ကာရေဘီယံသို့ စစ်ရေးဖြန့်ကြက်မှုပြုလုပ်လာသော အမေရိကန်အား ကျူးဘား ပြစ်တင်ရှုတ်ချ

ဟာဗားနား၊ ဩဂုတ် ၂၉ ရက် (ဆင်ဟွာ)
ကာရေဘီယံပင်လယ်ဒေသတွင်း မူးယစ်ဆေးဝါးရောင်းဝယ်ဖောက်ကားမှုများ တိုက်ဖျက်ရန်ဟုဆိုကာ မူမမှန်သောအကြောင်းပြချက်ဖြင့် စစ်ရေးဖြန့်ကြက်လာမှုများပြုလုပ်လာသော အမေရိကန်နိုင်ငံအား ကျူးဘားနိုင်ငံက ဩဂုတ် ၂၈ ရက်၌ ပြစ်တင်ရှုတ်ချခဲ့သည်။
“ဒီအန္တရာယ်ရှိတဲ့လှုပ်ရှားမှုဟာ လက်တင်အမေရိကနဲ့ ကာရေဘီယံဒေသတွင်းက ပြည်သူတွေရဲ့ အချုပ်အခြာအာဏာနဲ့ ကိုယ်ပိုင်ပြဋ္ဌာန်းခွင့်ကို အနှောင့်အယှက်ဖြစ်စေတဲ့ ပြင်းထန်သောခြိမ်းခြောက်မှုနဲ့ အင်အားသုံးရန်လိုမှုကို ကိုယ်စားပြုတာဖြစ်ပါတယ်” ဟု ကျူးဘားနိုင်ငံခြားရေးဝန်ကြီးဌာန၏ ထုတ်ပြန် ချက်တစ်ခုအရ သိရသည်။
ဗင်နီဇွဲလားသည် မူးယစ်ဆေးဝါးရောင်းဝယ်ဖောက်ကားမှုများနှင့် ချိတ်ဆက်နေကြောင်း အမေရိကန်၏ စွပ်စွဲမှုကိုလည်း ကျူးဘားကငြင်းဆန်ခဲ့သလို အရေးယူရန်အားထုတ်မှုအဖြစ် ကာရေဘီယံဒေသတွင်းသို့ အမေရိကန်စစ်သားများစေလွှတ်ခြင်းအား အဓိပ္ပါယ်မဲ့ အခြေအမြစ်မရှိသည့် မူမမှန်သောအကြောင်း ပြချက်များဖြစ်ကြောင်း ထုတ်ပြန်ချက်တွင် ဖော်ပြထားသည်။
အမေရိကန်နိုင်ငံသည် ဒေသတွင်း၌ မူးယစ်ဆေးဝါးစျေးကွက်အကြီးမားဆုံးရှိသည့်နိုင်ငံဖြစ်သလို တစ်ကမ္ဘာလုံးတွင်လည်း မူးယစ်ဆေးဝါးစျေးကွက်အကြီးမားဆုံးဖြစ်နိုင်ကြောင်း ကုလသမဂ္ဂ၏ ၂၀၂၅ ခုနှစ် ကမ္ဘာ့မူးယစ်ဆေးဝါး အစီရင်ခံစာ၌ ဖော်ပြခဲ့မှုကိုလည်း ကျူးဘားက ထောက်ပြခဲ့သည်။
ကျူးဘားနိုင်ငံသည် တရားမဝင်မူးယစ်ဆေးဝါးရောင်းဝယ်ဖောက်ကားမှုများအား ရိုးရှင်းထိရောက်စွာ တိုက်ဖျက်နေကြောင်း၊ နိုင်ငံ၏ အချုပ်အခြာအာဏာကို ကာကွယ်ရေး၊ လက်တင်အမေရိကနှင့် ကာရစ်ဘီယန်ဒေသအတွင်း ငြိမ်းချမ်းရေးနှင့် တည်ငြိမ်မှုကို မြှင့်တင်နိုင်ရေးအတွက် ခိုင်မာသော ကတိကဝတ်ဖြင့်လုပ်ဆောင်နေခြင်းအား ထပ်လောင်းအသိပေးလိုကြောင်းလည်း ကျူးဘားနိုင်ငံခြားရေး ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။
အမေရိကန်ကာကွယ်ရေးဌာနတာဝန်ရှိသူများ၏အဆိုအရ လက်တင်အမေရိကနှင့် ကာရေဘီယံ ဒေသတွင်းမှ မူးယစ်ဆေးဝါးကုန်သည်လုပ်ငန်းရှင်များအားနှိမ်နင်းရန် စစ်သားများနှင့် စစ်သင်္ဘောများ အား ဩဂုတ်လဆန်းကတည်းက စတင်စေလွှတ်ဖြန့်ကြက်ခဲ့ကြောင်း သိရသည်။ (Xinhua)
……………………
(English Version)
Cuba slams U.S. for military deployment in Caribbean
HAVANA, Aug. 28 (Xinhua) — Cuba on Thursday denounced the U.S. military deployment in the Caribbean Sea under the pretext of fighting drug trafficking in the region.
“This dangerous move represents a serious threat and an aggressive show of force that undermines the sovereignty and self-determination of the peoples of Latin America and the Caribbean,” Cuba’s Foreign Ministry said in a statement.
Cuba rejected U.S. allegations that Venezuela is linked to drug trafficking, calling the charges “an absurd and baseless pretext” for sending troops to the region.

It added that the United States is “the largest market for narcotics in the region and possibly in the world,” citing the UN’s 2025 World Drug Report.
“Cuba reiterates its firm commitment to the honest and effective fight against illicit drug trafficking, the defense of national sovereignty, and the promotion of peace and stability in Latin America and the Caribbean,” the ministry said.
The United States began to deploy warships and military personnel in Latin American and Caribbean waters earlier this month to combat regional drug cartels, according to U.S. defense officials.)
Photo:
An aerial drone photo taken on Jan. 7, 2025 shows a city view of St. George’s, Grenada. Grenada is situated on the southernmost tip of the Windward Islands of the Caribbean Sea.
(Xinhua/Zhao Kai)