Connect with us

Asia

ဖူကူရှီးမား နျူကလီးယား ညစ်ညမ်းမှုရှင်းလင်းရေး အတွက် လိမ်လည်မှု (သို့မဟုတ်) “ကျွန်တော် နေထိုင်ရာ နိုင်ငံ မှာ စိတ်ဓာတ်ရေးရာ ဒီလောက် နိမ့်ကျခဲ့ပါသလား”ဟု ဂျပန်အင်တာနက် အသုံးပြု တစ်ဦးမှပြောကြား

ဂ်ပန္ ႏိုင္ငံ ဖူကူရွီးမား ႏ်ဴကလီးယား လွ်ပ္စစ္ဓာတ္အားေပး စက္႐ံု ေပါက္ကြဲမႈ ျဖစ္ပြားၿပီးေနာက္တြင္ ၂၀၁၁ ခုႏွစ္ မတ္လ ၁၄ ရက္ေန႕က ႐ိုက္ကူးခဲ့စဥ္ (ဆင္ဟြာ/AFP)

ပေကျင်း ၊ မတ် ၁၇ ရက် (ဆင်ဟွာ)

မိမိ တို့၏နိုင်ငံ မှ အိုးပစ်အိမ်ပစ် စွန့်ခွာပြီး ဂျပန် နိုင်ငံ သို့ရောက်ရှိလာခဲ့သော်လည်း ဖူကူရှီးမား နျူကလီးယား ညစ်ညမ်းမှုရှင်းလင်းရန် အတွက် လိမ်လည်မှု ဒုက္ခတွင်းသို့ ကျရောက်ခဲ့ရခြင်းသည် ဂျပန် နိုင်ငံ သို့ရောက်ရှိခဲ့သော အများစု ဒုက္ခသည် များ ခံစားခဲ့ရသည့် လိမ်လည်မှုဖြစ်စဉ်ကြီး တစ်ခု ဖြစ်ပြီး ဂျပန် နိုင်ငံ သား အချို့က ထိုလိမ်လည်ခံရသူများကို “နျူကလီးယား စက်ရုံ ၏ ကျေးကျွန်” ဟု ခိုင်းနှိုင်းခေါ်ဝေါ်ခြင်း ခံခဲ့ရသည်။

ဖူကူရှီးမား နျူကလီးယား ယိုစိမ့်မှု ဖြစ်ပွားခဲ့ခြင်းသည် လက်ရှိချိန်တွင် အချိန်ကာလ ၆ နှစ်ကြာမြင့်ခဲ့ပြီး ဖြစ်သော်လည်း ယင်းဒေသ ၏ ပြန်လည် ထူထောင်ရေး လုပ်ငန်းသည် လွန်စွာ ခက်ခဲနေဆဲ ဖြစ်သည်။ နျူကလီးယား အညစ်အကြေး ရှင်းလင်းရေး အတွက် လူအင်အား လိုအပ်ချက်ရှိခြင်း နှင့် ဂျပန် အစိုးရ ၏ စောင့်ကြည့်လေ့လာ စိစစ်မှု ပျက်ကွက်ခြင်းများကြောင့် ဂျပန် လုပ်ငန်း ကုမ္ပဏီ များသည် ဒုက္ခသည် များကို အသုံးချရန် အကြံထုတ်ကြိုးပမ်းမှုများ ပြုလုပ် လာခဲ့ကြသည်။

(အန္တရာယ် များအောက်သို့ ကျရောက်အောင် လိမ်လည်လှည့်ဖြားခြင်း)

သတင်းထောက် တစ်ဦး အနေဖြင့်လည်း ဖေဖော်ဝါရီလပိုင်းတွင် ဖူကူရှီးမား သို့သွားရောက်ခဲ့ကာ လက်တွေ့ လေ့လာစုံစမ်းမှု များပြုလုပ်ခဲ့ရာတွင် အံ့အားသင့်ဖွယ် မြင်ကွင်းများကို ဆက်တိုက် မြင်တွေ့ခဲ့ရသည်။ နျူကလီးယား စက်ရုံ အနီးတစ်ဝိုက်တွင် အိုဟောင်းဆွေးမြေ့နေသည် နေအိမ်အများအပြား နှင့် လယ်ယာမြေများသည်လည်း တစ်ဦးတစ်ယောက်မျှ ထွန်ယက်ခြင်း မရှိသဖြင့် ချုံနွယ်များဖြင့် ဖုံးလွှမ်းနေသည့် မြင်ကွင်းကို တွေ့ခဲ့ရသည်။

ဂျပန် နိုင်ငံ ၏ ဒုက္ခသည် မှတ်ပုံတင် လျှောက်လွှာ စာရွက်စာတမ်းများအား မြင်တွေ့ရစဉ်(ဓာတ်ပုံ-Chunichi Shimbun ဝဘ်ဆိုက်)

နျူကလီးယား စက်ရုံ အနောက်ပိုင်းရှိ ၃၅ မီတာ မြင့်သော အဆောက်အဦ ပေါ်တွင် နျူဓာတ်ရောင်ခြည် တိုင်းတာရေး စက်ကိရိယာ တွင် ဖော်ပြနေသော ကိန်းဂဏန်းမှာ တစ်နာရီလျှင် ၁၅၀ μSv ရှိခဲ့ပြီး ၎င်းမှာ တိုကျိုမြို့ ပုံမှန် လူနေမှုပတ်ဝန်းကျင်ထက် အဆပေါင်း ၃၀၀၀ ကျော်ပိုမို မြင့်မား နေခြင်း ဖြစ်သည်။ နျူဓာတ်ရောင်ခြည် မည်မျှမြင့်မားသနည်း ဆိုရလျှင် တိုင်းတာရေး စက်ကိရိယာ ၏ တုန်ခါမှုကြောင့် ပင် သတင်းထောက်၏ လက်ကို ထုံကျင်စေသည့် အထိ မြင့်မားနေသည် ကို တွေ့ရသည်။နျူကလီးယား ယိုစိမ့်မှု ဖြစ်ပွားခဲ့သော ဖူကူရှီးမား တွင် လုပ်ကိုင်ဆောင်ရွက်ရသည့် အလုပ်သည် ရေရှည်လုပ်ကိုင်ဆောင်ရွက်ရသော အလုပ်ဖြစ်ပြီး အဓိက လုပ်ငန်းတာဝန် အနေဖြင့် နျူကလီးယား ယိုစိမ့်မှုကြောင့် ဖြစ်ပွား ခဲ့သော ညစ်ညမ်းသည့် အပေါ်ယံ မြေဆီလွှာ နှင့် အခြား ညစ်ညမ်း ပစ္စည်းများ ကို ဖယ်ရှားရှင်းလင်းရသည့် အလုပ်ဖြစ်သည်။

ဖူကူရှီးမား တွင် နျူကလီးယား ညစ်ညမ်းမှု ဖြစ်ပွားခဲ့သည့် အညစ်အကြေးများ စုပုံ ထားသည် ကိုမြင်တွေ့ရစဉ်(ဆင်ဟွာ/AP)

ယင်းကဲ့သို့သော အန္တရာယ်များအောက်တွင် ဖူကူရှီးမား တွင် နျူကလီးယား အညစ်အကြေး ရှင်းလင်းပေးခြင်းဖြင့် နေထိုင်ခွင့် သက်တမ်း တိုးမြှင့်နိုင်မည် ဟုလိမ်လည် ပြောဆိုကာ ဒုက္ခသည်များအနေဖြင့် ထိုဒေသ ၏ အကြောင်းအရာ ကို မသိရှိဘဲ ဂျပန် နိုင်ငံသား များ ရှောင်ရှားသည့် ဓာတ်ရောင်ခြည်သင့်စေနိုင်သော အလုပ် များကို လုပ်ကိုင်ခဲ့ရသည်။ဘင်္ဂလားဒေ့ရှ် နိုင်ငံ မှ ဒုက္ခသည် ဟူစိန် မိုနိ နှင့် ဟူစိန် ဒီအာလိုရီ တို့သည် အထက်ဖော်ပြပါ ပုံစံ အတိုင်း ဂျပန် နိုင်ငံ ဖူကူရှီးမား သို့ရောက်ရှိလာခဲ့ခြင်းဖြစ်သည်။ ဂျပန် နိုင်ငံ သတင်းမီဒီယာ ၏ ဖော်ပြချက်အရ ယင်းဘင်္ဂလားဒေ့ရှ် နိုင်ငံသား နှစ်ဦးအား ဂျပန် နိုင်ငံ လူသားအရင်းအမြစ် ကုမ္ပဏီ တစ်ခု မှ ဂျပန် နိုင်ငံသား တစ်ဦးက နျူကလီးယား အညစ်အကြေး ရှင်းလင်းခြင်းသည် ဂျပန် နိုင်ငံ အတွက် အလုပ်လုပ်ပေးခြင်း ဖြစ်သောကြောင့် နေထိုင်ခွင့် သက်တမ်း တိုးမြှင့်ပေးနိုင်ကြောင်း ပြောကြား ကာ ဖူကူရှီးမား သို့ခေါ်ဆောင်သွား ခဲ့ခြင်း ဖြစ်သည်။

ဖူကူရှီးမား တွင် အလုပ်လုပ်ကိုင်ရန် ခေါ်ယူသည့် ကြေညာချက်တစ်ခုတွင် ဓာတ်ရောင်ခြည်ပမာဏ နည်းကြောင်း နှင့် ရေရှည်လုပ်ကိုင်နိုင်ကြောင်း ကို အထူးဖော်ပြထားသည် ကိုမြင်တွေ့ရစဉ်(ဓာတ်ပုံ-အင်တာနက်)

တိုင်းတာရေး စက်ရုပ် မှ ရရှိခဲ့သော ဖူကူရှီးမား နျူစက်ရုံ အတွင်းရှိ အရည်ပျော်ကျနေသော အရာဝတ္ထုများကို မြင်တွေ့ရစဉ်(ဆင်ဟွာ/AP)

ဂျပန် နိုင်ငံ သို့ရောက်ရှိနေသော ဒုက္ခသည် များအနေဖြင့် ၎င်းတို့၏ ဒုက္ခသည် မှတ်ပုံတင် မရခင်အချိန်တွင် ၆ လ တစ်ကြိမ် နေထိုင်ခွင့် လျှောက်တင်ခြင်းဖြင့် နေထိုင်ခဲ့ရသည်။ ဒုက္ခသည် များသည် ဂျပန် နိုင်ငံ တွင် နေထိုင်ခွင့် ရမရ နှင့် ပတ်သက်၍ အမြဲတမ်း စိုးရိမ်မှု များဖြင့် နေထိုင်ခဲ့ရပြီး နေထိုင်ခွင့် ရရှိရန် မည်မျှ သေးငယ် သည့် မျှော်လင့်ချက် ကို မဆို အားကိုးခဲ့ကြသည်။

သို့သော်လည်း ၎င်းတို့အနေဖြင့် နျူဓာတ်ရောင်ခြည် အန္တရာယ် များပြည့်နှက်နေသည့် နေရာတွင် လုပ်ကိုင် ဆောင်ရွက်ပြီးနောက်တွင် ဂျပန် နိုင်ငံ အစိုးရ ဌာန သို့ နေထိုင်ခွင့် သတ်တမ်းတိုးခြင်းနှင့် သက်ဆိုင်သော လုပ်ငန်းများ ဆောင်ရွက်သည့် အချိန်တွင် ဂျပန် အစိုးရ ဝန်ထမ်း များအား မိမိ တို့မှ နျူကလီးယား အညစ်အကြေး များကို ဖယ်ရှားရှင်းလင်း သည့် အလုပ်ကို လုပ်ကိုင်ပေးခဲ့ကြောင်း ပြောကြား ခဲ့ရာတွင် ဂျပန် အစိုးရ ဝန်ထမ်း များမှ ဤကိစ္စရပ် နှင့် ပတ်သက်၍ မသိရှိကြောင်း ပြောကြားသည့် အချိန်မှသာ လိမ်လည် ခံခဲ့ရကြောင်း သိရှိခဲ့ခြင်း ဖြစ်သည်။ထိုအချိန် မှ ၎င်းတို့အား ခေါ်ဆောင်သွားသည့် ကုမ္ပဏီ ကို ပြန်လည် သွားရောက်ရှာဖွေသည့် အချိန်တွင် ကုမ္ပဏီ မှာ နာမည် ပြောင်းထားပြီး ဖြစ်ပြီး ဖူကူရှီးမား ရှိ ၎င်းတို့အား ခေါ်ဆောင်သွားသည့် ကုမ္ပဏီ ၏ ရုံးခန်း တွင်လည်း မည်သူ တစ်ဦးတစ်ယောက်မှ မရှိတော့ကြောင်း သိရှိခဲ့ရသည်။

(ပြည်ပ နိုင်ငံ သားများ ပုံရိပ်)

မိုနိ နှင့် ဒီအာလိုရီ တို့သည် ၂၀၁၅ ခုနှစ် ဇန်နဝါရီ လ မှ မတ်လ အထိ ဖူကူရှီးမား သို့သွားရောက် ခဲ့ပြီး နျူကလီးယား အညစ်အကြေး ရှင်းလင်းရေး လုပ်ငန်းများကို လုပ်ကိုင်ဆောင်ရွက်ခဲ့ကြသည်။ လုပ်ကိုင် ဆောင်ရွက်စဉ် အတွင်း လုပ်ငန်း အဖွဲ့တွင် လူပေါင်း ၂၀ ဦးခန့်ရှိခဲ့ပြီး တစ်ဝက်ခန့် မှာ ပြည်ပ နိုင်ငံသားများ ဖြစ်ခဲ့ကာ ဒုက္ခသည် တောင်းခံထားသော အိန္ဒိယ နိုင်ငံသား ၊ သီရိလင်္ကာ နိုင်ငံ သား နှင့် ဘင်္ဂလားဒေ့ရှ် နိုင်ငံ သားများဖြစ်ကြသည်။မိုနိ နှင့် ဒီအာလိုရီ တို့သည် ၂၀၁၃ ခုနှစ်က ဂျပန် နိုင်ငံ သို့စတင်ရောက်ရှိခဲ့ပြီး ဂျပန် ဘာသာ စကားကို ကြိုးစား သင်ယူ ခဲ့ပြီး ဖူကူရှီးမား ကို မသွားရောက်မီ နျူကလီးယား ဓာတ်ရောင်ခြည်သင့်ခြင်း နှင့် ပတ်သက်သော အကြောင်းအရာ အချို့ကို သင်ယူခဲ့သော်လည်း ၎င်းတို့နှစ်ဦး မှာ နျူကလီးယား ဓာတ်ရောင်ခြည် နှင့် ပတ်သက်၍ သေချာ သိရှိခြင်း မရှိခဲ့ပါ။ ၎င်းတို့သည် နေ့စဉ် ဖူကူရှီးမား တွင် လုပ်ကိုင်ဆောင်ရွက် ခဲ့ရာတွင် သာမန် မျက်နှာဖုံး နှင့် လက်အိတ် ဖြင့်သာ နျူကလီးယား အညစ်အကြေး များကို ဖယ်ရှားရသည့် အလုပ်ကို လုပ်ကိုင်ဆောင်ရွက်ခဲ့ရသည်။

လုပ်ငန်းဆောင်ရွက်မှု ကြီးကြပ်သူများ မှ နျူကလီးယား အညစ်အကြေး ဖယ်ရှားခြင်း လုပ်ငန်းဆောင်ရွက်စဉ် အတွင်း နျူဓာတ်ရောင်ခြည် အတိုင်းအတာ ကို တိုင်းတာမှုများရှိသော်လည်း တိုင်းတာရေး ကိရိယာ မှ အန္တရာယ်ရှိကြောင်း အချက်ပေးသည့် အသံသည် မကြာခဏ ကြားနေရသည့် အတွက် လွန်စွာ ကြောက်မက်ဖွယ်ကောင်းကြောင်း မိုနိ တို့မှ ပြောကြား ခဲ့သည်။ဖူကူရှီးမား တွင်နေထိုင်သော နျူကလီးယား ဓာတ်ရောင်ခြည်သင့် နေသည့် ရေများကို ကော်ပုံးများဖြင့် သိမ်းဆည်းခြင်းကို လုပ်ကိုင်ရသော ဘရာဇီး နိုင်ငံ မှ ဂျပန် နိုင်ငံသား ခံယူထားသူ အိရှီခါဝ က “ဂျပန် နိုင်ငံသား များမှ မလုပ်ချင်ကြလျှင် ပြည်ပ နိုင်ငံသားများသာ လုပ်ရတော့မှာ ဖြစ်တယ်” ဟု ဂျပန် နိုင်ငံ မီဒီယာ တစ်ခု သို့ပြောကြား ခဲ့သည်။

ဘရာဇီးလ် နိုင်ငံ တွင် မွေးဖွားခဲ့သော အိရှီခါဝ သည် နျူကလီးယား အညစ်အကြေးများ ဖယ်ရှားသည့် အလုပ်ကို လုပ်ကိုင်သည့် ပြည်ပ နိုင်ငံသားများ အလုပ်အဖွဲ့ ၏ ခေါင်းဆောင်ဖြစ်ပြီး ၎င်းက ဂျပန် အစိုးရ အနေဖြင့် အလုပ်သမား များကို နျူကလီးယား ဓာတ်ရောင်ခြည် နှင့် ပတ်သက်၍ သင်တန်းများ ပေးခြင်းသည် မည်သည့် အကျိုးကျေးဇူး မှမရှိသည့် လုပ်ငန်းစဉ် တစ်ခုသာဖြစ်ကြောင်း ၊ ပြည်ပ နိုင်ငံသား အများစု သည် ဂျပန် စာပေ ကိုနားလည်ခြင်း မရှိဘဲ တိုကျို လျှပ်စစ် ကုမ္ပဏီ မှ ပေးဝေသည့် နျူကလီးယား ဓာတ်ရောင်ခြည် ကာကွယ်ရေး စာအုပ်များသည် ဂျပန်စာ နှင့် အင်္ဂလိပ်စာ များဖြင့်သာ ရေးသားထားခြင်း ဖြစ်သောကြောင့် ဘာသာပြန်ပေးမည့် သူလည်း မရှိသဖြင့် နားလည် နိုင်ရန် အလွန် ခက်ခဲကြောင်း ပြောကြား ခဲ့သည်။သတင်းထောက်အနေဖြင့် ဖူကူရှီးမား သို့သွားရောက် စုံစမ်းသည့် အချိန်တွင် နျူကလီးယား လျှပ်စစ်ဓာတ်အားပေး စက်ရုံ ပတ်ဝန်းကျင်တွင် မိုင်ပေါင်းဆယ်နှင့်ချီသော ဧရိယာ အတွင်း အမဲရောင် အိတ်များဖြင့် ထည့်ထားသည့် နျူကလီးယား အညစ်အကြေး များကို နေရာအနှံအပြားတွင်တွေ့ရှိခဲ့သော်လည်း ၎င်းတို့မှ ပြည်ပနိုင်ငံမှ ဒုက္ခသည် များ အလုပ်ကြမ်း ဖြင့် ဆောင်ရွက်ခဲ့ခြင်း ဖြစ်ကြောင်း ကို မသိရှိခဲ့ပါ။ဂျပန် နိုင်ငံ “Mainichi Shimbun” သတင်းဌာန ၏ ဖော်ပြချက်တွင် ပြည်ပ နိုင်ငံ မှ အလုပ်သမားများသည် တိုကျို လျှပ်စစ် ကုမ္ပဏီ နှင့် ကန်ထရိုက် တို့၏ နျူကလီးယား မတော်တဆမှု ၏ နောက်ဆက်တွဲ လုပ်ငန်းစဉ် များကို လုပ်ငန်း ပြီးမြောက်ရေး အတွက် တွန်အားပေး လုပ်ကိုင်ဆောင်ရွက်ပေး နေသူများ ဖြစ်ခဲ့ရကြောင်း ဖော်ပြ ခဲ့သည်။

(လိမ်လည်မှုများ၏ နောက်ကွယ်မှ အမှန်တရား)

ဂျပန် နိုင်ငံ လူမှုအသိုင်းအဝိုင်း ၏ ကာလတစ်လျှောက်လုံး အလွန်ဆိုးရွားသည့် အလေ့အကျင့် တစ်ခုမှာ လစာနည်းပါးပြီး အလွန်ပင်ပန်း ၊ ညစ်ပတ် အန္တရာယ်များသည့် အလုပ်များကို ပြည်ပ နိုင်ငံသားများအား လုပ်ကိုင်စေသည့် အကျင့်ဆိုး တစ်ခုရှိခဲ့ခြင်းဖြစ်သည်။ဂျပန် နိုင်ငံ Jiji သတင်းဌာန မှ ဖော်ပြခဲ့သည့် ဆောင်းပါးတွင် ဂျပန် နိုင်ငံ သည် လုပ်သား အရင်းအမြစ် လိုအပ်ချက် ရှိသောကြောင့် ပြည်ပနိုင်ငံများမှ ဈေးနှုန်းသက်သာသည့် လုပ်သားများလိုအပ်ချက်သည် တစ်နေ့တစ်ခြား ပိုမိုများပြားလာခဲ့ကြောင်း ၊ ဂျပန် လူမှုအသိုင်းအဝိုင်းသည် ပြည်ပနိုင်ငံသားများ၏ ဂျပန် နိုင်ငံ အလုပ်သမား ဥပဒေ နှင့်ပတ်သက်၍ ကောင်းမွန်စွာ မသိရှိခြင်း ဟူသည့် အားနည်းချက်ကို အသုံးချ ခဲ့ကြသည် မှာ ဂျပန် လူမှု အသိုင်းအဝိုင်း ၏ ဆောင်ရွက်နေကြ လုပ်ဆောင်မှု တစ်ခုသဖွယ် ဖြစ်ခဲ့ကြောင်း ဖော်ပြခဲ့သည်။ဂျပန် နိုင်ငံ မီဒီယာ များက နျူကလီးယား အညစ်အကြေး ဖယ်ရှားခြင်း အလုပ်သည် လူအင်အား ပြတ်လပ်မှု အလွန်ကြီးမားသည့် အခြေအနေ ဖြစ်နေသောကြောင့် လိမ်လည်မှုများဖြင့် လုပ်ကိုင်စေသည့် အဖြစ်အပျက်များစွာ ရှိနိုင်ကြောင်း သုံးသပ်ခဲ့ကြသည်။ဂျပန် နိုင်ငံ လူဝင်မှုကြီးကြပ်ရေး ဌာန မှ ယခု လိမ်လည်မှု ဖြစ်စဉ်ကြီး ပေါ်ပေါက်ခဲ့ပြီးနောက်တွင် လိမ်လည်မှု များကို စုံစမ်းစစ်ဆေးမှု ဆောင်ရွက်သွားမည် ဖြစ်ကြောင်း ပြောကြား ခဲ့သည်။

သို့သော် ဂျပန် နိုင်ငံသားများကမူ နျူကလီးယား အညစ်အကြေး ဖယ်ရှားခြင်း လုပ်ငန်းဆောင်ရွက် မှသာ ဒုက္ခသည် မှတ်ပုံတင် ရရှိစေခြင်းသည် မည်သို့မျှ လက်မခံနိုင်သည့် အကြောင်းအရာ တစ်ခုဖြစ်ကြောင်း ပြောကြား ခဲ့ကြသည်။ဂျပန် နိုင်ငံ မှ တက္ကသိုလ် ကျောင်းဆရာ တစ်ဦး က ၎င်း၏ Twitter စာမျက်နှာတွင် “နျူကလီးယား လျှပ်စစ်ဓာတ်အားပေး စက်ရုံ သည် လူသားချင်း ခွဲခြားဆက်ဆံမှု အပေါ်တွင် မှီခို၍ တည်ဆောက်ထားခြင်း ဖြစ်တယ်” ဟု ဖော်ပြခဲ့သည်။ ဂျပန် နိုင်ငံသား တစ်ဦးမှ လည်း ၎င်း၏ လူမှုကွန်ယက် စာမျက်နှာတွင် ” ငလျင် ၊ နျူကလီးယား စက်ရုံ ၊ ဆင်းရဲခြင်း ……..ငွေကြေးအတွက် လူလူချင်း လိမ်လည်ခြင်း ၊ ထိခိုက်အောင်ဆောင်ရွက်ခြင်း နှင့် စော်ကားခြင်း ဆောင်ရွက်သူများဟာ ရှိစမြဲဖြစ်တယ် ၊ အသက်နဲ့ရင်းပြီး လုပ်ကိုင်နေရသော ဒုက္ခသည် များ ကို လိမ်လည်၍ ရရှိသည့် ငွေဖြင့် ဝယ်သောက်သော အရက် က သင့်အတွက် အဲ့လောက်ပဲ သောက်လ့ိုကောင်းလား” ဟု ဖော်ပြခဲ့သည်။ “hotoo” နာမည်ဖြင့် အင်တာနက် အသုံးပြုသည့် ဂျပန် နိုင်ငံသား တစ်ဦးမှ အင်တာနက် စာမျက်နှာတွင် ” ကျွန်တော် နေထိုင်ရာ နိုင်ငံ မှာ စိတ်ဓာတ်ရေးရာ ဒီလောက် နိမ့်ကျခဲ့ပါသလား” ဟုရေးသား ဖော်ပြခဲ့သည်။

တရုတ် နိုင်ငံ လူမှုရေးရာ သုတေသနကျောင်း ၏ ဒေသတွင်း လုံခြုံရေး သုတေသန စင်တာ မှ လက်ထောက်ဌာနမှူး ရန်တန်ကျိ က လိမ်လည်မှု သည် ဂျပန် နိုင်ငံ အစိုးရ က ဆောင်ရွက်ခဲ့ခြင်း မဟုတ်သော်လည်း ဆိုးရွားသော ဂျပန် နိုင်ငံ လုပ်ငန်း ကုမ္ပဏီ များ၏ ဆောင်ရွက်မှုများသည် ပြည်ပ နိုင်ငံ မှ အလုပ်သမား များ၏ စိတ်ပိုင်းဆိုင်ရာ ကျန်းမာရေးကို ထိခိုက် စေခဲ့သည့် အတွက် ဂျပန် နိုင်ငံ အစိုးရ အနေဖြင့် ယင်းကဲ့သို့သော ကိစ္စရပ်များ အပေါ် စီမံအုပ်ချုပ်မှုပိုင်း နှင့် ပြစ်ဒဏ် ချမှတ်မှု ပိုင်းတွင် ပိုမို လုပ်ဆောင်ရမည် ဖြစ်ကြောင်း ပြောကြား ခဲ့သည်။ထို့ပြင် ရန်တန်ကျိ က ဂျပန် နိုင်ငံ တွင် နေထိုင်လိုသော ပြည်ပ နိုင်ငံသားများအနေဖြင့် ခွဲခြားနိုင်မှု စွမ်းရည် ကိုမြှင့်တင်ခြင်း နှင့် မိမိ ကိုယ်ကိုယ် ကာကွယ်မှု ဆိုင်ရာ အသိပညာ များကို မြှင့်တင်ခြင်းဖြင့် ဂျပန် နိုင်ငံ ၏ ရှုပ်ထွေးသော လူ့အသိုင်းအဝိုင်း သဘောသဘာဝ ကို သိရှိထားရမည် ဖြစ်ကြောင်း ပြောကြား ခဲ့သည်။ဂျပန် နိုင်ငံ Tokyo Metropolitan ရုပ်သံဌာန တွင် လုပ်ကိုင်သော မီဒီယာ သမား တစ်ဦး မှ “ယခု ကဲ့သို့သော လိမ်လည်မှု မျိုးသည် ဂျပန် နိုင်ငံ ၏ ရှက်ဖွယ်ကောင်းသော ကိစ္စရပ် ဖြစ်တယ်” ဟုပြောကြား ခဲ့သည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.