MYANMAR
မြန်မာနိုင်ငံ၌ COVID-19 ရောဂါဖြစ်ပွားသူ ၁၃၅,၇၂၁ ဦးတွင် သေဆုံးသူ ၂၉၉၇ ဦးရှိ
ရန်ကုန်၊ ဇန်နဝါရီ ၂၀ ရက် (ဆင်ဟွာ) ရေးသားသူ/ အိမွန်ကျော်
မြန်မာနိုင်ငံ၌ COVID-19 ရောဂါဖြစ်ပွားသူ ၁၃၅,၇၂၁ ဦးတွင် သေဆုံးသူ ၂၉၉၇ ဦးရှိကြောင်း ယနေ့ ညပိုင်း ကျန်းမာရေး နှင့် အားကစားဝန်ကြီးဌာနက ထုတ်ပြန်သော သတင်းအရသိရသည်။
မြန်မာနိုင်ငံ၌ COVID-19 ရောဂါဖြစ်ပွားသူသည် ရာခိုင်နှုန်းအားဖြင့် ၆ ရက်ဆက်တိုက် ၂ ရာခိုင်နှုန်းကျော်ကို ကျဆင်းလာကြောင်း သိရသည်။
ယနေ့ (ဇန်နဝါရီ ၂၀ ရက်)တွင် COVID-19 ရောဂါဖြစ်ပွားသူ ၄၇၈ ဦးရှိပြီး သေဆုံးသူ ၁၁ ဦးရှိကြောင်း သိရသည်။
လွန်ခဲ့သော၂၄နာရီအတွင်း COVID-19 ရောဂါပျောက်ကင်း၍ ဆေးရုံကဆင်းခွင့်ရှိသူ ၆၅၇ ဦးရှိ သဖြင့် ဆေးရုံကဆင်းခွင့်ရသူ စုစုပေါင်း ၁၁၉,၃၁၄ ဦးရှိကြောင်းသိရသည်။
မြန်မာနိုင်ငံ၌ COVID-19 ရောဂါကူးစက်ခံရသူ ၆၃ ရာခိုင်နှုန်း မှ ၈၅ ရာခိုင်နှုန်းခန့်သည် ရောဂါလက္ခဏာ တစ်စုံတစ်ရာ ပြသခြင်း မရှိသောကြောင့် မိမိပတ်ဝန်းကျင်တွင် ရောဂါရှိသူများ ရှိနေနိုင်ပြီး မည်သူထံတွင် ရောဂါရှိသည်ကို အမြင်အားဖြင့် မသိရှိနိုင်ကြောင်း ၊ သို့ဖြစ်၍ COVID-19 ကာကွယ်ရေးနည်းလမ်းများကို မိသားစုဝင်အချင်းချင်း ၊ မိတ်ဆွေအချင်းချင်း ၊ လုပ်ဖော်ကိုင်ဘက်အချင်းချင်း အသိပေးခြင်း နှင့် သတိပေးခြင်းများကို အမြဲတမ်း ပြုလုပ်ကြရန် ကျန်းမာရေး နှင့် အားကစားဝန်ကြီးဌာနကထုတ်ပြန်ထားသည်။
COVID-19 ကပ်ရောဂါသည် ကမ္ဘာ့နိုင်ငံအများအပြားတွင် ကူးစက်ဖြစ်ပွားမှု နှင့် သေဆုံးမှု များပြားနေဆဲ ဖြစ်ပြီး ကူးစက်ဖြစ်ပွားမှု လျော့နည်းကျဆင်းအောင် ထိန်းချုပ်ထားနိုင်ခဲ့သည့် နိုင်ငံအချို့တွင်လည်း ကူးစက်ဖြစ်ပွားမှုများ ပြန်လည်များပြားလာနေသည်ကို တွေ့ရှိနေရကြောင်း ၊ မြန်မာနိုင်ငံ၌ ထိုသို့ မဖြစ်ရေး အထူးဂရုစိုက်ရန် လိုအပ်မည် ဖြစ်ကြောင်း ဝန်ကြီးဌာနက ထည့်သွင်း ထုတ်ပြန်ထားသည်။ (Xinhua)
Continue Reading