Politics, Law & Military
ကချင်ပြည်နယ်၊ မိုးမောက်မြို့တွင် ဒေသကာလပေါက်ဈေးတန်ဖိုး ငွေကျပ် ၆၈၄ သိန်း တန်ဖိုးရှိ ဘိန်းဖြူများဖမ်းဆီးရမိ
ရန်ကုန်၊ စက်တင်ဘာ ၄ ရက် (ဆင်ဟွာ)
ကချင်ပြည်နယ်၊ မိုးမောက်မြို့တွင် ဒေသကာလပေါက်ဈေးတန်ဖိုးငွေကျပ် ၆၈၄ သိန်း တန်ဖိုးရှိ ဘိန်းဖြူများဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နှင်းရေး ဗဟိုကော်မတီ က ယနေ့သတင်းထုတ်ပြန်သည်။
ဖြစ်စဉ်မှာ စက်တင်ဘာလ ၃ ရက် ၁၈း၃၀ နာရီ တွင် ဗန်းမော်ခရိုင်၊ မိုးမောက်မြို့နယ်၊ လွယ်ဂျယ်မြို့ မန်ကောင်း-လွယ်ဂျယ်ကားလမ်း၌ လွယ်ဂျယ်နယ်မြေရဲစခန်းမှတပ်ဖွဲ့ဝင်များပါဝင်သောပူးပေါင်းအဖွဲ့သည် သတင်းအရ သက်သေများနှင့်အတူ မန်ကောင်းမှ လွယ်ဂျယ်သို့ မူဆယ်မြို့၊ ဖာဖိတ်ကျေးရွာနေ လွှမ်းဝေ(ခ)ဆိုင်းနော်(၂၂)နှစ် မောင်းနှင်သည့် မော်တော်ယာဉ်အား ရပ်တန့်စစ်ဆေးရာ ယာဉ်၏ဒက်ရှ်ဘုတ်အောက် အံဝှက်အတွင်းမှ ဆပ်ပြာခွက်များဖြင့်ထည့်ထားသည့် ဘိန်းဖြူစုစုပေါင်းအလေးချိန် ၈၅၅ ဂရမ် (ဒေသကာလပေါက်ဈေးတန်ဖိုးငွေကျပ် ၆၈၄ သိန်း)တို့အား တွေ့ရှိသိမ်းဆည်းရမိခဲ့သဖြင့် လွယ်ဂျယ်နယ်မြေရဲစခန်း မူးယစ်ဆေးဝါးနှင့်စိတ်ကိုပြောင်းလဲ စေသောဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များဖော်ထုတ်စစ်ဆေးလျက်ရှိကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)