တောင်ဆူဒန်နိုင်ငံတွင်လူမျိုးစုပဋိပက္ခဖြစ်ပွားမှုကြောင့် လူပေါင်း တစ်ရာကျော် သေဆုံးဒဏ်ရာ ရမှုများ ဖြစ်ပွား

ဂျူဘာ၊ ဇန်နဝါရီ ၁၀ ရက်(ဆင်ဟွာ)

တောင်ဆူဒန်နိုင်ငံ အရှေ့ပိုင်းဒေသရှိ မွေးမြူရေးသမားများကို ယခုရက်ပိုင်းများတွင် Murle လူမျိုးစု လက်နက်ကိုင်များက ဝင်ရောက်တိုက်ခိုက်ရာ အနည်း လူ ၄၂ ဦး သေဆုံးပြီး ၇၈ ဦး ဒဏ်ရာရရှိခဲ့ ကြောင်း အစိုးရ အရာရှိတစ်ဦးက ဇန်နဝါရီ ၉ ရက်တွင်ပြောကြားခဲ့သည်။

Murle လူမျိုးစု လက်နက်ကိုင်များက ဇန်နဝါရီ ၆ ရက်တွင် တောင်ဆူဒန်နိုင်ငံ အရှေ့ပိုင်း Akobo နှင့် Nyirol ဒေသများသို့ ဝင်ရောက်တိုက်ခိုက်ခဲ့ရာ ပဋိပက္ခဖြစ်ပွားမှုသည် အရှိန်အဟုန်မြင့်တက်လာ ကြောင်း Akoboပြည်နယ် ပြည်နယ်မှူး Johnson Gony Bilu က ဆင်ဟွာကို ပြောကြားခဲ့သည်။ သေဆုံးဒဏ်ရာရသူ အများစုမှာ အမျိုးသမီးနှင့် ကလေးငယ်များဖြစ်ကြောင်း၊ လူသေဆုံးဒဏ်ရာရမှု များအပြင် နွား အကောင် ၁၀၀ ကျော်လည်း လုယက်ခံရကြောင်းသိရသည်။

တောင်ဆူဒန်နိုင်ငံသည် ၂၀၁၁ ခုနှစ်တွင် လွတ်လပ်ရေးရရှိခဲ့ကြောင်း ၊ နိုင်ငံအတွင်း လူမျိုးစုများ အကြား စားကျက်မြက်ခင်း ၊ရေအရင်းအမြစ်နှင့် မွေးမြူရေးတိရစ ္ဆာန်စသည့် ပိုင်ဆိုင်မှုများအတွက် အမြဲအငြင်းပွားလျက်ရှိရာ ယခုနှစ်ပိုင်းများတွင် သွေးထွက်သံယို ပဋိပက္ခ အကြိမ်ပေါင်းများစွာ ဖြစ်ပွားလျက်ရှိကြောင်း သိရသည်။ (Xinhua)