Africa & Middle East
နိုင်ဂျီးရီးယားတွင် ဘတ်စ်ကား နှင့် ကုန်တင်ယာဉ်တိုက်မိ၍ ကျောင်းသား ၂၂ဦးသေဆုံး
လာဂို့စ်၊ ဖေဖော်ဝါရီ ၁၄ ရက် (ဆင်ဟွာ)
နိုင်ဂျီးရီးယားနိုင်ငံ မြောက်ပိုင်း Bauchi-Kano လမ်းမတွင် ဘတ်စ်ကားတစ်စီး နှင့် ကုန်တင်ကားတစ်စီး ခေါင်းချင်းဆိုင်တိုက်မိခဲ့ရာ ဘတ်စ်ကားပေါ်တွင်လိုက်ပါလာသော ကျောင်းသား ၂၂ဦး နှင့် ကားဒရိုင်ဘာ တစ်ဦး သေဆုံးခဲ့ကြောင်း အာဏာပိုင်များက ဖေဖော်ဝါရီ ၁၃ ရက်တွင်ပြောကြားခဲ့သည်။
ကာနိုပြည်နယ် ဖယ်ဒရယ်လမ်းအန္တရာယ်ကင်းရှင်းရေး တပ်ဖွဲ့၏ ပြောရေးဆိုခွင့်ရှိသူ Kabir Ibrahim-Daura က ယာဉ်တိုက်မှုကြောင့် အခြားသုံးဦး ဒဏ်ရာအပြင်းအထန်ရရှိခဲ့ကြောင်း ပြောကြားခဲ့သည်။
၎င်းက သေဆုံးသွားသည့် ကျောင်းသား ၂၂ဦးအနက် ၁၂ဦးမှာ ယောကျာ်းလေးများဖြစ်ပြီး ၁၀ဦးမှာ မိန်းကလေးများဖြစ်ကြောင်း ပြောကြားခဲ့သည်။
နိုင်ဂျီးရီးယားနိုင်ငံသည် ယာဉ်မတော်တဆမှု ကြောင့် လူသေဆုံးမှုအများဆုံး နိုင်ငံများအနက် တစ်ခုဖြစ်ပြီး ယာဉ်မဆင်မခြင်မောင်းနှင်ခြင်း၊ လမ်းပိုင်းဆိုင်ရာများ ပျက်စီးယိုယွင်းနေခြင်း နှင့် အများပြည်သူပို့ဆောင်ရေး ယာဉ်များ အိုဟောင်းနေခြင်းတို့ကြောင့် ယာဉ်မတော်တဆမှုများ အဓိကဖြစ်ပွားရခြင်းဖြစ်ကြောင်း သိရသည်။ (Xinhua)