စကိုးပီးယား၊ သြဂုတ် ၂၁ ရက် (ဆင်ဟွာ) မက်ဆီဒိုးနီးယားနိုင်ငံ ဗီးလ်လက်စ်မြို့အနီးရှိ အဝေးပြေးလမ်းပေါ်တွင် ပြည်ပခရီးသွားဧည့်သည်များ တင်ဆောင်လာသည့် ဘတ်စ်ကား တစ်စီး သြဂုတ်လ ၂၀ ရက် ညပိုင်းက တိမ်းမှောက်သွားရာ အမျိုးသမီး တစ်ဦး သေဆုံးခဲ့ပြီး အခြားခရီးသည် ၂၈ ဦး ဒဏ်ရာရရှိခဲ့ကြောင်း သိရသည်။
ဖရီးတောင်း၊ သြဂုတ် ၂၁ ရက် (ဆင်ဟွာ) ဆီယာရာလီယွန်နိုင်ငံတွင် သြဂုတ်လ ၁၄ ရက်က ရွှံ့မြေပြိုကျမှုနှင့် ရေလွှမ်းမိုးမှု ဖြစ်ပွားပြီးနောက် ရုပ်အလောင်း ၄၉၉ ဦး ရှာဖွေတွေ့ရှိခဲ့ပြီ ဖြစ်ကြောင်း ဒေသခံ မီဒီယာ သြဂုတ်လ ၂၀ ရက်တွင် သတင်းတင်ပြထားသည်။
ပေကျင်း၊ သြဂုတ် ၂၁ ရက် (ဆင်ဟွာ) ကွန်ဂိုနိုင်ငံတွင် မြေပြိုကျမှု ဖြစ်ပွားခဲ့ပြီး အနည်းဆုံး လူ ၂၀၀ ဦး သေဆုံးခဲ့ခြင်းအတွက် ကွန်ဂို သမ္မတထံ တရုတ် သမ္မတ ရှီကျင့်ဖိန်က ဝမ်းနည်းကြောင်း သတင်းစကား ပြောကြားလိုက်သည်။
စင်ကာပူ ၊ သြဂုတ် ၂၁ ရက်(ဆင်ဟွာ) အမေရိကန်ရေတပ်မှ ဖျက်သင်္ဘောတစ်စင်း နှင့် ကုန်ပစ္စည်းတင် သင်္ဘောတစ်စင်းတို့သည် မာလက္ကာ ရေလက်ကြား၌ ခေါင်းချင်းဆိုင် တိုက်မှုဖြစ်ပွားခဲ့ပြီး ၊ ယင်းဖြစ်စဉ်ကြောင့် သင်္ဘောသား ၁ဝ ဦးပျောက်ဆုံးကာ ၅ ဦးထိခိုက်ဒဏ်ရာရခဲ့ကြောင်း အမေရိကန်ရေတပ်က ယနေ့( သြဂုတ်လ ၂၁ ရက်)...
ရီယတ်၊ သြဂုတ် ၂၀ ရက် (ဆင်ဟွာ) ဆော်ဒီအာရေဗျနိုင်ငံက ဆိပ်ကမ်းမြို့ ဝင်ပေါက်များရှိ ကျန်းမာရေး ထိန်းချုပ်မှု စင်တာများမှတစ်ဆင့် ဘုရားဖူးလာရောက်သူ ၁.၁ သန်းကျော်အား သြဂုတ်လ ၂၀ ရက်က ကာကွယ်ဆေးထိုးပေးနိုင်ခဲ့သည်ဟု ကြေညာလိုက်ကြောင်း ဆော်ဒီ ပရက်စ် အေဂျင်စီက သတင်းဖော်ပြထားသည်။
တီဟီရန်၊ သြဂုတ် ၂၀ ရက် (ဆင်ဟွာ) အီရန်နိုင်ငံ သမ္မတ ဟာဆန် ရိုဟာနီက အမည်စာရင်း တင်သွင်းထားသော အစိုးရအဖွဲ့ဝင် အများစုအား လွှတ်တော်က သြဂုတ်လ ၂၀ ရက်တွင် အတည်ပြုလိုက်ကြောင်း သိရသည်။
ဘဂ္ဂဒတ်၊ သြဂုတ် ၂၀ ရက် (ဆင်ဟွာ) အီရတ်နိုင်ငံ မိုလ်ဆူးမြို့ အနောက်ဘက် ၆၀ ကီလိုမီတာအကွာရှိ တဲလ်အဖာမြို့မှ အိုင်အက်စ် စစ်သွေးကြွများအား နှင်ထုတ်မည့် စစ်ဆင်ရေးအား သြဂုတ်လ ၂၀ ရက်တွင် စတင်လိုက်ပြီဖြစ်ကြောင်း ဝန်ကြီးချုပ် ဟေဒါ အယ်လ်-အာဘတ်ဒီက ကြေညာလိုက်သည်။
ဆိုးလ် ၊ သြဂုတ် ၂ဝ ရက်(ဆင်ဟွာ) တောင်ကိုရီးယားနိုင်ငံ တောင်ပိုင်း Gyeongsang ပြည်နယ် Changwon မြို့ရှိ STX သင်္ဘောတည်ဆောက်ရေး သင်္ဘောကျင်း၌ ယနေ့(သြဂုတ်လ ၂ဝ ရက်)တွင် ရေနံတင်သင်္ဘောတစ်စင်း မီးလောင် ပေါက်ကွဲမှုဖြစ်ပွားခဲ့ကြောင်း ယုန်ဟတ် (Yonhap) သတင်းဌာနက သတင်းဖော်ပြခဲ့သည်။
ပရီတိုးရီးယား ၊ သြဂုတ် ၂ဝ ရက် (ဆင်ဟွာ) တောင်အာဖရိကနိုင်ငံ အဆင့်မြင့်ပညာရေးနှင့်လေ့ကျင့်ရေးဝန်ကြီးဌာနမှ ဒုတိယဝန်ကြီး Mduduzi Manana သည် ပြီးခဲ့သော ရက်သတ္တပတ်က ဂျိုဟန်နစ္စဘတ်မြို့ရှိ နိုက်ကလပ်တစ်ခု၌ အမျိုးသမီးတစ်ဦးအား ရိုက်နှက်ခဲ့သည်ဟု စွပ်စွဲခံရပြီးနောက် သြဂုတ်လ ၁၉ ရက်တွင် ရာထူးမှ နုတ်ထွက်လိုက်ရသည်။
အူထရာပရာဒတ် ၊ သြဂုတ် ၂ဝ ရက် (ဆင်ဟွာ) အိန္ဒိယနိုင်ငံ မြောက်ပိုင်း အူထရာပရာဒတ်(Uttar Pradesh)ပြည်နယ် Muzaffarnagar မြို့၌ သြဂုတ်လ ၁၉ ရက်တွင် ခရီးသည်တင် ရထားတစ်စင်း မတော်တဆလမ်းချော်တိမ်းမှောက်မှုဖြစ်ပွားရာ အနည်းဆုံး လူပေါင်း ၂၃ ဦးသေဆုံးပြီး အခြား ၅ဝ ကျော်ထိခိုက်ဒဏ်ရာရခဲ့ကြောင်း သိရသည်။