Education & Health
တက္ကသိုလ်ဝင်တန်း စာမေးပွဲ မေးခွန်းပုံစံသစ်ကို နေ့စဉ်ထုတ် သတင်းစာများတွင် ဖော်ပြမည်
ရန်ကုန်၊ ဧပြီ ၃၀ ရက် (ဆင်ဟွာ)
တက္ကသိုလ်ဝင်တန်း စာမေးပွဲ မေးခွန်းပုံစံသစ်ကို နေ့စဉ်ထုတ် သတင်းစာများတွင် ဖော်ပြမည်ဖြစ်ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
ပညာရေးဝန်ကြီးဌာနသည် (၂၀၁၈-၂၀၁၉) ပညာသင်နှစ်မှစ၍ ပြောင်းလဲ အသုံးပြုသွားမည့် တက္ကသိုလ်ဝင်တန်း မေးခွန်း ပုံစံသစ်များနှင့် စပ်လျဉ်း၍ ကျောင်းသား ကျောင်းသူများ ၊ ဆရာဆရာမများနှင့် ပြည်သူများ သိရှိနိုင်ရန် နေ့စဉ်ထုတ် သတင်းစာများတွင် အောက်ဖော်ပြပါ နေ့ရက်များ အလိုက် တက္ကသိုလ်ဝင်တန်း စာမေးပွဲ ဘာသာရပ် မေးခွန်းပုံစံသစ် တည်ဆောက်ပုံများကို ဖော်ပြသွားမည် ဖြစ်ကြောင်း သိရသည်။
(၂၀၁၈)ခုနှစ်၊ မေလ (၂)ရက်နေ့တွင် မြန်မာစာ၊ မေလ (၃)ရက်နေ့တွင် အင်္ဂလိပ်စာ၊ မေလ (၄)ရက်နေ့တွင် သင်္ချာ၊ မေလ(၅) ရက်နေ့တွင် ဓာတုဗေဒ ၊ မေလ(၆) ရက်နေ့တွင် ရူပဗေဒ၊ မေလ (၇)ရက်နေ့တွင် ဇီဝဗေဒ၊ မေလ (၈)ရက်နေ့တွင် ပထဝီဝင်၊ မေလ(၉) ရက်နေ့တွင် သမိုင်းနှင့် မေလ(၁၀) ရက်နေ့တို့တွင် ဘောဂဗေဒ ဘာသာရပ်များကို (၁)ရက်လျှင် (၁)ဘာသာနှုန်းဖြင့် မေးခွန်းပုံစံသစ် တည်ဆောက်ပုံနှင့် ဘာသာရပ် အလိုက် ဆွေးနွေး တင်ပြထားသော သတင်းဆောင်းပါး တို့ကို ထည့်သွင်း ဖော်ပြသွားမည် ဖြစ်ကြောင်း သိရသည်။(Xinhua)