Politics, Law & Military
ရှမ်းပြည်နယ်ဖယ်ခုံ၊ ပင်လုံ၊ မိုင်းပွန်နှင့် မိုင်းပန်မြို့နယ်တို့တွင်ဘိန်းခင်းများ ဖျက်ဆီး
ရန်ကုန်၊ နိုဝင်ဘာ ၂၂ ရက် (ဆင်ဟွာ)
ရှမ်းပြည်နယ်၊ ဖယ်ခုံ၊ ပင်လုံ၊ မိုင်းပွန်နှင့် မိုင်းပန်မြို့နယ်တို့တွင် ရဲတပ်ဖွဲ့ဝင်များပါဝင်သော ပူးပေါင်းအဖွဲ့က ဘိန်းခင်းများ ဖျက်ဆီးခဲ့ကြောင်း သိရသည်။
ဖြစ်စဉ်မှာ ရှမ်းပြည်နယ် ဖယ်ခုံမြို့နယ် လွယ်ယင်းကျေးရွာ အနောက်တောင်ဘက် နှစ်မိုင်ခန့်အကွာတွင် အမြင့်နှစ်ပေ ခန့်ရှိ ဘိန်းစိုက်ခင်း ၁၁ ဧကခန့်ကို နိုဝင်ဘာ ၂ဝ ရက် နံနက် ၈ နာရီက ဘီကင်း နယ်မြေရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့က တွေ့ရှိဖျက်ဆီးခဲ့ကြောင်း သိရှိရသည်။
အလားတူ ရဲတပ်ဖွဲ့ဝင်များပါဝင်သော ပူးပေါင်းအဖွဲ့ က ပင်လုံမြို့နယ် ထွေးရီကျေးရွာ၌ ဘိန်းစိုက်ခင်း သုံးဧကခန့်အား လည်းကောင်း၊ မိုင်းပွန်မြို့နယ် လွယ်မွတ် ကျေးရွာ၌ ဘိန်းစိုက်ခင်း လေးဧကခန့်အား လည်းကောင်း၊ မိုင်းပန်မြို့နယ် နားမွန်းကျေးရွာအုပ်စု၌ ဘိန်းစိုက်ခင်း ၁၂ ဒသမ ၃၅ ဧက ခန့်အားလည်းကောင်း တွေ့ရှိဖျက်ဆီး ရှင်းလင်းနိုင်ခဲ့ကြောင်း ကြေးမုံသတင်းတွင်ပါရှိသည်။ (Xinhua)