ရန်ကုန်၊ နိုဝင်ဘာ ၂၄ ရက် (ဆင်ဟွာ) ရေးသားသူ/အေးလပြည့်

(၁၉)ကြိမ်မြောက် မြန်မာ-တရုတ် နယ်စပ်ကုန်သွယ်ရေး Online ကုန်စည်ပြပွဲကို ၂၀၂၀ ပြည့် နှစ် ဒီဇင်ဘာ ၁၄ ရက်မှ ၁၆ ရက်အထိ Myanmar Online Expo Park Platform တွင် ပြခန်းပေါင်း ၆၀ ဖြင့် Online မှ တည်ဆောက်ခင်းကျင်း ပြသသွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာ့ကုန်သွယ်မှုမြှင့်တင်ရေးအဖွဲ့ညွှန်ကြားရေးမှူး ဦးမျိုးသူက ဆင်ဟွာသို့ နိုဝင်ဘာ ၂၄ ရက်တွင်ပြောကြားသည်။

ရန်ကုန်၊ နိုဝင်ဘာ ၁၃ ရက် (ဆင်ဟွာ) ရေးသားသူ/အေးလပြည့်


COVID-19ကာလအတွင်း အောက်တိုဘာလတွင် တရုတ်နိုင်ငံသို့ ဖရဲသီးတန်ချိန် ၁၄,၀၀၀ ကျော်တင်ပို့နိုင်ခဲ့ကြောင်းကို COVID-19 ဒုတိယလှိုင်းစတင်ချိန်ကထက် တင်ပို့မှုပြန်လည်မြင့်တက်လာခဲ့ကြောင်း နှင့် ကုန်သွယ်မှုတွေ မြန်ဆန်စေရေးအတွက် မြန်မာနိုင်ငံ ပြည်တွင်းတွင် ဖြေလျှော့မှုများပြုလုပ်ပေးလျက်ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာ့ကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူး ဦးမျိုးသူ က ဆင်ဟွာသို့ နိုဝင်ဘာ ၁၃ ရက်တွင်ပြောသည်။

ရန်ကုန်၊ နိုဝင်ဘာ ၁၁ ရက် (ဆင်ဟွာ) ရေးသားသူ/အေးလပြည့်

Kunming Spring Festival Shopping Expo ပြပွဲကို တရုတ်နိုင်ငံ၊ ယူနန်ပြည်နယ်၊ ကူမင်းမြို့တွင် ၂၀၂၁ ခုနှစ်၊ ဇန်နဝါရီလ ၂၅ ရက်နေ့မှ ဖေဖော်ဝါရီလ ၉ ရက်နေ့အထိ ကျင်းပပြုလုပ်သွားမည်ဖြစ်ရာ မြန်မာနိုင်ငံမှပါဝင်ပြသရန် ဖိတ်ကြားထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန မှ သိရသည်။

ရန်ကုန် ၊ နိုဝင်ဘာ ၇ ရက် (ဆင်ဟွာ) ရေးသားသူ/စိုးမိုး

တရုတ်နိုင်ငံမှ မြန်မာနိုင်ငံသို့ အားကစားပစ္စည်း နှင့် အားကစားနည်းပညာကူညီထောက်ပံ့ရေး စီမံကိန်း ဆိုင်ရာ ထောက်ပံ့ရေးပစ္စည်းများ လွှဲပြောင်းပေးအပ်ပွဲအခမ်းအနားကို ရန်ကုန်မြို့၌ နိုဝင်ဘာ ၆ ရက်တွင် ကျင်းပပြုလုပ်ခဲ့ပြီး
မြန်မာနိုင်ငံဆိုင်ရာ တရုတ်နိုင်ငံသံရုံး စီပွားရေးသံမှူး ထန်းဆူဖု ၊ အားကစားနှင့် ကာယပညာသိပ္ပံ(ရန်ကုန်) ကျောင်းအုပ်ကြီး ဦးကျော်စိုးမိုး နှင့် တာဝန်ရှိသူများ တက်ရောက်ခဲ့ကြကြောင်း
သိရသည်။

ရန်ကုန်၊ နိုဝင်ဘာ ၆ ရက် (ဆင်ဟွာ) ရေးသားသူ/အေးလပြည့်

မြန်မာနိုင်ငံဆိုင်ရာတရုတ်သံရုံးက COVID-19 ရောဂါ ကာကွယ်ရေးပစ္စည်း အစုံရေ ၂၄၀,၀၀၀ အား မြန်မာနိုင်ငံအစိုးရထံ ယနေ့လှူဒါန်း လှူဒါန်းပေးအပ်ခဲ့ပြီး အခမ်းအနားကို ကျန်းမာရေးနှင့်အားကစားဝန်ကြီးဌာန၊ ဆေးသုတေသနဦးစီးဌာန၌ ကျင်းပခဲ့ကြောင်း သိရသည်။

ရန်ကုန်၊ နိုဝင်ဘာ ၅ ရက် (ဆင်ဟွာ)

တရုတ်ပြည်သူ့သမ္မတနိုင်ငံ၊ စီချွမ်းပြည်နယ်၊ ချိန်တူးမြို့တွင် ကျင်းပမည့် ၈ကြိမ်မြောက်ချိန်တူး နိုင်ငံတကာခရီးသွားပွဲတော် ကို ၂၀၂၀ပြည့်နှစ် နိုဝင်ဘာ ၂၆ရက်မှ ၂၈ရက်အထိ ကျင်းပြုလုပ်မည်ဖြစ်ကြောင်း ၎င်းပွဲသို့ မြန်မာနိုင်ငံဘက်မှ လုပ်ငန်းရှင်များအားတက်ရောက်ရန် ဖိတ်ကြားထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့ ညွှန်ကြားရေးမှူးချုပ် ဒေါ်နော်မူတာကပေါက ဆင်ဟွာသို့ နိုဝင်ဘာ ၅ ရက်တွင်ပြောသည်။

ရန်ကုန်၊ အောက်တိုဘာ ၃၀ ရက် (ဆင်ဟွာ)

တရုတ်ပြည်သူ့သမ္မတနိုင်ငံမှ မြန်မာနိုင်ငံသို့ COVID-19 ရောဂါကာကွယ်ရေးပစ္စည်းများအား ပေးအပ် လှူဒါန်းခဲ့ကြောင်း ပြန်ကြားရေးဝန်ကြီးဌာန၏ သတင်းဖော်ပြချက်အရသိရသည်။

ရန်ကုန်၊အောက်တိုဘာ၂၇ ရက် (ဆင်ဟွာ)


ဒုတိယအကြိမ်ကမ္ဘာ့ဆန်နှင့်ဂျုံခေါက်ဆွဲပြပွဲ(2nd World Rice & Flour Noodle Industry Expo ) ကိုတရုတ်ပြည်သူ့သမ္မတနိုင်ငံ၊နန်နင်းမြို့ရှိအပြည်ပြည်ဆိုင်ရာကုန်စည်ပြပွဲဗဟိုဌာနတွင်၂၀၂၀  ပြည့်နှစ်၊ အောက်တိုဘာလ ၃၀ ရက် မှ နိုဝင်ဘာလ ၁ ရက်အထိ ကျင်းပမည်ဖြစ်ပြီး၊ မြန်မာကုန်သည်များအား ဖိတ်ကြားထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့ ညွှန်ကြားရေးမှူးချုပ်ဒေါ်နော်မူတာကပေါက ဆင်ဟွာသို့ အောက်တိုဘာ၂၇ ရက်တွင်ပြောကြားသည်။

ရန်ကုန်၊ အောက်တိုဘာ ၂၂ ရက် (ဆင်ဟွာ)
မြန်မာ့သစ်သီးဝလံများကို တရုတ်နိုင်ငံ၏ အွန်လိုင်းဈေးကွက်၌ ရောင်းချရန် ဆောင်ရွက်လျက်ရှိကြောင်း မြန်မာနိုင်ငံ သစ်သီးဝလံ၊ပန်းမံနှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချ သူများအသင်း (MFVP) အတွင်းရေးမှူးဦးကျော်သူက ဆင်ဟွာသို့ အောက်တိုဘာ ၂၂ ရက်တွင်ပြောကြားသည်။

ရန်ကုန် ၊ စက်တင်ဘာ ၂၉ ရက်(ဆင်ဟွာ) 

တရုတ်ပြည်သူ့သမ္မတနိုင်ငံထူထောင်ခြင်း (၇၁) နှစ်မြောက်အထိမ်းအမှတ် ၊ တရုတ်-မြန်မာနှစ်နိုင်ငံသံတမန်ဆက်ဆံရေးနှစ် (၇၀) ပြည့်အထိမ်းအမှတ် ၊ တရုတ်-မြန်မာယဉ်ကျေးမှုနှင့်ခရီးသွားလာရေးနှစ်ကို ကြိုဆိုဂုဏ်ပြုသောအားဖြင့် ၂၀၂ဝ ပြည့်နှစ် မြန်မာနိုင်ငံတွင် “တရုတ်ရုပ်ရှင်ပွဲတော်” ကို အောက်တိုဘာ ၁ ရက်မှ စ၍ အွန်လိုင်းမှတစ်ဆင့် ကျင်းပမည် ဖြစ်ကြောင်း မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံရုံးမှ ယနေ့ထုတ်ပြန်ခဲ့သည်။