Africa & Middle East
ကွန်ဂိုဒီမိုကရက်တစ် သမ္မတနိုင်ငံ(DRC) ၏ သမ္မတရွေးကောက်ပွဲတွင် အတိုက်အခံကိုယ်စားလှယ်လောင်း ဖြစ်သူ Felix Tshisekedi က အနိုင်ရရှိ
ကင်ရှာဆာ၊ ဇန်နဝါရီ ၁၀ ရက် (ဆင်ဟွာ)
ကွန်ဂိုဒီမိုကရက်တစ် သမ္မတနိုင်ငံ(DRC) ၏ သမ္မတရွေးကောက်ပွဲတွင် အတိုက်အခံကိုယ်စားလှယ်လောင်း ဖြစ်သူ ရှိဆက်ကေဒီဖိလစ် (Felix Tshisekedi) က အနိုင်ရရှိသွားခဲ့ကြောင်း ဇန်နဝါရီလ ၁၀ ရက် နေ့ နံနက် တွင် ရွေးကောက်ပွဲကော်မရှင် ၏ကြားဖြတ်ထုတ်ပြန်ကြေညာချက်အရ သိရသည်။
လွတ်လပ်သောအမျိုးသားရွေးကောက်ပွဲကော်မရှင်(CENI) ၏ ထုတ်ပြန်ထုတ်ပြန်ကြေညာချက်အရ ဖိလစ်ရှိဆက်ကေဒီ သည် ထောက်ခံမဲပေါင်း ၇ သန်းကျော် သို့မဟုတ် စုစုပေါင်းမဲအရေအတွက် ၏ ၃၈ ရာခိုင်နှုန်း ရရှိခဲ့ကြောင်း သိရသည်။
DRC အနေဖြင့် ရွေးကောက်ပွဲကို ၂၀၁၈ ခုနှစ် ဒီဇင်ဘာလ ၃၀ ရက် နေ့ တွင်ကျင်းပခဲ့ခြင်းဖြစ်ပြီး ရလဒ်များ ကို ဇန်နဝါရီလ ၆ ရက်နေ့တွင် ကြေညာရန်လျာထားခဲ့သည်။ သို့သော် CENI အနေဖြင့် အချက်အလက်စုဆောင်းခြင်း နှင့် ပတ်သက်၍ အခက်အခဲရှိသည့်အတွက် ကြေညာခြင်းမပြုနိုင်ခဲ့ကြောင်း သိရသည်။ (Xinhua)