ဂျာမနီတွင် မုန်တိုင်းကြောင့် ခြင်္သေ့၊ ကျား နှင့် ကျားသစ်များ တိရစ္ဆာန်ရုံမှ လွတ်ထွက်သွားခဲ့

ဘာလင်၊ ဇွန် ၂ ရက် (ဆင်ဟွာ)

ဂျာမနီနိုင်ငံ မုန်တိုင်းတိုက်ခတ်ပြီးနောက် Rheinland-Pfalz ပြည်နယ် Lunebach မြို့ရှိ တိရစ္ဆာန်ရုံတစ်ခု ၏ တိရစ္ဆာန်လှောင်အိမ်များ ပျက်စီးသွား၍ ခြင်္သေ့၊ ကျား နှင့် ကျားသစ်များ အပါအဝင် အခြားအန္တရာယ်ရှိ တိရစ္ဆာန်များစွာ တိရစ္ဆာန်ရုံမှ လွတ်သွားကြောင်း SWR.de သတင်းက ဇွန် ၁ ရက်တွင်ဖော်ပြခဲ့သည်။

ခရိုင်အုပ်ချုပ်ရေးအဖွဲ့ ပြောရေးဆိုခွင့်ရှိသူ Bitburg-Prum က မေ ၃၁ရက်ညပိုင်းတွင် တိုက်ခတ်ခဲ့သော မုန်တိုင်းကြောင့် Lunebach မြို့ရှိ တိရစ္ဆာန်ရုံတစ်ခု ၏ လှောင်အိမ်များရေနစ်မြုပ်ကာ ပျက်စီးခဲ့ကြောင်း ပြောကြားခဲ့သည်။

ရလဒ်အနေဖြင့် ဝက်ဝံတစ်ကောင်၊ ခြင်္သေ့ ၂ကောင်၊ ကျား ၂ကောင် နှင့် ကျားသစ် တစ်ကောင် လွတ်သွားပြီး ဝက်ဝံအား အချိန်မှီ ပစ်ခတ်ဖမ်းဆီးနိုင်ခဲ့ကြောင်း သိရသည်။

အဆိုပါ ဧရိယာသို့ ရဲတပ်ဖွဲ့ဝင်များ နှင့် မီးသတ်ဝန်ထမ်းများရောက်ရှိနေကြောင်းသိရသည်။ ဒေသခံပြည်သူများအား နေအိမ်အတွင်း၌သာနေကြရန် နှင့် ပြတင်းပေါက်များအား ပိတ်ထားကြရန် တိုက်တွန်းထားကြောင်း သိရသည်။ (Xinhua)