Environment, Disasters & Accidents
အဖျောက်-ရွှေပြည်သာ ၁၀ လက်မ သဘာဝဓာတ်ငွေ့ပိုက်လိုင်း ပိုက်လိုင်းကွဲ၍ ဓာတ်ငွေ့ယိုစိမ့်ရာမှ မီးလောင်မှုဖြစ်ပွားခဲ့သည့် ပိုက်လိုင်း ပြင်ဆင်ပြီး ဓာတ်ငွေ့ပုံမှန်ပို့လွှတ်
ရန်ကုန်၊မတ် ၁ ရက် (ဆင်ဟွာ)
အဖျောက်-ရွှေပြည်သာ ၁၀လက်မသဘာ၀ ဓာတ်ငွေ့ပိုက်လိုင်းသည် ရွှေပြည်သာမြို့နယ်၊ ဘိုရှည်ကုန်းကျေးရွာအနီး ဓညင်းကုန်းလမ်းဆုံမှ ကားလမ်းမိုင်တိုင် ၂ မိုင် ၄ဖာလုံခန့်အကွာ၌ ပိုက်လိုင်းကွဲ၍ ဓာတ်ငွေ့ယိုစိမ့်ရာမှ မီးလောင်မှုဖြစ်ပွားခဲ့ကြောင်း၊ သက်ဆိုင်ရာမြို့နယ်မီးသတ်တပ်ဖွဲ့များမှ ငြိမ်းသတ်နိုင်ခဲ့ကြောင်း ဖေဖော်ဝါရီလ ၂၉ ရက်နေ့တွင် စွမ်းအင်ဝန်ကြီးဌာနမှ သတင်းထုတ်ပြန်သည်။
၎င်းဖြစ်စဉ်သည် ဖေဖော်ဝါရီ ၂၇ ရက် ၁ရး၃၅ နာရီတွင် ဖြစ်ပွါးခဲ့ပြီး၊ ၁၈း၂၀ နာရီတွင် မီးငြိမ်းသတ်နိုင်ခဲ့ကြောင်း ထုတ်ပြန်ချက်ထဲတွင်ပါရှိသည်။ အဆိုပါဖြစ်စဉ်ကြောင့် CNG သုံး မော်တော်ယာဉ်ဆိုင်များသို့ သဘာဝဓာတ်ငွေ့ ဖြန့်ဖြူးလျက်ရှိသော ရွှေပြည်သာ-၁ CNG ဆိုင် (၀၁၄) မှ ဓာတ်ငွေ့ဖြန့်ဖြူးမှု ခေတ္တရပ်ဆိုင်းခဲ့ကြောင်း သိရသည်။
အခင်းဖြစ်ပွါးသည့်နေရာသို့ စွမ်းအင်ဝန်ကြီးဌာန ပိုက်လိုင်းပြုပြင်ရေးအဖွဲ့မှ သွားရောက်စစ်ဆေးခြင်း နှင့် ပိုက်လိုင်းအစားထိုးသွယ်တန်းခြင်း လုပ်ငန်းများအားဆောင်ရွက်ခဲ့ရာ ၂၀၁၆ ခုနှစ် ဖေဖော်ဝါရီလ ၂၈ ရက်နေ့ ၁၂း၀၅ နာရီအချိန်တွင် ပိုက်လိုင်းပြင်ဆင်မှုလုပ်ငန်းများ ပြီးစီး၍ သဘာဝဓာတ်ငွေ့များအား ပုံမှန်ပို့လွှတ်လျက်ရှိကြောင်း သတင်းထုတ်ပြန်ချက် ထဲတွင်ပါရှိသည်။ (Xinhua)