Connect with us

Videos

ဗင်နီဇွဲလားနိုင်ငံ၌ ပြင်းအား ၇.၃ အဆင့်ရှိ ငလျင်လှုပ်

ကာရာကပ်စ် ၊ သြဂုတ် ၂၂ ရက် (ဆင်ဟွာ)

ဗင်နီဇွဲလားနိုင်ငံ အရှေ့မြောက်ကမ်းရိုးတမ်း၌ သြဂုတ် ၂၁ ရက် မွန်းလွဲပိုင်းတွင် ပြင်းအား ၇.၃ အဆင့်ရှိ အင်အားပြင်းငလျင်တစ်ခုလှုပ်ခတ်ခဲ့ကြောင်း နှင့် ထိခိုက်သေဆုံးမှု ရှိမရှိကို သတင်းထုတ်ပြန်ထားခြင်း မရှိသေးကြောင်း သိရသည်။

ဗင်နီဇွဲလား ငလျင်သုတေသနဖောင်ဒေးရှင်း(Funvisis) က ဒေသစံတော်ချိန် ညနေ ၅ နာရီ ၃၁ မိနစ် ( ဂရင်းနစ်စံတော်ချိန် ၂၁၃ဝ နာရီ) တွင် Sucre ပြည်နယ် Yaguaraparo မြို့၏ အရှေ့တောင်ဘက် ၁၉ ကီလိုမီတာ၌ ဗဟိုပြု၍ ငလျင်လှုပ်ခတ်ခဲ့ကြောင်း ဆိုသည်။

ငလျင်ဒဏ်ကို အနီးအနားဒေသများဖြစ်သော Nueva Esparta ၊ Monagas ၊ Bolivar ၊ Delta ၊ Amacuro ၊ Aragua နှင့် Carabobo စသည့် ပြည်နယ်များ သိရှိခံစားခဲ့ရပြီး ဗင်နီဇွဲလားနိုင်ငံမြို့တော်ကာရာကပ်စ်(Caracas) လည်း ခံစားခဲ့ရကြောင်း ပြည်ထဲရေးဝန်ကြီးဌာနဝန်ကြီး Nestor Reverol က ဆိုသည်။

မြို့တော်ရှိ အဆောက်အအုံများတွင် နေထိုင်ကြသူများကို ဘေးလွှတ်ရာသို့ပြောင်းရွှေ့ကြရန် တိုက်တွန်းထားကြောင်း သိရသည်။

အဆိုပါ အင်အားပြင်းငလျင်ကြောင့် နံရံများ ၊ လမ်းများ ပျက်စီးခဲ့ရပြီး အိမ်နီးချင်း ထရီနီဒတ် နှင့် တိုဘာဂိုးနိုင်ငံ အပြင် အတန်ပင်ဝေးကွားသည့် ကိုလံဘီယာနိုင်ငံ မြို့တော်ဘိုဂိုတာ (Bogota) မှပင် ငလျင်ဒဏ်ကို သိရှိခံစားခဲ့ရပြီး Bogota နိုင်ငံတကာလေဆိပ်ကိုလည်း ယာယီပိတ်ထားရကြောင်း သိရသည်။

ဗင်နီဇွဲလားနိုင်ငံ ဗဟိုအစိုးရအနေဖြင့် ပြည်နယ်အုပ်ချုပ်ရေးမှူးများနှင့် အနီးကပ်ဆက်သွယ်၍ လိုအပ်သော လမ်းညွှန်မှုများကို ကြိုးပမ်းဆောင်ရွက်နေကြောင်း ဝန်ကြီးက ဆိုသည်။

အမေရိကန်ဘူမိဗေဒတိုင်းတာရေး၏ ထုတ်ပြန်ချက်အရ ငလျင်မှာ ပြင်းအားရစ်တာစကေး ၇.၃ ရှိကြောင်း ၊ မြေပြင်အောက် အနက် ၁၂၃ ကီလိုမီတာ၌ ဗဟိုပြုကြောင်း သိရသည်။ ယခုငလျင်မှာ ၁၉ဝဝ ပြည့်နှစ်နောက်ပိုင်း ဗင်နီဇွဲလားနိုင်ငံ၌ လှုပ်ခတ်ခဲ့သည့် အင်အားအပြင်းထန်ဆုံး ငလျင်ဖြစ်ကြောင်းလည်း သိရသည်။(Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.