ရန်ကုန်၊ မတ် ၂၀ ရက် (ဆင်ဟွာ)

မြန်မာနိုင်ငံ ကုန်သည်များ နှင့် စက်မှုလက်မှုလုပ်ငန်းရှင်းများ အသင်းချုပ်(UMFCCI) အနေဖြင့် Coronavirus Disease (COVID-19) ကပ်ရောဂါနှင့်ဆက်စပ်၍ စီးပွားရေးကဏ္ဍအပေါ် အကျိုးသက်ရောက်လျက်ရှိသော သတင်းအချက်အလက်အမှန်များကို အချိန်နှင့်တပြေးညီ ပြန်ကြားပေးနိုင်ရန်အတွက် Information Center တစ်ခု ဖွင့်လှစ်ဆောင်ရွက်သွားရန်ရှိကြောင်း UMFCCI မှ  ဒုတိယဥက္ကဋ္ဌ ဒေါက်တာမောင်မောင်လေးက မတ် ၂၀ ရက်တွင် ဆင်ဟွာကိုပြောသည်။

ဝူဟန့်၊ ကွမ်ကျိုး၊ မတ် ၂၀ ရက် (ဆင်ဟွာ)

တရုတ်နိုင်ငံ အလယ်ပိုင်း ဟူပေပြည်နယ်တွင် နိုဗယ် ကိုရိုနာဗိုင်းရပ်စ်ရောဂါ (COVID-19) ဖြစ်ပွားချိန်တွင် ယင်းပြည်နယ်သို့ နွေဦးပွဲတော်အတွင်း ရောက်ရှိနေသည့် ရွှေ့ပြောင်းအလုပ်သမားများအပါအဝင် စုစုပေါင်း ၁,၆၃၁ ဦးအား ၎င်းတို့၏ လုပ်ငန်းခွင်များရှိရာ နိုင်ငံတောင်ပိုင်း ကုန်ထုတ်လုပ်မှု ဗဟိုအချက်အချာ ကွမ်တုန်းပြည်နယ်သို့ စင်းလုံးငှားအမြန်ရထားဖြင့် မတ် ၁၉ ရက်က အခမဲ့ပြန်လည်ပို့ဆောင်ပေးခဲ့ကြောင်း သိရသည်။ 

ရန်ကုန်၊ မတ် ၂၀ ရက် (ဆင်ဟွာ) 

မြန်မာတစ်နိုင်ငံလုံးရှိ တက္ကသိုလ်၊ ဒီဂရီကောလိပ်နှင့် ကောလိပ်များ၏ ၂၀၁၉ - ၂၀၂၀ ပညာသင်နှစ် ပထမနှစ်ဝက် စာမေးပွဲများတွင် ဖြေဆိုရန် စုစုပေါင်း စာရင်းရှိ ၃၅၀,၈၈၀ ဦးအနက် ၃၃၉,၃၆၀ ဦး ဖြေဆိုကြပြီး ပျက်ကွက်သူ ၁၁,၅၂၀ ဦးရှိကြောင်း ပြန်ကြားရေးဝန်ကြီးဌာန၏ မတ်လ ၁၉ ရက်နေ့ဖော်ပြချက်အရသိရသည်။

ရန်ကုန် ၊ မတ် ၂၀ ရက်(ဆင်ဟွာ)

COVID-19 ရောဂါ ကူးစက်ပြန့်ပွားမှုကို ကြိုတင်ကာကွယ်သည့် အနေဖြင့် ပြည်ပသို့အလုပ်အကိုင် စေလွှတ်မှုများ ယာယီ ရပ်နားထားကြောင်း အလုပ်သမား၊ လူဝင်မှုကြီးကြပ်ရေး နှင့် ပြည်သူ့အင်အား ဝန်ကြီးဌာနမှ အမြဲတမ်း အတွင်းဝန် ဦးမျိုးအောင်က ယနေ့တွင် ပြောကြားခဲ့သည်။

တိုကျို၊ မတ် ၂၀ ရက် (ဆင်ဟွာ)

နိုဗယ် ကိုရိုနာဗိုင်းရပ်စ်ရောဂါအတွက် စိုးရိမ်ပူပန်မှုများကြားမှ တိုကျိုအားကစားပွဲများ ဖွင့်ပွဲပြုလုပ်ရန် စီစဉ်ထားသည့်အချိန်မတိုင်မီ လေးလအလို မတ် ၂၀ ရက်တွင် ဂျပန်နိုင်ငံသို့ အိုလံပစ်မီးရှူးတိုင် ရောက်ရှိလာခဲ့ကြောင်း သိရသည်။

ဗျူနိုအေးရိစ် ၊ မတ် ၂၀ ရက် (ဆင်ဟွာ)

အာဂျင်တီးနား နိုင်ငံ သမ္မတ Alberto Fernandez က နိုင်ငံ အတွင်း ရှိ ပြည်သူလူထု များ အနေဖြင့် မတ်လ ၂၀ ရက် မှ ၃၁ ရက် အထိ မဖြစ်မနေ ကြိုတင်ကာကွယ်ရေး သီးသန့်ခွဲခြားနေထိုင်မှု ဆောင်ရွက်ချက် အား လိုက်နာသွားရမည် ဖြစ်ပြီး အခြေခံလူသုံးကုန် နှင့် ဆေးဝါး များ ဝယ်ယူခြင်း မှ အပ နေအိမ် ပြင်ပ သို့ စိတ်ရှိရာ အတိုင်း ထွက်ခွာခွင့်မပြုကြောင်း မတ်လ ၁၉ ရက် ၌ ထုတ်ပြန် ကြေညာ ခဲ့သည်။

ကိုလံဘို ၊ မတ် ၂၀ ရက်(ဆင်ဟွာ)

သီရိလင်္ကာနိုင်ငံ၌ COVID-19 ရောဂါ ပြန့်ပွားမှုကို ထိန်းချုပ်ရန် အစိုးရက နိုင်ငံတစ်ဝန်း မတ် ၂၀ ရက် ဒေသစံတော်ချိန် ညနေ ၆ နာရီ အချိန်မှ စတင်၍ မတ် ၂၃ ရက် နံနက် ၆ နာရီအချိန်တွင် ပြီးဆုံးမည့် သတ်မှတ်ချိန် အတွင်း အပြင်မထွက်ရ အမိန့်အား ကြေညာခဲ့ကြောင်း သိရသည်။

ပေကျင်း၊ မတ် ၂၀ ရက် (ဆင်ဟွာ)

တရုတ်နိုင်ငံ စစ်တပ်က နိုဗယ် ကိုရိုနာဗိုင်းရပ်စ်ရောဂါ (COVID-19) တိုက်ဖျက်ရေးအတွက် nucleic acid ရောဂါစမ်းသပ်ကိရိယာများ၊ ရောဂါကာကွယ်ရေးဝတ်စုံနှင့် တစ်ခါသုံး နှာခေါင်းစည်းများ အပါအဝင် ဆေးဘက်ဆိုင်ရာပစ္စည်းများအား အီရန်နိုင်ငံ စစ်တပ်သို့ပေးပို့ခဲ့ကြောင်း တရုတ်နိုင်ငံ အမျိုးသား ကာကွယ်ရေးဝန်ကြီးဌာနက မတ် ၁၉ ရက်တွင် ပြောကြားခဲ့သည်။

ရန်ကုန် ၊ မတ် ၂၀ ရက်(ဆင်ဟွာ) 

မြန်မာနိုင်ငံရှိ ဗြိတိန်နိုင်ငံသားများအားလုံး ဖြစ်နိုင်မည်ဆိုလျှင် မြန်မာနိုင်ငံ အတွင်းမှ ထွက်ခွာရန် ဗြိတိန်နိုင်ငံမှ အကြံပြုချက်အား မြန်မာနိုင်ငံရှိ ဗြိတိန်သံရုံးမှ ကြေညာခဲ့ပြီး ဗြိတိန်သံရုံးရှိ တစ်ချို့သော ဝန်ထမ်းများနှင့် မှီခိုသူများအား ပြန်လည်ခေါ်ဆောင်ခဲ့ပြီး ဖြစ်ကြောင်း သိရသည်။

ရန်ကုန်၊ မတ် ၂၀ ရက် (ဆင်ဟွာ)

လတ်တလော အသက်ရှုလမ်းကြောင်းဆိုင်ရာရောဂါ Coronavirus Disease 2019 (COVID-19) ကြိုတင်ကာကွယ်နိုင်ရေးအတွက် ပင်စင်လစာငွေများကို သတ်ဆိုင်ရာဘဏ်များတွင် လစဉ် ၂၁ ရက် တစ်ရက်တည်းတွင် စုပြုံထုတ်ယူခြင်းအစား လစဉ်၂၁ရက်နောက်ပိုင်း ဘဏ်ဖွင့်ရက်များတွင်လည်း ထုတ်ယူနိုင်မည်ဖြစ်ကြောင်း မြန်မာ့စီးပွားရေးဘဏ်က ထုတ်ပြန်သော သတင်းအရ သိရသည်။