တရုတ်နိုင်ငံခြားရေးဝန်ကြီး ချင်ကန်းနှင့် ကုလသမဂ္ဂအထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် နိုလင်းဟေဇာ တွေ့ဆုံဆွေးနွေး

ပေကျင်း၊ မေ ၂ ရက် (ဆင်ဟွာ)

တရုတ်နိုင်ငံ နိုင်ငံတော်ကောင်စီဝင်၊ နိုင်ငံခြားရေးဝန်ကြီး ချင်ကန်းသည် ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် နိုလင်းဟေဇာ နှင့် ပေကျင်းမြို့တွင် မေ ၁ ရက်က တွေ့ဆုံဆွေးနွေးခဲ့သည်။

တရုတ်နိုင်ငံ နိုင်ငံတော်ကောင်စီဝင်၊ နိုင်ငံခြားရေးဝန်ကြီး ချင်ကန်းနှင့် ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် နိုလင်းဟေဇာ တို့ ပေကျင်းမြို့တွင် ဧပြီ ၁ ရက်က တွေ့ဆုံဆွေးနွေးစဉ်(ဆင်ဟွာ)

ထိုသို့ တွေ့ဆုံဆွေးနွေးရာတွင် တရုတ်နိုင်ငံခြားရေးဝန်ကြီး ချင်ကန်းက မြန်မာနိုင်ငံသည် တရုတ်နိုင်ငံနှင့် တောတောင်ရေမြေချင်းဆက်စပ်နေသော အိမ်နီးချင်းနိုင်ငံဖြစ်ရာ မြန်မာနိုင်ငံ တည်ငြိမ်စွာ ဖွံ့ဖြိုးတိုးတက်ရေးကို တရုတ်နိုင်ငံက မည်သည့်နိုင်ငံထက်မဆို ပို၍ မျှော်လင့်ကြောင်း ပြောကြားခဲ့သည်။ ပြည်တွင်းပြည်ပအကြောင်းတရားများ ရောယှက်နေသဖြင့် မြန်မာ့အရေးသည်ရှုပ်ထွေးလျက်ရှိရာ “အမြန်ပျောက်ကင်းအောင် ဖြေရှင်းနိုင်သည့်ဆေး”မရှိကြောင်း၊ နိုင်ငံတကာအသိုက်အဝန်းအနေဖြင့် မြန်မာနိုင်ငံ၏အချုပ်အခြာအာဏာကို လေးစားပြီး မြန်မာနိုင်ငံပြည်တွင်း သက်ဆိုင်ရာအသီးသီးကို ဖွဲ့စည်းပုံ အခြေခံဥပဒေနှင့် ဥပဒေမူဘောင်အောက်တွင် နိုင်ငံရေးတွေ့ဆုံဆွေးနွေးမှုဖြင့် ကွဲလွဲမှုများကို စေ့စပ်ညှိနှိုင်းရန်၊ နိုင်ငံရေးအသွင်ပြောင်းမှုဖြစ်စဉ်ကို ပြန်လည်စတင်ရန် ထောက်ခံအားပေးရမည် ဖြစ်ကြောင်း ၊ အာဆီယံ၏ ကြားဝင်စေ့စပ်ညှိနှိုင်းပေးသော ကြိုးပမ်းမှုကို လေးစားကာ အာဆီယံ “သဘောတူညီချက် ၅ ရပ်”ကို ဖော်ဆောင်ရန် တွန်းအားပေး ဆောင်ရွက်ရမည် ဖြစ်ကြောင်း၊ ပဋိပက္ခများ ပြင်းထန်လာခြင်းနှင့်အန္တရာယ်များ ကျယ်ပြန့်လာခြင်းကို တားဆီးရန် သတိကြီးစွာ အကောင်အထည်ဖော်ဆောင်ရွက်ရမည် ဖြစ်ကြောင်း ပြောကြားခဲ့သည်။ မြန်မာနိုင်ငံဆိုင်ရာ ကုလသမဂ္ဂအထူးသံတမန်အနေဖြင့် ဓမ္မဓိဋ္ဌာန်ကျကျ တရားမျှတမှုကို လက်ကိုင်ထား၍ ပေါင်းကူးတံတားအနေဖြင့် ဆောင်ရွက်သွားစေလိုပါကြောင်း ၊ တရုတ်နိုင်ငံအနေဖြင့် ကုလသမဂ္ဂအထူးသံတမန်၏ ကြားဝင်စေ့စပ်ညှိနှိုင်းရေး ကြိုးပမ်းမှုများကို ကူညီထောက်ခံအားပေးသွားမည် ဖြစ်ကြောင်း ချင်ကန်းက ပြောကြားခဲ့သည်။

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် နိုလင်းဟေဇာ က မြန်မာ့အရေးကို ဖြေရှင်းရန် မြန်မာနိုင်ငံကသာ အဓိကထားဆောင်ရွက်သင့်ပြီး မြန်မာပြည်သူများ၏သဘောဆန္ဒကို လေးစားမှု ရှိရမည် ဖြစ်ကြောင်း ပြောကြားခဲ့သည်။

တွေ့ဆုံဆွေးနွေးမှုသည် ဖြစ်ပွားပြီးခဲ့သောအတိတ်ကို ပြန်လည် ပြုပြင်နိုင်မည် မဟုတ်သော်လည်း အနာဂတ်ကိုမူ ပြောင်းလဲနိုင်ကြောင်း၊ ကုလသမဂ္ဂအနေနှင့် တွေ့ဆုံဆွေးနွေးမှုမှတစ်ဆင့် မြန်မာ့ငြိမ်းချမ်းရေးနှင့်လုံခြုံရေးကို အကောင်အထည်ဖော်ရန်၊ ဒေသတွင်း အတူဖွံ့ဖြိုးတိုးတက်စည်ပင်ဝပြောရေးကို မြှင့်တင်ရန်၊ တစ်ချိန်တည်းမှာပင် လူ့အခွင့်အရေးကို လေးစားကာကွယ်ထိန်းသိမ်းရန် ထောက်ခံသလို ယင်းကဏ္ဍတွင် အာဆီယံ၏ အပြုသဘောတက်ကြွစွာ ပါဝင်မှုကို ထောက်ခံကြောင်း နိုလင်းဟေဇာ က ပြောကြားခဲ့သည်။

ကုလသမဂ္ဂအနေဖြင့် မြန်မာ့အရေး ဖြေရှင်းမှု တွန်းအားပေးရေးတွင် တရုတ်နိုင်ငံ၏ အရေးကြီးသော အခန်းကဏ္ဍမှ ပါဝင်မှုကို တန်ဖိုးထားပါကြောင်း၊ မြန်မာနိုင်ငံ ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်ရေးတွင် တရုတ်နိုင်ငံက ဆက်လက်၍ အပြုသဘော အကျိုးဆောင်သွားစေလိုကြောင်း ၎င်းက ပြောကြားခဲ့သည်။ (Xinhua)

……………………………..
(Chinese Version)
秦刚会见联合国秘书长缅甸问题特使海泽
新华社北京5月1日电5月1日，国务委员兼外长秦刚在北京会见联合国秘书长缅甸问题特使海泽。
秦刚表示，缅甸是中国山水相连的近邻，中方比任何国家都希望缅甸实现稳定发展。缅甸问题背景复杂，内外因素错乱交织，没有“速效药”。国际社会要尊重缅甸主权，支持缅国内各方各派在宪法和法律框架下，通过政治对话弥合分歧，重启政治转型进程。要尊重东盟斡旋努力，推动落实东盟“五点共识”。要审慎、务实行事，防止激化矛盾，导致危机外溢。希望特使女士秉持客观公正，发挥桥梁作用。中方愿继续为特使女士斡旋努力提供支持和帮助。
海泽表示，解决缅甸问题应当由缅甸主导，尊重缅甸人民意愿。对话不能改变过去，但能改变未来。联合国主张通过对话实现缅和平与安全，促进地区共同发展繁荣，同时尊重和维护人权，支持东盟在其中发挥积极作用。联合国赞赏中方为推动解决缅甸问题发挥的重要作用，希中方继续为缅和平、稳定与发展作出积极贡献。（完）
1. 5月1日，国务委员兼外长秦刚在北京会见联合国秘书长缅甸问题特使海泽。新华社记者 庞兴雷 摄