အီကွေဒေါ၌အကြီးဆုံးမားဆုံးရေအားလျှပ်စစ်စက်ရုံဖွင့်လှစ်

အယ်လ်ခါကို(ဧပြီလ ၁၄ ရက်)

တရုတ်နိုင်ငံ မှ Sinohydro ကုမ္မဏီကတည်ဆောက်ခဲ့သော အီကွေဒေါနိုင်ငံ၏အကြီးမားဆုံးရေအားလျှပ်စစ်စက်ရုံ ဖြစ်သော အားဧပြီလ ၁၃ ရက်က အီကွေဒေါနိုင်ငံ Coca Codo Sinclair စက်ရုံအားနာပိုပြည်နယ်၊ အယ်လ်ခါကို မြို့၌ဖွင့်လှစ်ခဲ့ကြောင်းသိရသည်။

ဖွင့်ပွဲအခမ်းအနားသို့အီကွေဒေါနိုင်ငံ ဒုတိယသမ္မတ ဂျော့ဂျ်ဂလပ်စ် တက်ရောက်ကာစက်ရုံ၏တာဘိုင်စက်လေးလုံးကိုစတင်လည်ပတ်ပြီးဖွင့်လှစ်ပေးခဲ့ကြောင်းသိရသည်။ အဆိုပါစက်ရုံစီမံကိန်းမှာ ၉၅ ရာခိုင်နှုန်းပြီးစီးသွားပြီဖြစ်ပြီး တာဘိုင်စက်လေးလုံးကိုစွမ်းအားပြည့်လည်ပတ်နိုင်ခြင်းဖြင့်လျှပ်စစ်ဓါတ်အား မဂ္ဂါဝပ် ၇၅၀ ထုတ်လုပ်ပေးနိုင်မည်ဖြစ်သည်။၎င်းတို့အနက်အချို့ကိုအိမ်နီးချင်း ကိုလံဘီယာ သို့တင်ပို့ရောင်းချသွားခြင်းဖြင့် အီကွေဒေါ နိုင်ငံကိုစွမ်းအင်တင်ပို့သည့့်နိုင်ငံအဖြစ်သို့ရောက်ရှိစေမည်ဟုလည်းဒုတိယသမ္မတ ဂလပ်စ် ကပြောခဲ့သည်။ စက်ရုံစီမံကိန်းလုံးဝပြီးစီးသွားပြီးနောက်တွင်မူ ၎င်းက မဂ္ဂါဝပ် ၁,၅၀၀ ထိထုတ်လုပ် နိုင်မည်ဖြစ်ရာ အီကွေဒေါနိုင်ငံလျှပ်စစ်ဓါတ်အားလိုအပ်ချက်၏ ၃၀ ရာခိုင်နှုန်းကိုဖြည့်ဆည်းပေးနိုင်မည်ဖြစ်သည်။လာမည့်သြဂုတ်လ တွင်စက်ရုံစီမံကိန်းလုံးဝပြီးစီးမည်ဖြစ်ရာ
အီကွေဒေါနိုင်ငံ အတွက်လောင်စာတင်သွင်းမှုကြောင့်ကုန်ကျစရိတ်တစ်နှစ်လျှင်အမေရိကန်ဒေါ်လာ သန်း ၆၀၀ ခန့်သက်သာစေမည်ဖြစ်သည်။

၎င်းစီမံကိန်းကို ဒေါ်လာ ၂.၂၄ ဘီလီယံ အကုန်အကျခံပြီး၂၀၁၀ ပြည့်နှစ်မှ
စတင်အကောင်အထည်ဖော်ခဲ့ခြင်းဖြစ်ပြီးအလုပ်အကိုင်နေရာ ၇,၇၃၉ နေရာကိုလည်း
ဖန်တီးပေးနိုင်မည်ဖြစ်သည်။ Coca Codo Sinclair စက်ရုံက အီကွေဒေါနိုင်ငံ၌အများ
အားဖြင့်တရုတ်ကုမ္မဏီများတည်ဆောက်ခဲ့သောရေအားလျှပ်စစ်စက်ရုံ ခုနှစ်ခုအနက်
တစ်ခုလည်းဖြစ်သည်။
(Xinhua)