Environment, Disasters & Accidents
ရေကြီး၊ ရေလျှံမှုများဖြစ်ပွားပြီး လမ်းများ ပိတ်ထားရသဖြင့် ရန်ကုန်- မော်လမြိုင်- ရန်ကုန် လေကြောင်း ခရီးစဉ် ပြေးဆွဲပေးမည်
ရန်ကုန်၊ ဇူလိုင် ၂၈ ရက် (ဆင်ဟွာ)
မွန်ပြည်နယ်အတွင်း မိုးသည်းထန်စွာ ရွာသွန်းမှုကြောင့် မြို့နယ်အချို့တွင် ရေကြီး၊ ရေလျှံမှုများဖြစ်ပွားပြီး လမ်းများ ပိတ်ထားရသဖြင့် Myanmar National Airline မှ ရန်ကုန်- မော်လမြိုင်- ရန်ကုန် လေကြောင်း ခရီးစဉ် ပြေးဆွဲပေးမည်ဖြစ်ကြောင်း မွန်ပြည်နယ်အစိုးရအဖွဲ့ရုံးက ထုတ်ပြန်သော သတင်းအရ သိရသည်.
လက်ရှိတွင် ရေကြီး၊ ရေလျှံမှုများဖြစ်ပွားနေပါ၍ ဘုရားကြီး- မော်လမြိုင်- ထားဝယ်- ကော့သောင်း အဝေးပြေးလမ်းမကြီးအား ယာယီပိတ်ထားခဲ့ရသဖြင့် လေကြောင်း ခရီးစဉ် ပြေးဆွဲခြင်း ဖြစ်ကြောင်း သိရသည်။
ခရီးသွားပြည်သူမှ လေယာဉ်လက်မှတ်များကို အောက်ဖော်ပြပါ လေယာဉ်လက်မှတ်အရောင်းဌာန၏ ဖုန်းနံပါတ်များသို့ ဆက်သွယ် ဝယ်ယူနိုင်ကြောင်းနှင့် ရန်ကုန်မှ မော်လမြိုင်မြို့သို့ လာရောက်မည့် ခရီးသွားမိဘပြည်သူများအနေဖြင့်လည်း ရန်ကုန်အပြည်ပြည်ဆိုင်ရာလေဆိပ်မှ နေ့လယ် (၁၁း၃၀) နာရီအချိန်တွင် လေယာဉ်ထွက်ခွာမည်ဖြစ်ပါ၍ အဆိုပါ လေယာဉ်အရောင်းလက်မှတ်ဌာနများသို့ ဆက်သွယ်ဝယ်ယူနိုင်ကြောင်း မွန်ပြည်နယ်အစိုးရအဖွဲ့က ထုတ်ပြန်ထားသည်။(Xinhua)