Connect with us

Science & Technology

HUAWEI စမတ်ဖုန်း အသစ် P 10 နှင့် P 10 Plus မိတ်ဆက်ခြင်း အခမ်းအနား ရန်ကုန်မြို့တွင် ကျင်းပ

HUAWEI စမတ္ဖုန္း အသစ္ P 10 ႏွင့္ P 10 Plus မိတ္ဆက္ျခင္း အခမ္းအနား ျမင္ကြင္း(ဆင္ဟြာ)

ရန်ကုန် ၊ မေ ၅ ရက် (ဆင်ဟွာ)

HUAWEI စမတ်ဖုန်း အသစ် P 10 နှင့် P 10 Plus မိတ်ဆက်ခြင်း အခမ်းအနား ကို မေလ ၅ ရက်နေ့ ည ၆ နာရီ အချိန်တွင် ရန်ကုန်မြို့ရှိ Novotel Max ဟိုတယ် တွင် ကျင်းပ ပြုလုပ်ခဲ့ပြီး HUAWEI စမတ်ဖုန်း အသစ် ၏ အလှဓာတ်ပုံ ရိုက်ကူးမှု ပိုင်းဆိုင်ရာ လုပ်ဆောင်နိုင်မှု စွမ်းရည် နှင့် ပတ်သက်၍ အသေးစိတ် မိတ်ဆက်ရှင်းလင်းပေး ခဲ့သည်။

HUAWEI စမတ်ဖုန်း အသစ် P 10 နှင့် P 10 Plus သည် နိုင်ငံတကာ မှ ချီးမြှင့်သည့် ဆုပေါင်းများစွာကို ရရှိခဲ့ပြီး Technical Image Press Association (TIPA) မှ ချီးမြှင့်သော Best Photo Smartphone ဆုကိုလည်း ဆွတ်ခူးရရှိခဲ့ကြောင်း ၊ P 10 နှင့် P 10 Plus စမတ်ဖုန်းသည် Leica ကင်မရာ ကို အရှေ့တွင် တပ်ဆင်ထားပြီး အနောက်ဘက်တွင် Leica Dual ကင်မရာ ကို တပ်ဆင်ထားကြောင်း ၊ နောက်ဆုံးပေါ် အဆင့်မြင့် ဓာတ်ပုံနည်းပညာ များကို အသုံးပြုထားသောကြောင့် အရည်အသွေး ကောင်းမွန်သည့် ဓာတ်ပုံများကို ရရှိနိုင်ကြောင်း ၊ HUAWEI P 10 Plus တွင် Leica Dual-Camera 2.0 Pro Edition ထည့်သွင်းထားပြီး F/1.8 aperture ရှိသော Leica SUMMILUX-H မှန်ဘီလူးအသစ် ပါဝင်သောကြောင့် မြင်ကွင်းကို ပိုမို ကျယ်ပြန့်စေပြီး အရည်အသွေးမြင့်မားစေကြောင်း ၊ P 10 နှင့် P 10 Plus တို့သည် မျက်နှာပြင် အကျယ် ၅.၁ လက်မ နှင့် ၅.၅ လက်မ အသီးသီး ရှိကြောင်း ၊ လက်ဗွေမှတ် ဆင်ဆာ စနစ် ပါရှိပြီး SuperCharger နည်းပညာကြောင့် အားပြန်သွင်းရာတွင် အလွန် လျင်မြန်ကြောင်း စသည် တို့ကို စမတ်ဖုန်း အသစ် မိတ်ဆက်ပွဲတွင် သိရှိခဲ့ရသည်။

HUAWEI စမတ်ဖုန်း အသစ် P 10 အား မြင်တွေ့ရစဉ်(ဆင်ဟွာ)

Huawei Technologies (Yangon) Co.,Ltd ၏ CEO ဖြစ်သူ Mr.Zhang LiMan အား မြင်တွေ့ရစဉ်(ဆင်ဟွာ)

HUAWEI စမတ်ဖုန်း အသစ် P 10 နှင့် P 10 Plus မိတ်ဆက်ခြင်း အခမ်းအနား မြင်ကွင်း(ဆင်ဟွာ)

Huawei Technologies (Yangon) Co.,Ltd ၏ CEO ဖြစ်သူ Mr.Zhang LiMan က HUAWEI P 10 နှင့် P 10 Plus စမတ်ဖုန်းအသစ် တို့သည် ဖက်ရှင်ကျလှပသလို လုပ်ဆောင်ချက်လည်းကောင်းမွန်ကြောင်း ၊ စမတ်ဖုန်းဖြင့် အလှဓာတ်ပုံ ရိုက်ကူးခြင်း ကဏ္ဍ ကို လုံးဝ ပြောင်းလဲစေနိုင်မည့် စမတ်ဖုန်းအသစ် ကို တီထွင် နိုင်ခဲ့ကြောင်း ပြောကြား ခဲ့သည်။

HUAWEI P 10 နှင့် P 10 Plus စမတ်ဖုန်းအသစ် များကို မေလ ၁၀ ရက်နေ့တွင် စတင်ရောင်းချသွားမည် ဖြစ်ပြီး ရောင်းချသည့်နေတွင်လည်း လက်ဆောင်ပစ္စည်းများကို ပေးအပ်သွားမည်ဖြစ်ကြောင်း ၊ HUAWEI P 10 ကို ဈေးနှုန်း အနေဖြင့် ၇၉၉,၀၀၀ ကျပ်အဖြစ် သတ်မှတ်ထားပြီး အရောင်အားဖြင့် Prestige Gold ၊ Graphite Black နှင့် Dazzling Blue တို့ကို ရွေးချယ် ဝယ်ယူနိုင်မည်ဖြစ်ကြောင်း ၊ HUAWEI P 10 Plus ကို ဈေးနှုန်းအားဖြင့် ၉၉၉,၀၀၀ ကျပ်ဖြင့် ရောင်းချသွားမည် ဖြစ်ပြီး Dazzling Gold အရောင်ကို စတင် ရောင်းချသွားမည် ဖြစ်ကြောင်း သိရှိခဲ့ရသည်။(Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.