Connect with us

Asia

ဖိလစ်ပိုင်နိုင်ငံ တောင်ပိုင်း shopping mall တစ်ခုတွင် ဗုံးပေါက်ကွဲဖြစ်ပွားရာ လူ ၂ ဦး သေဆုံးပြီး ၂၁ ဦး ဒဏ်ရာရ

ဗုံးေပါက္ကြဲမႈျဖစ္ပြားခဲ့သည့္ အခ်င္းျဖစ္ေနရာအား ေတြ႔ရစဥ္ (ဆင္ဟြာ)

မနီလာ၊ ဇန်နဝါရီ ၁ ရက်(ဆင်ဟွာ)

ဖိလစ်ပိုင်နိုင်ငံ တောင်ပိုင်း Mindanaoဒေသ Cotabatoမြို့ရှိ shopping mall တစ်ခု၏ဝင်ပေါက်တွင် ဒီဇင်ဘာ ၃၁ ရက်က ဗုံးပေါက်ကွဲမှုဖြစ်ပွားခဲ့ရာ အနည်းဆုံး လူ ၂ ဦး သေဆုံးပြီး ၂၁ ဦး ဒဏ်ရာရရှိခဲ့ ကြောင်း သိရသည်။

အဆိုပါ ပေါက်ကွဲမှုမှာ ဒေသစံတော်ချိန် ၁၄ နာရီခန့်က Cotabatoမြို့ မြို့လယ်ရှိ shopping mall တစ်ခု၏ဝင်ပေါက်တွင် ဖြစ်ပွားခဲ့ခြင်းဖြစ်ကြောင်း ၊ ပေါက်ကွဲမှုဖြစ်ပွားစဉ် shopping mall အတွင်း ဈေးဝယ်သူများ ၊နှစ်သစ်ကူးပျော်ရွှင်ပွဲဆင်နွှဲနေသူများနှင့် ပြည့်နှက်လျက်ရှိကြောင်း ဒေသခံရဲတပ်ဖွဲ့က ပြောကြားခဲ့သည်။

လက်ရှိ အချိန်ထိ ပေါက်ကွဲမှုကြောင့် သေဆုံးသူ ၂ ဦး ၊ ဒဏ်ရာရသူ ၂၁ ဦး ရှိပြီဖြစ်ကြောင်း Mindanao အခြေစိုက် ဖိလစ်ပိုင် အမှတ် ၆ တပ်မ၏ တပ်မမှူး Sobejanaက ပြောကြားချက်အရ သိရသည်။

ဗုံးပေါက်ကွဲမှုဖြစ်ပွားခဲ့သည့် အချင်းဖြစ်နေရာအား တွေ့ရစဉ် (ဆင်ဟွာ)

ဗုံးပေါက်ကွဲမှုဖြစ်ပွားခဲ့သည့် အချင်းဖြစ်နေရာအား တွေ့ရစဉ် (ဆင်ဟွာ)

ဗုံးပေါက်ကွဲမှုဖြစ်ပွားခဲ့သည့် အချင်းဖြစ်နေရာအား တွေ့ရစဉ် (ဆင်ဟွာ)

စစ်တပ်နှင့်ရဲဘက်ဆိုင်ရာ၏ကနဦး စုံစမ်းစစ်ဆေးချက်များအရ အမျိုးသားတစ်ဦးက အချင်းဖြစ်နေရာ shopping mall၏ ဝင်ပေါက်ရောက်လာပြီး အထုပ်တစ်ထုပ်ချထားခဲ့ကြောင်း ၊ ၎င်းအမျိုးသား ထွက်ခွာသွားပြီးနောက် ပေါက်ကွဲမှုဖြစ်ပွားခဲ့ကြောင်း သိရသည်။

ပေါက်ကွဲမှုဖြစ်ပွားပြီးနောက် လုံခြုံနေရေးတပ်ဖွဲ့ဝင်များက အချင်းဖြစ်နေရာကို ချက်ချင်းသွားရောက်ပြီး ပိတ်ဆို့ရှင်းလင်းမှုများ ပြုလုပ်ရာ ဗုံးရှင်းလင်းရေးအဖွဲ့က အချင်းဖြစ်နေရာမှာ အခြား မပေါက်ကွဲသေး သည့် ဗုံးတစ်လုံးကို တွေ့ရှိရကြောင်း ၊ ယင်းတိုက်ခိုက်မှုမှာ အစွန်းရောက်လက်နက်ကိုင်အဖွဲ့၏ အကြမ်းဖက်တိုက်ခိုက်မှု ဖြစ်နိုင်ကြောင်း တပ်မမှူး Sobejanaက ဆိုသည်။

လက်ရှိတွင် အချင်းဖြစ်ပွားမှုနှင့်စပ်လျဉ်း၍ မည်သည့်သူကမျှ ဝန်ခံထုတ်ပြန်ကြေညာခြင်းမရှိသေး ကြောင်းနှင့် သက်ဆိုင်ရာက စုံစမ်းစစ်ဆေးမှုများကို စတင်ဆောင်ရွက်နေပြီဖြစ်ကြောင်း သိရသည်။

ဖိလစ်ပိုင်နိုင်ငံတောင်ပိုင်း Mindanao ဒေသသည် အကြမ်းဖက်အစွန်းရောက်အဖွဲ့အစည်းများ လှုပ်ရှားနေသည့်နေရာဖြစ်ရာ ယခုနှစ်ပိုင်းများတွင် လက်နက်ကိုင်ပဋိပက္ခများ ၊အကြမ်းဖက် တိုက်ခိုက်မှုများ မကြာခဏ ဖြစ်ပွားလေ့ရှိကြောင်း သိရသည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.