မြန်မာ-ထိုင်းရိုးရာ လက်ဝှေ့စိန်ခေါ်ပွဲဇန်နဝါရီ ၅ ရက်နေ့တွင် ကျင်းပမည်

ရန်ကုန်၊ ဒီဇင်ဘာ ၂၆ ရက် (ဆင်ဟွာ)

ကျန်းမာရေးနှင့်အားကစားဝန်ကြီးဌာန မြန်မာနိုင်ငံရိုးရာလက်ဝှေ့အဖွဲ့ချုပ်က ကြီးမှူးပြီး Naing Moe Entertainment နှင့် Myanmar Media Management က စီစဉ်သော (၆၉) နှစ်မြောက် လွတ်လပ်ရေးနေ့အထိမ်းအမှတ် မြန်မာ-ထိုင်းရိုးရာ လက်ဝှေ့စိန်ခေါ်ပွဲ ကို ဇန်နဝါရီ ၅ ရက် မွန်းလွဲ ၁ နာရီတွင် တောင်ငူမြို့ မိုးလုံလေလုံ ခန်းမ၌ ကျင်းပမည်ဖြစ်ကြောင်း ပြန်ကြားရေးဝန်ကြီးဌာန မှ သတင်းထုတ်ပြန်သည်။

အဆိုပါ မြန်မာ-ထိုင်း ငါးချီစိန်ခေါ်ပွဲတွင် ရိုးရာလက်ဝှေ့ချန်ပီယံ ၂ဝ၁၆ ဖျံသွေး(ရွှေမိုးတိမ်ငြိမ်းချမ်းရေး) နှင့် ထိုင်းဖိုက်ချန်ပီယံ စင်းမန်းဦး(ထိုင်း) တို့ ယှဉ်ပြိုင်ထိုးသတ် မည်ဖြစ်သည်။ ဖျံသွေးသည် ဒီဇင်ဘာ ၁၁ ရက်က မွေထိုင်းချန်ပီယံနျူကလီးယားဟာဒီ (အီရန်)ကို သရေထိုးနိုင်ခဲ့သူဖြစ်သည်။ ထွန်းနိုင်ဦး (STLတောင်ငူ ) နှင့် ယော့သစ် (ဒ) ပက်ထနန်(ထိုင်း) တို့ ပဝါမကူရေမရှူစတမ်းယှဉ်ပြိုင်ကြမည်ဖြစ်သည်။

ပြည်တွင်း ငါးချီစိန်ခေါ်ပွဲတွင် နေရှုဘီ (STLတောင်ငူ ) နှင့် ချိုင်ထူး(နဂါးမာန်)၊ သိန်းညီညီ(တောင်ငူအဖြူရောင်သွေးသစ်) နှင့် သားကျော်ဖြောင့် T&T သထုံ၊ စောသားငယ်(တောင်ငူ) နှင့်ဟံသာဝတီသား (အဖြူရောင်သွေးသစ်) စောသားကြီး (တောင်ငူ) နှင့် ဝနအောင် (ရိုးရာပုဂံ)၊ ထယ်ကြီး (STL) နှင့် ဒိုးလေး (၁) ဇွဲမာန် (ရိုးရာပုဂံ) တို့အပါအဝင် ကြားပွဲလေးပွဲ စုစုပေါင်း ၁၁ ပွဲ ယှဉ်ပြိုင်ထိုး သတ်ကြမည်ဖြစ်ကာ ဝင်ကြေးငွေကျပ် ၁ဝ,ဝဝဝ၊ ၁၅,ဝဝဝ သတ်မှတ်ထားကြောင်း သိရသည်။ (Xinhua)