Europe
ရီယို အိုလံပစ် ဖွင့်ပွဲ အခမ်းအနားတွင် ကုလသမဂ္ဂ အကြီးအကဲ ပါဝင်မည်
ကုလသမဂ္ဂ၊ သြဂုတ် ၃ ရက် (ဆင်ဟွာ)
ဘရာဇီးနိုင်ငံ၏ ဒုတိယ အကြီးဆုံးမြို့ဖြစ်သော ရီယို ဒီ ဂျနေးရိုးတွင် ကျင်းပမည့် ၂၀၁၆ အိုလံပစ် ဖွင့်ပွဲ အခမ်း အနား၌ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း တက်ရောက်မည် ဖြစ်ကြောင်း ကုလသမဂ္ဂ ပြောရေးဆိုခွင့်ရှိသူက သြဂုတ်လ ၂ ရက်တွင် ပြောကြားခဲ့သည်။
အိုလံပစ်ပွဲတော် ဖွင့်ပွဲ အခမ်းအနားအား သြဂုတ်လ ၅ ရက်တွင် ပြုလုပ်မည် ဖြစ်သည်။ အိုလံပစ် မီးရှူးတိုင်အား လက်ဆင့်ကမ်း သယ်ဆောင်ရာတွင် ဘန်ကီမွန်းက ပါဝင်မည် ဖြစ်သလို ရီယိုတွင် ရှိနေစဉ်အတွင်း ဒုက္ခသည် များ ပါဝင်သည့် အိုလံပစ် အားကစားအဖွဲ့နှင့်လည်း တွေ့ဆုံမည် ဖြစ်ကြောင်း ကုလသမဂ္ဂ ပြောရေးဆိုခွင့်ရှိသူ စတီဖင် ဒူဂျာရစ်က သတင်းထောက်များအား ပြောကြားခဲ့သည်။
ရီယို အိုလံပစ် ပွဲစဉ်များအား သြဂုတ်လ ၅ ရက်မှ ၂၁ ရက်အထိ ကျင်းပမည် ဖြစ်ပြီး မသန်စွမ်း အားကစားကိုမူ စက်တင်ဘာလ ၇ ရက်မှ ၁၈ ရက်အထိ ကျင်းပမည် ဖြစ်သည်။
၂၀၁၆ ခုနှစ် အိုလံပစ် နွေရာသီ အိုလံပစ် ပြိုင်ပွဲများ၌ အာကစား ၁၀,၀၀၀ ကျော် ဝင်ရောက် ယှဉ်ပြိုင်မည် ဖြစ် သည်။ ယခုနှစ်တွင် ပထမဆုံးအကြိမ်အဖြစ် ဒုက္ခသည် အားကစားသမားအဖွဲ့ကလည်း ဝင်ရောက်ယှဉ်ပြိုင်မည် ဖြစ်ကြောင်း သိရသည်။ (Xinhua)