ဘာလင်ဈေးတိုက်ခိုက်မှု နှင့်ဆက်စပ်နေသူ သုံးဦးအား တူနီးရှားတွင် ဖမ်းဆီး

တူးနစ်၊ ဒီဇင်ဘာ ၂၅ရက် (ဆင်ဟွာ)

တူနီးရှား လုံခြုံရေးတပ်ဖွဲ့ဝင်များသည် ဘာလင် ခရစ်စမတ်ဈေးပွဲတော် အား တိုက်ခိုက်သူ Anis Amri ၏ တူဖြစ်သူ နှင့် အခြား သံသယရှိသူ ဂျီဟတ်ဝါဒီ ၂ဦးအားဖမ်းဆီးခဲ့ကြောင်း ပြည်ထဲရေးဝန်ကြီးဋ္ဌာနက ဒီဇင်ဘာ ၂၅ရက် ထုတ်ပြန်ချက်တွင်ဖော်ပြခဲ့သည်။

အဆိုပါထုတ်ပြန်ချက်၌ Anis Amriသည် ၎င်း၏တူဖြစ်သူအား IS စစ်သွေးကြွအုပ်စုထံ သစ္စာခံရန် လုပ်ဆောင်ခဲ့ကြောင်း ပါရှိသည်။

Amri ၏တူဖြစ်သူက ၎င်းသည် Amri နှင့် ကြေးနန်းဖြင့် ဆက်သွယ်မှုရှိကြောင်း ပြောကြားခဲ့သည်။

တူနီးရှားနိုင်ငံ ပြည်သူ့ရှေ့နေ က အဆိုပါသုံးဦးအား အကြမ်းဖက်လုပ်ငန်းများတွင် ပါဝင်ပတ်သက်သည့် သံသယရှိမှုဖြင့် တရားရုံးသို့ပို့ဆောင်ရန် ညွှန်ကြားခဲ့ကြောင်း သိရသည်။

ဒီဇင်ဘာ ၁၉ရက် တွင် ဖြစ်ပွားခဲ့သည့် ဘာလင်မြို့ တိုက်ခိုက်မှုကြောင့် လူ၁၂ဦးသေဆုံးခဲ့ပြီး ၄၈ဦးဒဏ်ရာရရှိခဲ့ကြောင်း သိရသည်။

ဘာလင်ဈေး တိုက်ခိုက်သူ Amri အား မီလန်မြို့တွင် ရဲတပ်ဖွဲ့က လှည့်ကင်းဆောင်ရွက်နေစဉ်အတွင်း အသေပစ်ခတ်ဖမ်းဆီးခဲ့ကြောင်း အီတလီအစိုးရက ဒီဇင်ဘာ ၂၃ရက် တွင်ပြောကြားခဲ့သည်။ (Xinhua)