

မြန်မာနိုင်ငံ ဆိုင်ရာ တရုတ်နိုင်ငံ သံအမတ်ကြီး မစ္စတာ ဟုန်လျန်က နှုတ်ခွန်းဆက် စကား ပြောကြားစဉ်(ဆင်ဟွာ)

ထို့အတူ တရုတ်ရုပ်ရှင် ပွဲတော်အား ကောင်းမွန်သည့် အစဉ်အလာ တစ်ရပ် အဖြစ် ထိန်းသိမ်းပြီး နောင်လာမည့် နှစ်များတွင် ပို၍ စည်ကား သိုက်မြိုက်စွာ ကျင်းပနိုင်ပါစေကြောင်း ၊ တရုတ်-မြန်မာ ချစ်ကြည် ရင်းနှီးမှုသည်လည်း ယခုထက် ပိုမို တိုးတက် ခိုင်မြဲပြီး အဓွန့်ရှည် တည်တံ့ပါစေဟု ပြည်ထောင်စု ဝန်ကြီး ဒေါက်တာ ဖေမြင့်က ဆုမွန်ကောင်း တောင်းပေးခဲ့သည်။

တရုတ် ရုပ်ရှင် ပွဲတော်အား ပြည်ထောင်စု ဝန်ကြီး ဒေါက်တာ ဖေမြင့် ၊ သံအမတ်ကြီး မစ္စတာ ဟုန်လျန် နှင့် ပွဲတော်၏ သံတမန် ဖြစ်သူ မိုးစက်ဝိုင် တို့က စက်ခလုပ်နှိပ် ဖွင့်လှစ်စဉ်(ဆင်ဟွာ)

မြန်မာနိုင်ငံ ဆိုင်ရာ တရုတ်နိုင်ငံ သံအမတ်ကြီး မစ္စတာ ဟုန်လျန်က “ဒီနေ့ဟာ တရုတ် နိုင်ငံ အမျိုးသားနေ့ ဖြစ်ပါတယ်။ ကျွန်တော်တို့ဟာ မြန်မာနိုင်ငံရဲ ့မြို့တော်သစ် ဖြစ်တဲ့နေပြည်တော်မှာ တရုတ် ရုပ်ရှင် ပွဲတော် ကျင်းပခြင်းမှာ အရေးပါသည့် သမိုင်း အဓိပ္ပာယ် ရှိပါတယ်။ ဒါဟာ တရုတ်-မြန်မာ နှစ်နိုင်ငံ အကြားရှိ အစဉ်အလာ ချစ်ကြည်ရေးကို လက်ဆင့်ကမ်းခြင်း ဖြစ်ရုံသာမက နှစ်နိုင်ငံ ဆက်ဆံရေး ပိုမို သာယာ လှပသည့် ရှေ့အလားအလာကို မျှော်မှန်းခြင်း နှင့် ဆုမွန်ကောင်း တောင်းခြင်းလည်း ဖြစ်ပါတယ်။”ဟု အခမ်းအနားတွင် ပြောကြားခဲ့သည်။

တရုတ် ရုပ်ရှင် ပွဲတော်တွင် ပြသသည့် ဇာတ်ကားအား တာဝန်ရှိသူများ ပါဝင် ကြည့်ရူနေမှုအား တွေ့ရစဉ်(ဆင်ဟွာ)

တရုတ် ရုပ်ရှင် ပွဲတော်သည် တရုတ်-မြန်မာ ရုပ်ရှင် နှင့် တီဗွီ ဇာတ်လမ်းတွဲ ယဉ်ကျေးမှု ကူးလူး ဖလှယ်ရေး နှင့် ပူးပေါင်း ဆောင်ရွက်ရေး အတွက် အခွင့်အလမ်းသစ် အဖြစ်နှင့် နှစ်နိုင်ငံ ရုပ်ရှင် နှင့် တီဗွီ ဇာတ်လမ်းတွဲ ယဉ်ကျေးမှု ကူးလူး ဖလှယ်ရေး နှင့် ပူးပေါင်း ဆောင်ရွက်ရေးကို တစ်ဆင့်တက် တိုးမြှင့်ပြီး နှစ်နိုင်ငံ ပြည်သူများ၏ သံယောဇဉ်ကို တစ်ဆင့်တက် မြှင့်တင်နိုင်လိမ့်မည်ဟု မျှော်လင့်ပါကြောင်း သံအမတ်ကြီး မစ္စတာ ဟုန်လျန်က ပြောကြားခဲ့သည်။

တရုတ်ရုပ်ရှင်ပွဲတော် သံတမန် ဖြစ်သူ မိုးစက်ဝိုင်အား ဂုဏ်ပြုလွှာ နှင့် ဆုတံဆိပ်များ ပေးအပ် ချီးမြှင့်စဉ်(ဆင်ဟွာ)

တရုတ် ရုပ်ရှင် ပွဲတော်တွင် ဗုဒ္ဓဘာသာ ယဉ်ကျေးမှု အကြောင်း တင်ဆက် ရိုက်ကူးထားသည့် Xuan Zang အမည်ရှိ ရုပ်ရှင် ဇာတ်ကား နှင့် ကွန်ဖူး ဟာသ ဇတ်ကား ဖြစ်သည့် ကွန်ဖူး ယောဂ အမည်ရှိ ရုပ်ရှင် ဇာတ်ကား ၂ ကားအား မြန်မာ ဘာသာ စကား နောက်ခံဖြင့် အောက်တိုဘာလ ၁ ရက် မှ ၈ ရက် အထိ နေပြည်တော် အောင်သပြေရုပ်ရှင်ရုံနှင့် ရန်ကုန်မြို့ နေပြည်တော် ရုပ်ရှင်ရုံတို့၌ အခမဲ့ ပြသသွားမည် ဖြစ်ကြောင်း သိရသည်။

တရုတ် ရုပ်ရှင် ပွဲတော်သို့လာရောက် ကြည့်ရှုကြသူများအား တွေ့ရစဉ်(ဆင်ဟွာ)

တရုတ် ရုပ်ရှင် ပွဲတော်သို့လာရောက် ကြည့်ရှုကြသူများအား တွေ့ရစဉ်(ဆင်ဟွာ)

တရုတ် ရုပ်ရှင် ပွဲတော်သို့လာရောက် ကြည့်ရှုကြသူများအား တွေ့ရစဉ်(ဆင်ဟွာ)

တရုတ်ရုပ်ရှင်ပွဲတော် သံတမန် ဖြစ်သူ မိုးစက်ဝိုင်က ယခု အစီအစဉ်တွင် ပါဝင်ရသည့် အတွက် အလွန် ဝမ်းသာပါကြောင်း ၊ ပွဲတော် ကျင်းပသည့် အတွက် တရုတ်နိုင်ငံ၏ ယဉ်ကျေးမှု နှင့် ပတ်ဝန်းကျင် ရှုခင်းများအား လေ့လာ ခံစားရနိုင်မည် ဖြစ်ကြောင်း ပြောကြားခဲ့သည်။

တရုတ်ရုပ်ရှင်ပွဲတော်တွင် ပြသမည့် Xuan Zang ဇာတ်ကား၌ တရုတ်ရုပ်ရှင်ပွဲတော် သံတမန် 2013 Miss Universe Myanmar မိုးစက်ဝိုင်မှ ပါဝင် အသံသွင်းထားကြောင်း သိရသည်။မိုးစက်ဝိုင်က “တရုတ် ဘုန်းတော်ကြီးရဲ့ ဇတ်လမ်းကို ပြန်ရိုက်ထားတဲ့ကားပေါ့။အဲဒီကားဟာဆိုရင် နာမည်ကြီးတယ်။ အဲဒီကားထဲမှာလည်း မိုးစက်ရဲ့အသံ ထည့်ပေးပါ ဆိုလို့ကောင်မလေး တစ်ယောက် နေရာကနေ ပါဝင်ထားပါတယ်။တရုတ် ရုပ်ရှင် ပွဲတော်မှာ ပါဝင်ရတဲ့ အတွက် ကိုယ်လည် သဘောကျတယ်။ ကြည့်လဲ ကြည့်ချင်တယ်။ Xuan Zang ဇာတ်ကားက ဗုဒ္ဓဘာသာ အကြောင်း အခြေခံတဲ့ ရုပ်ရှင် ဇာတ်ကားလည်းဖြစ်တဲ့ အတွက် မြန်မာပြည်က လူတွေ နှစ်သက်မယ်လို့ထင်ပါတယ်။”ဟု သတင်းမီဒီယာများ နှင့် တွေ့ဆုံစဉ် ပြောကြားခဲ့သည်။

ဗုဒ္ဓဘာသာ ယဉ်ကျေးမှု အကြောင်း တင်ဆက် ရိုက်ကူးထားသည့် Xuan Zang ဇာတ်ကားမှာ သရုပ်ဆောင် Huang Xiaoming က Xuan Zang ဆရာတော် အဖြစ် ပါဝင်ထားပြီး ဆရာတော်မှာ ဇာတိနှင့်ဝေးရာတွင် ပြင်းပြင်းထန်ထန် နာမကျန်းဖြစ်ပြီးနောက် ဓမ္မ၏စစ်မှန်သော သဘောကိုသိရှိလာခဲ့ကာ အခက်အခဲများကို ကျော်ဖြတ်၍ အနောက်မဇ္ဈိမဒေသသို့ အရောက်သွားနိုင်ခဲ့ပုံကို ဖော်ကျူးပုံဖော်ထားသည့် ဇာတ်ကားကောင်းတစ်ကား ဖြစ်ကြောင်း သိရသည်။

ကွန်ဖူး ဟာသ ဇတ်ကား ဖြစ်သည့် Kong Fu Yoga ဇာတ်ကားမှာ ဂျက်ကီချန်း ပါဝင် သရုပ်ဆောင်ထားပြီး ရှေးဟောင်းသုတေသန ပညာရှင်ဖြစ်သူ ဂျက် (ဂျက်ကီချန်းသရုပ်ဆောင်) တစ်ယောက် တပည့်ဖြစ်သူ အိန္ဒိယတိုင်းရင်းသူထံမှ ရှေးဟောင်းမြေပုံကိုတွေ့ရှိပြီးနောက် တပည့်ဖြစ်သူတို့နှင့်အတူ လျှို့ဝှက်ဆန်းကြယ် သော ရတနာသိုက်ကို စွန့်စွန့်စားစား သွားရောက်ရှာဖွေကြသည့် စွန့်စားမှု ရုပ်ရှင်ဇာတ်ကားကောင်း တစ်ကားဖြစ်သည်။

၂၀၁၇ ခုနှစ် တရုတ် ရုပ်ရှင် ပွဲတော် ဖွင့်ပွဲ အခမ်းအနားသို့ ပြန်ကြားရေး ဝန်ကြီးဌာန ပြည်ထောင်စု ဝန်ကြီး ဒေါက်တာ ဖေမြင့် နှင့် ဇနီး ၊ မြန်မာနိုင်ငံ ဆိုင်ရာ တရုတ်နိုင်ငံ သံအမတ်ကြီး မစ္စတာ ဟုန်လျန် နှင့် ဇနီး အပါအဝင် အစိုးရ ဌာနဆိုင်ရာ အကြီးအကဲများ ၊ တရုတ် စီးပွားရေး သံတမန်များ ၊ အ.ထ.က(၁၄)မှ ဆရာ/ဆရာမများ နှင့် ကျောင်းသား/သူများ ၊ ဧည့်ပရိသတ်များ တက်ရောက် အားပေးခဲ့ကြသည်။(Xinhua)