Environment, Disasters & Accidents
တရုတ်နိုင်ငံ၌ အဏ္ဏဝါသဘာဝထိန်းသိမ်းရေးနေရာ၂၇၁ ခုရှိကြောင်း သိရ
ပေကျင်း ၊ ဇွန် ၈ ရက်(ဆင်ဟွာ)
တရုတ်နိုင်ငံ၌ ၂ဝ၁၈ ခုနှစ် နှစ်ကုန်ပိုင်းအထိ နိုင်ငံအတွင်း အဏ္ဏဝါသဘာဝထိန်းသိမ်းရေးနေရာပေါင်း ၂၇၁ ခု ရှိကြောင်း အမျိုးသားသစ်တော နှင့် မြက်ခင်းလွင်ပြင် စီမံခန့်ခွဲရေးဌာန၏ စာရင်းဇယားအရ သိရသည်။
အဏ္ဏဝါသဘာဝထိန်းသိမ်းရေးနေရာများကို လျောင်းနင် (Liaoning) ၊ ဟဲဘေး(Hebei) နှင့် ထျန်ကျင်း(Tianjin) စသည့်ဒေသများအပါအဝင် ကမ်းရိုးတမ်းပြည်နယ်နှင့်ဒေသ ၁၁ ခု၌ တည်ထောင်ထားရှိကြောင်း ၊ စုစုပေါင်း ဧရိယာအကျယ်အဝန်း ၁၂၄,ဝဝဝ စတုရန်းကီလိုမီတာ ရှိကြောင်း အဆိုပါဌာန၏ အင်တာနက်စာမျက်နှာပေါ်တွင် ထုတ်ပြန်သည့် ကြေညာချက်တစ်စောင် အရသိရသည်။
အဆိုပါထိန်းသိမ်းရေးနေရာများတွင် တရုတ်ပြည်ပေါက်မျိုးစိတ်စာရင်းဝင် လင်းပိုင်များ ၊ ပင်လယ်ဖျံများ နှင့် ပင်လယ်လိပ်များ အပါအဝင် မျိုးသုန်းပျောက်ကွယ်မှု အန္တရာယ်ဖြင့်ကြုံတွေ့နေရသည့် ရှားပါးအဏ္ဏဝါမျိုးစိတ်များ ထိန်းသိမ်းထားသည်။
ကမ်းလွန်သန္တာကျောက်တန်းများ ၊ ဒီရေတောများ ၊ ကမ်းရိုးတမ်း စိမ့်နွံဒေသများ နှင့် အဏ္ဏဝါဂေဟစနစ်များကို သဘာဝထိန်းသိမ်းရေးစာရင်းများထဲတွင် ထည့်သွင်းထားကြောင်းလည်း သိရသည်။
တရုတ်နိုင်ငံသည် နိုင်ငံ၏ အနောက်တောင်ပိုင်း လျောင်နင်းကျွန်းဆွယ်တွင် တည်ရှိသည့် အလျား ၁ဝ ကီလိုမီတာကျော်ရှိသည့် Shedao ကျွန်းကို တရုတ်နိုင်ငံ၏ ပထမဆုံး အဏ္ဏဝါသဘာဝထိန်းသိမ်းရေးနေရာအဖြစ် ၁၉၆၃ ခုနှစ်တွင် သတ်မှတ်ပြီး ထိန်းသိမ်းလာခဲ့ကြောင်း သိရသည်။(Xinhua)