တူရကီနိုင်ငံ အရှေ့ပိုင်းတွင် ထရပ်ကားတိမ်းမှောက်မှုကြောင့် လူ ၅ ဦးသေဆုံး၊ ၃၇ ဦး ဒဏ်ရာရ

အန်ကာရာ၊ မေ ၁၇ ရက် (ဆင်ဟွာ)

တူရကီနိုင်ငံ အရှေ့ပိုင်း ဗန်ပြည်နယ်တွင် မေလ ၁၆ ရက်က ထရပ်ကားတစ်စီးတိမ်းမှောက်ပြီးနောက် အနည်းဆုံး လူ ၅ ဦးသေဆုံးကာ အခြားသူ ၃၇ ဦး ဒဏ်ရာရရှိခဲ့ကြောင်း နိုင်ငံပိုင် Anadolu အေဂျင်စီက သတင်းဖော်ပြခဲ့သည်။

ဗန်ပြည်နယ် တာ့စ်ဘာခရိုင် Van-Ercis အဝေးပြေးလမ်းပေါ်တွင် ထရပ်ကားအား အရှိန်မထိန်းနိုင်ဖြစ်ကာ တိမ်းမှောက်ရခြင်းဖြစ်သည်။

ဒဏ်ရာရသူများအား ဆေးကုသမှုခံယူရန် ဆေးရုံများသို့ ပို့ဆောင်ခဲ့သည်။

အဆိုပါ ယာဉ်တိမ်းမှောက်မှုနှင့်ပတ်သက်၍ ဒေသခံအာဏာပိုင်များက စုံစမ်းစစ်ဆေးမှု လုပ်ဆောင်ခဲ့သည်ဟု ဆိုသည်။

စည်းကမ်းနှင့်မကိုက်ညီသည့် ရွှေ့ပြောင်းသွားလာသူများနှင့် ဆက်စပ်မှုရှိသဖြင့် ယာဉ်တိမ်းမှောက်မှုတွင် အသက်ရှင်လွတ်မြောက်သူ ထရပ်ကားမောင်းသူအား ထိန်းသိမ်းထားကြောင်း Hurriyet နေ့စဉ်သတင်းစာက ဖော်ပြခဲ့သည်။ (Xinhua)