စူးကျိုး ၊ တရုတ်နိုင်ငံ ၊ ဇွန် ၃ ရက်(ဆင်ဟွာ) တရုတ်နိုင်ငံမှ အာရပ်စော်ဘွားများ ပြည်ထောင်စု(UAE)သို့ နိုင်ငံရွှေ့ပြောင်းရွှေ့ကျင်းပမည့် FIFA ကမ္ဘာ့ဖလား ခြေစစ်ပွဲသုံးပွဲကို အနိုင်ရရှိရန် ရည်မှန်းထားကြောင်း တရုတ်လက်ရွေးစင်အသင်း နောက်ခံကစားသမား Wang Shenchao က ဇွန် ၂ ရက်တွင် ပြောကြားခဲ့သည်။
စတော့ဟုမ်း ၊ ဇွန် ၃ ရက် (ဆင်ဟွာ) အမေရိကန်နိုင်ငံ၏ လွန်စွာ ဆိုးရွားသောလုပ်ရပ်ဖြစ်သည့် ဒိန်းမတ်နိုင်ငံမှ တစ်ဆင့် ဥရောပတိုက် မဟာမိတ်နိုင်ငံများအပေါ် စောင့်ကြည့်နားထောင်မှုများနှင့် ပတ်သက်၍ မဖြစ်မနေ စုံစမ်းစစ်ဆေးသွားရမည်ဖြစ်ကြောင်း ဆွီဒင်နိုင်ငံဝန်ကြီးချုပ် Stefan Löfven က ဇွန် ၁ ရက်၌ ပြောကြားခဲ့သည်။
ဘန်ကောက်၊ ဇွန် ၃ ရက် (ဆင်ဟွာ) ထိုင်းနိုင်ငံသည် နိုင်ငံအတွင်းလက်ရှိ ဖြစ်ပွားလျက်ရှိသော အဆိုးဝါးဆုံးရောဂါကူးစက်မှုအား ထိန်းချုပ်နိုင်ရန်အတွက် လူအများအပြား အစုပြုံလိုက်ကာကွယ်ဆေးထိုးခြင်း အစီအစဉ်ကို လာမည့်သတင်းပတ်တွင် စတင်နိုင်ရန် ရည်ရွယ်ထားရှိပြီး ပြင်ဆင်သည့်အနေဖြင့် COVID-19 ကာကွယ်ဆေးဖြန့်ချိခြင်းအား အရှိန်မြှင့်ဆောင်ရွက်လျက်ရှိကြောင်း သိရသည်။
တိုကျို၊ဇွန် ၃ ရက်(ဆင်ဟွာ) ဂျပန်နိုင်ငံအစိုးရသည် ၎င်း၏ အဓိကတိုက်လေယာဉ်အုပ်စုကို ကျယ်ကျယ်ပြန့်ပြန့်တိုးချဲ့သွားရန် အစီအစဉ် တစ်စိတ်တစ်ပိုင်းအဖြစ် ဂျပန်ပင်လယ်ပြင်ကမ်းရိုးတန်းတွင် တည်ရှိရာ Ishikawa စီရင်စုရှိ ကိုမတ်ဆုလေတပ်အခြေစိုက်စခန်းသို့ F-35 ခေတ်မီကိုယ်ပျောက်ဂျက်တိုက်လေယာဉ်များ ပို့ဆောင်တပ်ချထားရန် စီစဉ်လျက်ရှိကြောင်း အစိုးရသတင်းအရင်းအမြစ်၏ ဇွန် ၂ ရက်က ပြောကြားချက်ကို ကိုးကား၍ ပြည်တွင်း သတင်းမီယာကဖော်ပြခဲ့သည်။
ရှီးချန်း၊ ဇွန် ၃ ရက်(ဆင်ဟွာ) တရုတ်နိုင်ငံ ရှီးချန်းဂြိုဟ်တုလွှတ်တင်ရေးစင်တာက မိုးလေဝသဂြိုဟ်တု Fengyun-4B (FY-4B)ကို Long March-3B ပို့ဆောင်ရေး ဒုံးပျံဖြင့် ဇွန် ၃ ရက် ၀၀ နာရီ ၁၇ မိနစ်တွင် လွှတ်တင်ခဲ့ရာ သတ်မှတ်ဂြိုဟ်ပတ်လမ်းကြောင်းသို့ အောင်မြင်စွာ ရောက်ရှိခဲ့ကြောင်း သိရသည်။
