Environment, Disasters & Accidents
မတ်လ နှင့် ဧပြီလများအတွင်း မိုးလေဝသဖြစ်စဉ်များ နှင့်ပတ်သက်၍ ဂရုပြုနေထိုင်ရန် မိုးဇလထုတ်ပြန်
ရန်ကုန်၊ မတ် ၁၅ ရက် (ဆင်ဟွာ)
နွေကာလဖြစ်သည့် မတ်လ နှင့် ဧပြီလများအတွင်း ဖြစ်ပေါ်နိုင်သည့် မိုးလေဝသ ဖြစ်စဉ်များ နှင့်ပတ်သက်၍ ပြည်သူများအနေဖြင့် ဂရုပြုနေထိုင်သွားကြရန် မိုးလေဝသ နှင့် ဇလဗေဒညွှန်ကြားမှုဦးစီးဌာန မှ သတင်းထုတ်ပြန်သည်။
မြန်မာနိုင်ငံအရပ်ရပ်တွင် နွေကာလဖြစ်သည့် မတ်လ နှင့် ဧပြီလ များအတွင်း နေ့အပူများတဖြည်းဖြည်းမြင့် တက်လာရာမှ အပူပျံတက်တိမ်များဖြစ်ထွန်း၍ မွန်းလွဲ/ညနေပိုင်းတို့တွင် မိုးတိမ်တောင်များ ဖြစ်ပေါ်နိုင်ပြီး၊ အဆိုပါမိုးတိမ်တောင်များ ရွေ့လျားရာနေရာ တစ်လျှောက်တွင် လေပြင်းများတိုက်ခတ်ခြင်း၊ လေပြင်းနှင့်အတူ ထစ်ချူန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း နှင့် နေရာကွက်ကျား မိုးထစ်ချုန်းရွာခြင်း စသည့်မိုးလေဝသ ဖြစ်စဉ်များ ဖြစ်ပေါ်နိုင်ကြောင်း၊ လေပြင်းတိုက်ခိုက်စဉ် မြေပြင်/ရေပြင်လေပြင်သည် တစ်နာရီ ၃၅မိုင် မှ မိုင် ၄၀အထိ တိုက်ခိုက်နိုင်ကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)