နမီးဘီးယား နိုင်ငံ တွင် ယာဉ် နှစ်စင်း ခေါင်းချင်းဆိုင်တိုက်မှု ဖြစ်ပွား ခဲ့ရာ လူပေါင်း ၁၀ ဦး သေဆုံး

ဝင်းဒိုခ့် ၊ ဒီဇင်ဘာ ၅ ရက် (ဆင်ဟွာ)

နမီးဘီးယား နိုင်ငံ အလယ်ပိုင်းတွင် ဒီဇင်ဘာ ၃ ရက် နေ့ ညပိုင်း အချိန်တွင် ယာဉ် နှစ်စင်း ခေါင်းချင်း ဆိုင်တိုက်မှု ဖြစ်ပွား ခဲ့ရာ လူပေါင်း ၁၀ ဦး သေဆုံး ခဲ့ပြီး ၁ ဦး ဒဏ်ရာရရှိခဲ့ကြောင်း နမီးဘီးယား နိုင်ငံ ရဲတပ်ဖွဲ့ ၏ ထုတ်ပြန်ကြေညာ ချက်အရ သိရှိခဲ့ရသည်။

နမီးဘီးယား နိုင်ငံ Otjozondjupa ဒေသ ရဲတပ်ဖွဲ့ ပြောရေးဆိုခွင့်ရှိသူ က ယာဉ် တိုက်မှု သည် Okahandja မြို့ပြင် ၂၀ ကီလိုမီတာ အကွာအဝေးရှိ အဝေးပြေး လမ်းတွင် ဖြစ်ပွား ခဲ့ကြောင်း ၊ ယာဉ်တစ်စင်း မှ ကားကျော်တက် ရန် မောင်းနှင်နေစဉ် မျက်နှာချင်းဆိုင် ရှိ ကားတစ်စင်း နှင့် တိုက်မိခဲ့ခြင်း ဖြစ်ကြောင်း ၊ ယာဉ် တိုက်မှု ဖြစ်ပွား ပြီးနောက်တွင် ကားနှစ်စင်းလုံး မီးလောင်ကျွမ်းမှု ဖြစ်ပွား ခဲ့ပြီး ဒဏ်ရာရရှိသူ များကို ဆေးရုံသို့ ပို့ဆောင်ပေးခဲ့ပြီး ဖြစ်ကြောင်း ပြောကြား ခဲ့သည်။

နမီးဘီးယား နိုင်ငံ ရဲတပ်ဖွဲ့ အနေဖြင့် ယာဉ် နှစ်စင်း ခေါင်းချင်းဆိုင်တိုက်မှု နှင့် ပတ်သက်၍ ဆက်လက်၍ စုံစမ်းစစ်ဆေးမှုများ ဆောင်ရွက်နေကြောင်း သိရှိခဲ့ရသည်။(Xinhua)