Connect with us

Politics, Law & Military

တရုတ်နိုင်ငံ သမ္မတ ရှီကျင့်ဖိန်၏ အုပ်ချုပ်မှုဆိုင်ရာ စာအုပ်အား ဟန်ဂေရီ ဘာသာစကား ဖြင့် ဘူဒါပက် တွင် စတင်ဖြန့်ချိခြင်း အခမ်းအနား ကျင်းပ

တရုတ္ႏို္င္ငံ သမၼတ ရွီက်င့္ဖိန္၏ အုပ္ခ်ဳပ္မႈဆိုင္ရာ စာအုပ္အား ဟန္ေဂရီ ဘာသာစကား ျဖင့္ စတင္ထုတ္ေဝသည့္ အခမ္းအနား အားျမင္ေတြ႕ရစဥ္(ဆင္ဟြာ)

ဘူဒါပက် ၊ ဧပြီ ၂၅ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်၏ အုပ်ချုပ်မှုဆိုင်ရာ စာအုပ် “Xi Jinping: The Governance of China” အား ဧပြီလ ၂၄ ရက်နေ့တွင် ဟန်ဂေရီ နိုင်ငံ ၏ မြို့တော် ဘူဒါပက် တွင် စတင်ဖြန့်ချိခြင်း အခမ်းအနား တစ်ရပ် ကျင်းပခဲ့ပြီး တရုတ် နိုင်ငံ CPC ကော်မတီဝင် ၊ ဗဟို ကော်မတီ ပြန်ကြားရေးဋ္ဌာန ဌာနမှူး လျိုချိပေါင်(Liu Qibao) နှင့် ဟန်ဂေရီ နိုင်ငံ လွှတ်တော် အမြဲတမ်း ဒုတိယ ဥက္ကဋ္ဌ Mattroi တို့တက်ရောက်ကာ နှုတ်ခွန်းဆက် အမှာစကား ပြောကြား ခဲ့ကြသည်။

လျိုချိပေါင် က အမှာစကား ပြောကြားရာတွင် တရုတ်နိုင်ငံ သမ္မတ ရှီကျင့်ဖိန်၏ အုပ်ချုပ်မှုဆိုင်ရာ စာအုပ် တွင် ပါတီ နှင့် နိုင်ငံ စီမံအုပ်ချုပ်မှု ပိုင်းဆိုင်ရာများနှင့် ကမ္ဘာလုံးဆိုင်ရာ ကိစ္စရပ် များအပေါ် စီမံခန့်ခွဲသည့် ရှုထောင့် များနှင့် ပတ်သက်သော ကြွယ်ဝသော အကြောင်းအရာ များပါရှိကြောင်း ၊ တရုတ် နိုင်ငံ သမ္မတ ရှီကျင့်ဖိန် ကို ဗဟိုပြု၍ လက်ရှိ တရုတ် နိုင်ငံ ပြည်တွင်းအခြေအနေ နှင့် ဖွံ့ဖြိုးတိုးတက်ရေး ဆောင်ရွက်မှု များကို အခြေခံကာ ဖော်ဆောင်ခဲ့သည့် နိုင်ငံတော် အုပ်ချုပ်ရေးဆိုင်ရာ မဟာဗျူဟာ အတွေးအမြင် သစ်များ ပါရှိကြောင်း ၊ ခေတ်သစ် အခြေအနေ အရပ်ရပ်အောက်တွင် ပါတီ နှင့် နိုင်ငံတော် တို့အတွက် ဆောင်ရွက်ခဲ့သော အရေးပါသည့် သီအိုရီ နှင့် လက်တွေ့ဆောင်ရွက်မှု များပါဝင်ကြောင်း ၊ ရှီကျင့်ဖိန်၏ အုပ်ချုပ်မှုဆိုင်ရာ စာအုပ် သည် ခေတ်သစ် စဉ်စားတွေးခေါ်မှု နှင့် မဟာဗျူဟာ သစ်များအား စုစည်းထားကြောင်း ၊ ယင်းစာအုပ် မှ တစ်ဆင့် ဟန်ဂေရီ နိုင်ငံသားများ မှ တရုတ် နိုင်ငံ အား ပိုမို နားလည်စေမည့် ပြတင်းတံခါး တစ်ခု ဖြစ်ကာ တရုတ် နိုင်ငံ ၏ ဖွံ့ဖြိုးတိုးတက်ရေး အတွေးအမြင် ၊ ဖွံ့ဖြိုးတိုးတက်မှု လမ်းကြောင်း နှင့် ပြည်တွင်းပြည်ပ မူဝါဒ များကို ပိုမို သိရှိနားလည် စေမည် ဖြစ်ကြောင်း ပြောကြား ခဲ့သည်။

Mattroi က အမှာစကား ပြောကြားရာတွင် တရုတ် နိုင်ငံ ၏ ဖွံ့ဖြိုးတိုးတက်မှု သည် လူတိုင်းတွေ့မြင်ရသည့် အဖြစ်အပျက် တစ်ခု ဖြစ်ကြောင်း ၊ တရုတ် နိုင်ငံ ၏ ရပ်တည်မှု သည်လည်း ကမ္ဘာ့ဆက်ဆံရေး တွင် လျစ်လျူရှူ ၍ မရသော အရာတစ်ခု ဖြစ်လာခဲ့ကြောင်း ၊ တရုတ်နိုင်ငံ သမ္မတ ရှီကျင့်ဖိန်၏ အုပ်ချုပ်မှုဆိုင်ရာ စာအုပ် သည် ဟန်ဂေရီ နိုင်ငံသား များမှ တရုတ် နိုင်ငံ အပေါ် သိရှိနားလည်မှု ကို ပိုမို တိုးမြှင့်စေနိုင်မည် ဖြစ်ပြီး ဟန်ဂေရီ နိုင်ငံ နှင့် တရုတ် နိုင်ငံ အကြား နိုင်ငံရေး ၊ စီးပွားရေး နှင့် လူမှုရေး ဆိုင်ရာ ဆက်ဆံရေး ကို တိုးမြှင့်စေနိုင်မည် ဖြစ်ကြောင်း ပြောကြား ခဲ့သည်။

တရုတ်နိုင်ငံ သမ္မတ ရှီကျင့်ဖိန်၏ အုပ်ချုပ်မှုဆိုင်ရာ စာအုပ် “Xi Jinping: The Governance of China” ဟန်ဂေရီ ဘာသာ ဖြင့် ထုတ်ဝေသော စာအုပ်သည် ၁၉ အုပ်မြောက် နိုင်ငံခြား ဘာသာ ဖြင့်ထုတ်ဝေသည့် စာအုပ်ဖြစ်ပြီး အရှေ့ဥရောပ အလယ်ပိုင်းတွင် နိုင်ငံခြား ဘာသာဖြင့် ပထမ ဦးဆုံး ထုတ်ဝေ ခဲ့ခြင်း ဖြစ်ကြောင်း သိရှိရသည်။(Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.