Politics, Law & Military
ARSA အစွန်းရောက် အကြမ်းဖက်သမား နေအိမ်များ မီးရှို့ဖျက်ဆီး
ရန်ကုန်၊ အောက်တိုဘာ ၅ ရက် (ဆင်ဟွာ)
ရခိုင်ပြည်နယ်၊ ဘူးသီးတောင်မြို့နယ်အတွင်း အောက်တိုဘာ ၄ ရက် နံနက်
၂ နာရီ ၄၀ မိနစ်ခန့်တွင် မိကျောင်းဈေးကျေးရွာ၌ ARSA အစွန်းရောက် အကြမ်းဖက်သမားက လူနေအိမ်
၇ လုံးအား မီးရှို့ဖျက်ဆီးခဲ့ကြောင်း တပ်မတော်ကာကွယ်ရေးဦးစီးချုပ်ရုံးက
ထုတ်ပြန်သော သတင်းအရ သိရသည်။
လုံခြုံရေးတပ်ဖွဲ့ဝင်များ တရားဥပဒေစိုးမိုးရေးလုပ်ငန်း များ
ဆောင်ရွက်နေစဉ် မီးလောင်မှုဖြစ်ပွားသဖြင့် လုံခြုံရေးတပ်ဖွဲ့ဝင်များနှင့် ကျေးရွာနေ
ရွာသူ၊ ရွာသားများက ဝိုင်းဝန်းငြှိမ်းသတ်မှုကြောင့် နံနက် ၄ နာရီခန့်တွင်
မီးငြိမ်းသွားခဲ့ကြောင်း သိရသည်။
မီးလောင်မှုကြောင့် လူနေအိမ် ၇ လုံး (ခန့်မှန်းတန်ဖိုးငွေကျပ်
၃၅၀၀၀၀ ခန့်) မီးလောင်ပျက်စီးဆုံးရှုံးခဲ့ပြီး အဆိုပါဖြစ်စဉ်နှင့်ပတ်သက်၍
စစ်ဆေးမေးမြန်းချက်များအရ မီးရှို့သူမှာ ကျေးရွာနေ အီနု(ဘ) ဦးမာမတ်ဆွေရိန် ဖြစ်ပြီး
၎င်းမှာ ARSA အစွန်းရောက် ဘင်္ဂါလီအကြမ်းဖက်အဖွဲ့ဝင်တစ်ဦးဖြစ်ကာ ဘင်္ဂါလီများအား
တစ်ဖက်နိုင်ငံသို့ ထွက်ပြေးရန် လိုက်လံစည်းရုံးလှုံ့ဆော်သူဖြစ်ကြောင်းနှင့်
ယခုအခါတစ်ဖက်နိုင်ငံသို့ ထွက်ပြေးတိမ်းရှောင်လျက်ရှိကြောင်း သိရသည်။(Xinhua)