ဗြိတိန်သံအမတ်အား သတ်ဖြတ်ခဲ့သည့် ဘင်္ဂလားဒေ့ရှ် စစ်သွေးကြွသုံးဦးအား ကြိုးပေးကွပ်မျက်ခဲ့

ဒါကာ၊ ဧပြီ ၁၃ ရက် (ဆင်ဟွာ)

ဘင်္ဂလားဒေ့ရှ်နိုင်ငံဆိုင်ရာ ဗြိတိန်နိုင်ငံ ကော်မရှင်နာမင်းကြီး Anwar Choudhury အား ၂၀၀၄ခုနှစ်တွင် လက်ပစ်ဗုံးဖြင့် လုပ်ကြံသတ်ဖြတ်ခဲ့သော စစ်သွေးကြွအုပ်စုခေါင်းဆောင် တစ်ဦးနှင့် နောက်လိုက် နှစ်ဦးတို့အား ဘင်္ဂလားဒေ့ရှ်နိုင်ငံက ဧပြီ ၁၂ ရက်တွင် ကြိုးပေးကွပ်မျက်ခဲ့ကြောင်း သိရသည်။

အကျဉ်းထောင်စစ်ဆေးရေးအရာရှိချုပ် ဗိုလ်မှူးချုပ် Syed Iftekhar Uddin က မတရားအသင်း တစ်ခုဖြစ်သော Harkar-ul-Jehad-al-Islami (HUJI) အကြမ်းဖက်အုပ်စုခေါင်းဆောင် Mufti Abdul Hannan နှင့် ၎င်း၏ လက်ထောက် Sharif Shahedul Alam တို့အား ဒါကာမြို့စွန် Gazipurခရိုင် ရှိ Kashimpur အဆင့်မြင့်အကျဉ်းထောင် တွင် ဒေသစံတော်ချိန် ည ၁၀း၀၀နာရီ က ကြိုးပေးကွပ်မျက်ခဲ့ကြောင်း သတင်းထောက်များအားပြောကြားခဲ့သည်။၎င်းက တတိယမြောက် HUJI စစ်သွေးကြွတစ်ဦးဖြစ်သည့် Delwar Hossain ကိုလည်း နိုင်ငံအရှေ့မြောက်ပိုင်း Sylhet မြို့ရှိ အကျဉ်းထောင်တစ်ခုတွင် အလားတူ အချိန်၌ ကွပ်မျက်ခဲ့ကြောင်း ပြောကြားခဲ့သည်။ (Xinhua)