မိုးကုတ်မြို့နယ်တွင် ငွေကျပ် သိန်း ၂၃၉၈ သိန်းတန်ဖိုးရှိ ဘိန်းဖြူများသိမ်းဆည်းရမိ

ရန်ကုန်၊ ဧပြီ ၂၈ ရက် (ဆင်ဟွာ)

မန္တလေးတိုင်းဒေသကြီး၊ မိုးကုတ်မြို့နယ်တွင် ငွေကျပ် ၂,၃၉၈ သိန်း တန်ဖိုးရှိ ဘိန်းဖြူများ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်သည်။

ဖြစ်စဉ်မှာ ဧပြီ ၂၆ ရက်နေ့ ၁၆း၀၀နာရီ အချိန် တပ်မတော်မှ သတင်းအရ မိုးကုတ်မြို့နယ်၊ ပြင်ဦးလွင်-မိုးကုတ်လမ်းသစ်(အတက်လမ်း)၊ အထက်ညောင်ကုန်းကျေးရွာနှင့် အောက်ညောင်ကုန်းကျေးရွာကြားရှိ ကားလမ်းဘေးတွင် Crown Saloon မော်တော်ယာဉ်ကို သွားရောက်စစ်ဆေးရာ ယာဉ်မောင်း နှင့် ကားသော့မရှိ၍ မိုးကုတ်မြို့မရဲစခန်းသို့သယ်ယူလာပြီး ပူးပေါင်းအဖွဲ့ဖြင့်ရှာဖွေရာ မော်တော်ယာဉ်၏ အလယ်ခန်းရှိနွားနို့ပုံးနှင့် ပီနံအိတ်အတွင်းတို့မှ ဘိန်းဖြူဆပ်ပြာခွက် ၂၁၈ ခွက်( ဘိန်းဖြူ အလေးချိန် ၂ .၃၉၈ ကီလို) သိမ်းဆည်းရမိခဲ့သဖြင့် မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါး များဆိုင်ရာဥပဒေအရ အရေးယူထားကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)