အမေရိကန်နိုင်ငံ သမ္မတ ထရမ့်အား ဖေဖော်ဝါရီ ၅ ရက်တွင် နိုင်ငံတော်အခြေပြုမိန့်ခွန်း ပြောကြားရန် ပလိုစီ ဖိတ်ကြား

ဝါရှင်တန်၊ ဇန်နဝါရီ ၂၈ ရက် (ဆင်ဟွာ)

အမေရိကန်နိုင်ငံ သမ္မတ ဒေါ်နယ်ထရမ့် (Donald Trump) အား ဖေဖော်ဝါရီလ ၅ ရက်တွင် နိုင်ငံတော်အခြေပြုမိန့်ခွန်း ပြောကြားရန် အောက်လွှတ်တော် ဥက္ကဋ္ဌ နန်စီပလိုစီ (Nancy Pelosi) က ဖိတ်ကြားခဲ့ကြောင်း အောက်လွှတ်တော်ဥက္ကဋ္ဌရုံး ဒုတိယအကြီးအကဲ ဒရူး ဟမ်မီလ် (Drew Hammill) က ပြောကြားခဲ့သည်။

“ဇန်နဝါရီလ ၂၃ ရက် နေ့စွဲဖြင့် စာရေးသားလိုက်တဲ့စာထဲတွင် ကျွန်မတို့ ဒီနှစ်ရဲ့ နိုင်ငံတော်အခြေပြုမိန့်ခွန်း ပြောကြားဖို့ အစိုးရယန္တရားပြန်ဖွင့်တဲ့အချိန်မှာ နှစ်ဦးနှစ်ဖက် လက်ခံနိုင်သောရက်ကို အတူတကွရှာသင့်ကြောင်း ဖော်ပြလိုက်ပါတယ်” သမ္မတ ထရမ့်ထံ ရေးသားသည့်စာတွင် ပလိုစီက ရေးသားထားပြီး ဇန်နဝါရီလ ၂၈ ရက် နေ့လယ်ပိုင်းတွင် ဟမ်မီလ်က တွစ်တာပေါ်၌ ဝေမျှခဲ့သည်။ “ဒီကနေ့ ကျွန်မတို့ ပြောဆိုခဲ့ရာမှာတော့ ဖေဖော်ဝါရီလ ၅ ရက်မှာ မိန့်ခွန်းပြောဖို့ သဘောတူခဲ့ကြပါတယ်” ဟု သိရသည်။

“ထို့ကြောင့် ၂၀၁၉ ခုနှစ် ဖေဖော်ဝါရီ ၅ ရက်တွင် ကွန်ဂရက် ပူးတွဲအစည်းအဝေး မကျင်းပမီ နိုင်ငံတော်အခြေပြု မိန့်ခွန်းပြောကြားရန် ဖိတ်ကြားလိုက်သည်” ဟု ထိုစာ၌ ဖော်ပြထားသည်။

ပလိုစီသည် ထရမ့်အား နှစ်စဉ် နိုင်ငံတော်အခြေပြုမိန့်ခွန်းကို ဇန်နဝါရီလ ၂၉ ရက်တွင် ပြောကြားရန် ဖိတ်ကြားခဲ့သော်လည်း အစိုးရယန္တရား တစ်စိတ်တစ်ပိုင်း ရပ်ဆိုင်းနေသည့်အတွက် လုံခြုံရေးအခြေအနေ အကြောင်းပြကာ မိန့်ခွန်းပြောကြားရန် နှောင့်နှေးခဲ့ရကြောင်း သိရသည်။ (Xinhua)