Connect with us

Business

မြန်မာ့ပင်လယ်ရေကြောင်းကုန်သွယ်မှု ၂၀၂၂-၂၀၂၃ ဘဏ္ဍာနှစ်တွင် ၁၂.၁၉ ရာခိုင်နှုန်း တိုးတက်

ရန်ကုန်မြို့ စက်မှုဆိပ်ကမ်းတစ်ခုရှိ ကွန်တိန်နာများကို ၂၀၁၇ ခုနှစ်၊ ဧပြီ ၁၈ ရက်ကတွေ့ရစဉ် (ဆင်ဟွာ)

ရန်ကုန်၊ ဧပြီ ၂၉ ရက် (ဆင်ဟွာ)

မြန်မာ့ပင်လယ်ရေကြောင်း ကုန်သွယ်မှုသည် ၂၀၂၂-၂၀၂၃ ဘဏ္ဍာနှစ်တွင် အမေရိကန်ဒေါ်လာ ၂၅.၃၅ ဘီလီယံကျော်ရရှိခဲ့ပြီး ယမန်နှစ်ကထက် ၁၂.၁၉ ရာခိုင်နှုန်း မြင့်တက်လာခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ ထုတ်ပြန်သော အချက်အလက်များအရ သိရသည်။

မြန်မာနိုင်ငံ၏ ၂၀၂၂-၂၀၂၃ ဘဏ္ဍာနှစ်သည် ၂၀၂၂ ခုနှစ် ဧပြီလ ၁ ရက်နေ့တွင် စတင်ခဲ့ပြီး ၂၀၂၃ ခုနှစ် မတ်လ ၃၁ ရက်နေ့တွင် ကုန်ဆုံးကြောင်း သိရသည်။ အဆိုပါကာလအတွင်း မြန်မာနိုင်ငံ၏ပင်လယ်ရေကြောင်းမှ တင်ပို့မှုတန်ဖိုးမှာ အမေရိကန်ဒေါ်လာ ၁၀. ၄၈ ဘီလီယံကျော်ရှိပြီး ပင်လယ်ရေကြောင်းမှ တင်သွင်းမှုတန်ဖိုးမှာ အမေရိကန်ဒေါ်လာ ၁၄.၈၆ ဘီလီယံကျော်ရှိကြောင်း သိရသည်။
ယင်းဘဏ္ဍာနှစ်အတွင်း နယ်စပ်ကုန်သွယ်မှုတန်ဖိုး အမေရိကန်ဒေါ်လာ ၈ .၅၇ ဘီလီယံကျော် အပါအဝင် စုစုပေါင်းနိုင်ငံခြားကုန်သွယ်မှုတန်ဖိုးမှာ ၃၃ .၉၂ ဘီလီယံကျော်ရှိကြောင်း သိရသည်။

မြန်မာနိုင်ငံအနေဖြင့် ပင်လယ်ရေလမ်းကြောင်းမှတစ်ဆင့် နိုင်ငံခြားကုန်သွယ်မှုအများစုကိုပြုလုပ်လျက်ရှိပြီး တရုတ်နိုင်ငံ၊ ထိုင်းနိုင်ငံ၊ ဘင်္ဂလားဒေ့ရှ်နိုင်ငံ၊ အိန္ဒိယနိုင်ငံတို့နှင့် နယ်စပ်ကုန်သွယ်ရေးများပြုလုပ်လျက်ရှိသည်။

မြန်မာနိုင်ငံသည် လယ်ယာထွက်ကုန်များ၊ တိရစ္ဆာန်ထွက်ကုန်များ၊ ရေထွက်ကုန်များ၊ ကျောက်မျက်ရတနာများ၊ သစ်တောထွက်ပစ္စည်းများ၊ ကုန်ထုတ်ကုန်ပစ္စည်းများနှင့် အခြား စက်မှုထုတ်ကုန်များ၊ အလယ်အလတ်ကုန်စည်များနှင့် လူသုံးကုန်ပစ္စည်းများကို ပြည်ပနိုင်ငံများသို့ တင်ပို့လျက်ရှိကြောင်း သိရသည်။ (Xinhua)