အလက်စကာ၌ ပြင်းအား ၆.၆ အဆင့်ရှိ ငလျင်လှုပ်ခတ်

ဆန်ဖရန်စစ္စကို ၊ အောက်တိုဘာ ၉ ရက်(ဆင်ဟွာ)

အလက်စကာရှိ Buldir ကျွန်း၏ အရှေ့ဘက် ၆ဝ ကီလိုမီတာအကွာ၌ ဗဟိုပြု၍ အောက်တိုဘာ၈ ရက် ဒေသစံတော်ချိန် ၂၂.၃၄ နာရီတွင် ပြင်းအား ၆.၆ အဆင့်ရှိ ငလျင်တစ်ခုလှုပ်ခတ်ခဲ့ကြောင်း အမေရိကန်နိုင်ငံ ဘူမိဗေဒတိုင်းတာရေး(USGS) က ပြောကြားခဲ့သည်။

၎င်းငလျင်သည် မြေပြင်အောက် အနက် ၁၁၁.၈ ကီလိုမီတာတွင် ဗဟိုပြု၍ မြောက်လတ္တီကျူ့၅၂.၄၅ဝ ဒီဂရီ နှင့် အရှေ့လောင်ဂျီကျူ့၁၇၆.၈ဝ၈ ဒီဂရီအတွင်း လှုပ်ခတ်ခဲ့ခြင်းဖြစ်ကြောင်း သိရသည်။

USGS ၏ ကနဦးတိုင်းတာချက်အရ ငလျင်၏ ပြင်းအားမှာ ၆.၇ အဆင့်ရှိကြောင်း သိရပြီး ၊ ငလျင်ကြောင့် အသေအပျောက်စာရင်း ထုတ်ပြန်ထားခြင်း မရှိကြောင်း သိရသည်။(Xinhua)