Lancang-Mekong Cultural Exchange Youth Camp နှီးနှောဖလှယ်ပွဲကျင်းပခဲ့ခြင်းကြောင့် လန်ချန်း-မဲခေါင်ပူးပေါင်းဆောင်ရွက်မှုအပေါ် နားလည်သဘောပေါက်မှုများ မြှင့်တင်ပေးနိုင်

ရန်ကုန်၊ ဇွန် ၁၇ ရက် (ဆင်ဟွာ)

လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ၏ပံ့ပိုးမှုဖြင့် Lancang-Mekong Cultural Exchange Youth Camp ကို ၂၀၁၉ ခုနှစ် ဇန်နဝါရီလ ၂၈ ရက်နေ့မှ ၃၁ ရက်နေ့အထိ မန္တလေးမြို့၌ ကျင်းပခဲ့ပြီး လန်ချန်း-မဲခေါင်ပူးပေါင်းဆောင်ရွက်မှုအပေါ် နားလည်သဘောပေါက်မှုများ မြှင့်တင်ပေးနိုင်ခဲ့ကာ လန်ချန်း-မဲခေါင်နိုင်ငံများအကြား ချစ်ကြည်ရင်းနှီးမှုကို လက်ဆင့်ကမ်းအမွေဆက်ခံရေး၊ လန်ချန်း-မဲခေါင်ပူးပေါင်းဆောင်ရွက်မှု နက်ရှိုင်းစေရေးတို့အတွက် ခိုင်မာသော အခြေခံအုတ်မြစ် ချမှတ်နိုင်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးက ယနေ့ ဇွန် ၁၇ ရက်တွင် သတင်းထုတ်ပြန်ခဲ့သည်။

Lancang-Mekong Cultural Exchange Youth Camp တွင် လူငယ်များ နေဝင်ချိန်ကြည့်ရှုပြီး အမှတ်တရ ဓာတ်ပုံရိုက်ကူးစဉ် (ဓာတ်ပုံ-မြန်မာနိုင်ငံဆိုင်ရာတရုတ်သံရုံး)

အဆိုပါလှုပ်ရှားမှုတွင် လန်ချန်း-မဲခေါင် ၆ နိုင်ငံမှ လူငယ် ၂၀၀ ကျော် ပါဝင်ခဲ့ကြောင်း နိုင်ငံအသီးသီးမှ လူငယ်များသည် နှီးနှောဖလှယ်ပွဲတွင် ပန်းချီဆွဲခြင်း၊ ဒေသတွင်း လက်မှုပစ္စည်းများ ပြုလုပ်ခြင်း၊ တေးစပ်ခြင်း၊ ကကွက်ဖန်တီးခြင်း စသည့် စုပေါင်းလှုပ်ရှားမှုများ ဆောင်ရွက်ခဲ့ပြီး ယဉ်ကျေးမှု၊ နှီးနှောဖလှယ်မှု အတွေးအခေါ်များ၊ နက်ရှိုင်းသော ချစ်ကြည်ရေး တို့ကို ပြသခဲ့ကြကြောင်း မြန်မာနိုင်ငံဆိုင်ရာ တရုတ်သံရုံး၏ သတင်းထုတ်ပြန်ချက်အရ သိရသည်။ (Xinhua)