ပါကစ္စတန် သင်္ဘောကျင်းတစ်ခု တွင် ပေါက်ကွဲမှုကြောင့် ၁၄ဦးထက်မနည်းသေ၊ ၅၉ဦးဒဏ်ရာရရှိ

အစ္စလာမ်မာဘတ်၊ နိုဝင်ဘာ ၂ရက် (ဆင်ဟွာ)

ပါကစ္စတန်နိုင်ငံ အနောက်တောင်ဘက် Balochistan ပြည်နယ် ရှိ သင်္ဘောကျင်းတစ်ခု ၌ နိုဝင်ဘာ ၁ရက်က ပေါက်ကွဲမှုတစ်ခုဖြစ်ပွားခဲ့ရာ သင်္ဘောတစ်စီးအား ဖျက်စီးနေသည့် အလုပ်သမား ၁၄ဦးထက်မနည်း သေဆုံးခဲ့ပြီး ၅၉ဦး ဒဏ်ရာရရှိခဲ့ကြောင်း တာဝန်ရှိသူများကပြောကြားခဲ့သည်။

Balochistan ပြည်နယ် အစိုးရအဖွဲ့ အတွင်းရေးမှူး Akbar Harifal က Balochistan ပြည်နယ် Hub ခရိုင် ရှိ Gadani သင်္ဘောကျင်း၌ သင်္ဘောတစ်စီးအား ဖျက်စီးရေးလုပ်ငန်းစဉ်များ ဆောင်ရွက်နေစဉ် ဓါတ်ငွေ့အိုး ပေါက်ကွဲခဲ့ပြီး အဆိုပါ သင်္ဘော မီးလောင်မှုဖြစ်ပွားခဲ့ကြောင်း ပြောကြားခဲ့သည်။

ရဲတပ်ဖွဲ့က သင်္ဘောကျင်း၌ ဆင့်ကဲပေါက်ကွဲမှု ၈ခုဖြစ်ပွားခဲ့ပြီး ဒဏ်ရာရရှိသူများအား နီးစပ်ရာဆေးရုံသို့ ပို့ဆောင်ပေးထားပြီး ၎င်းတို့အနက် အချို့သည် ဒဏ်ရာအခြေအနေစိုးရိမ်ရကြောင်း ပြောကြားခဲ့သည်။

ပါကစ္စတန်ဝန်ကြီး နာဝက်ဇ် ရှာရစ်ဖ် က အဆိုပါ ဖြစ်ရပ်အတွက် ဝမ်းနည်းကြောင်း နှင့် ဒဏ်ရာရရှိသူများအား အကောင်းမွန်ဆုံး ဆေးကုသမှုများ ပြုလုပ်ပေးရန် ဆေးရုံတာဝန်ရှိသူများအား ညွှန်ကြားခဲ့သည်။

Gadani သင်္ဘောကျင်းသည် ကမ္ဘာပေါ်တွင် တတိယမြောက် အကြီးဆုံး သင်္ဘောဖျက်သည့် သင်္ဘောကျင်းတစ်ခုဖြစ်ပြီး Gadaniကမ်းခြေ ၁၀ကီလိုမီတာ တစ်လျှောက် တွင် သင်္ဘောဖျက်သည့် လုပ်ငန်းခွင် ၁၃၂ခုဖြင့် ဖွဲ့စည်းတည်ဆောက်ထားခြင်းဖြစ်ကြောင်း သိရသည်။ (Xinhua)