ကျိုင်းတုံမြို့နယ်အတွင်း ငွေကျပ်သိန်း ၆၀,၀၀၀ ကျော်တန်ဖိုးရှိ မူးယစ်ဆေးဝါးများဖမ်းဆီးရမိ

ရန်ကုန်၊ အောက်တိုဘာ ၂၆ ရက် (ဆင်ဟွာ)

ကျိုင်းတုံမြို့နယ်အတွင်း ငွေကျပ်သိန်း ၆၀,၀၀၀ ကျော်တန်ဖိုးရှိ မူးယစ်ဆေးဝါးများဖမ်းဆီးရမိခဲ့ကြောင်း တပ်မတော်ကာကွယ်ရေးဦးစီးချုပ်ရုံးမှ ယနေ့ သတင်းထုတ်ပြန်သည်။

ဖြစ်စဉ်မှာ ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်၊ မြို့အဝင်ဂိတ်၌ နယ်မြေလုံခြုံရေးဆောင်ရွက်နေသည့် တပ်မ တော်သားများနှင့် ဌာနဆိုင်ရာတာဝန်ရှိသူများပါဝင်သော ပူးပေါင်းအဖွဲ့သည် ယနေ့ နံနက် ၅ နာရီ ၄၅ မိနစ်ခန့် တွင် မိုင်းပျဉ်းဘက်မှ ကျိုင်းတုံဘက်သို့ မြဝင်း(ဘ)ဦးမောင်အေး မောင်းနှင်လာသော ကရောင်းအမျိုးအစား မော်တော်ယာဉ်အမှတ်၊ YGN 6 J/— အား ရပ်တန့်စစ်ဆေးရာ ယာဉ် နောက်ခန်းအတွင်းမှ တစ်ထုပ်လျှင် အိုက်စ် ၁ ကီလိုဂရမ်ခန့်ပါ ၂၅၀ ထုပ်၊ စုစုပေါင်း ၂၅၀ ကီလိုဂရမ်ခန့်(ခန့်မှန်းတန်ဖိုးငွေကျပ် သိန်းပေါင်း ၆၂,၅၀၀ ခန့်)၊ မြန်မာငွေကျပ်သုံးသိန်းတို့နှင့်အတူ ဖမ်းဆီးရမိခဲ့ကြောင်း သိရသည်။

အဆိုပါမူးယစ်ဆေးဝါးများ၊ မော်တော်ယာဉ်နှင့်အတူ ဖမ်းဆီးရမိသူအား တရားဥပဒေအရ အမှုဖွင့် အရေးယူ ဆောင်ရွက်နိုင်ရန် ကျိုင်းတုံမြို့မရဲစခန်းနှင့် မူးယစ်တပ်ဖွဲ့စုသို့ လွှဲပြောင်းအပ်နှံခဲ့ကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)