Politics, Law & Military
မောင်တောမြို့နယ်အတွင်း ငွေကျပ်သိန်း ၃၄၀၀ ခန့်တန်ဖိုးရှိ စိတ်ကြွရူးသွပ်ဆေးပြားများ သိမ်းဆည်းရမိ
ရန်ကုန်၊ မေ ၂၅ ရက် (ဆင်ဟွာ)
ရခိုင်ပြည်နယ်၊ မောင်တောမြို့နယ်အတွင်းနယ်မြေ လုံခြုံရေးဆောင်ရွက်နေသည့် တပ်မတော်စစ်ကြောင်း သည် WY စာတန်းပါ စိတ်ကြွရူးသွပ်ဆေးပြား ၁၇၀,၀၀၀ ပြား(ခန့်မှန်းတန်ဖိုးငွေကျပ် သိန်း ၃၄၀၀ ခန့်)ကို ဖမ်းဆီးရမိခဲ့ ကြောင်း တပ်မတော်ကာကွယ်ရေးဦးစီးချုပ်ရုံးမှ သတင်းထုတ်ပြန်သည်။
ဖြစ်စဉ်မှာ မေ ၂၄ ရက် နံနက် ၉ နာရီခန့်တွင် မောင်တောမြို့၏ အနောက်ဘက် မီတာ ၂၅၀၀ ခန့်အကွာ၌ မသင်္ကာဖွယ်ပိုင်ရှင်မဲ့အထုပ်တစ်ထုပ်အားတွေ့ရှိသဖြင့် ဌာနဆိုင်ရာတာဝန်ရှိသူများနှင့်အတူ ဖွင့်ဖောက် စစ်ဆေးရာ အဆိုပါ WY စာတန်းပါ စိတ်ကြွရူးသွပ်ဆေးပြား ၁၇၀,၀၀၀ ပြား(ခန့်မှန်းတန်ဖိုးငွေကျပ် သိန်း ၃၄၀၀ ခန့်)ကို တွေ့ရှိခဲ့ခြင်းဖြစ်ကြောင်း သိရသည်။
အဆိုပါ သိမ်းဆည်းရမိ စိတ်ကြွရူးသွပ်ဆေးပြားများအား အမှတ်(၄၆) မူးယစ်တပ်ဖွဲ့စု(မောင်တော)မှ တာဝန်ရှိသူများထံသို့ လွှဲပြောင်းအပ်နှံခဲ့ကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)