စစ်တွေမြို့နယ်တွင် ကျပ် ၁,၅၉၆ သိန်း တန်ဖိုးရှိ စိတ်ကြွရူးသွပ်ဆေးပြား များ ဖမ်းဆီးရမိ

ရန်ကုန်၊ ဖေဖော်ဝါရီ ၂၇ ရက် (ဆင်ဟွာ)

ရခိုင်ပြည်နယ်၊ စစ်တွေမြို့နယ်တွင် ဖေဖော်ဝါရီ ၂၆ ရက်နေ့ ည ၈နာရီ၃၀ခန့်က ကျပ် ၁,၅၉၆ သိန်း တန်ဖိုးရှိ စိတ်ကြွရူးသွပ်ဆေးပြား များ ဖမ်းဆီးရမိကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။

စစ်တွေမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်း အဖွဲ့သည် စစ်တွေမြို့နယ်၊ ဘာဆာရာကျေးရွာရှိ နေအိမ်ကိုရှာဖွေရာ နေအိမ်မှ စိတ်ကြွရူးသွပ်ဆေးပြား ၇၉,၈၀၀ ပြား တန်ဖိုး ကျပ် ၁,၅၉၆သိန်းအား သိမ်းဆည်းရမိခဲ့ကြောင်း သိရသည်။

အဆိုပါ နေအိမ်မှ အိမ်ရှင်အား မူးယစ်ဆေးဝါးနှင့် စိတ်ကိုပြောင်း လဲစေသောဆေးဝါးများဆိုင်ရာဥပဒေအရ အရေးယူထားကြောင်း သိရသည်။(Xinhua)